Rassgathole

2009-06-22T18:12:00.000-07:00

2009-06-20T21:22:00.001-07:00

2009-06-20T20:55:00.001-07:00

2009-06-20T20:40:00.000-07:00

2009-06-15T21:05:00.000-07:00

2008-06-27T16:13:00.000-07:00

2008-05-23T16:43:00.000-07:00

Út reri einn á báti
Ingjaldr í skinnfeldi.
Týndi átján önglum
Ingjaldr í skinnfeldi
og fertugu færi
Ingjaldr í skinnfeldi.

Aftr komi aldrei síðan
Ingjaldr í skinnfeldi.

Gott kvöld.

Spámaðurinn hefur um skeið starfað sem moppudýr, burðardýr og varðhundur í höll er kennd er við dal þann er kenndur er við laugar. Spámaðurinn er orðinn nauðsynlegt tannhjól í menningarlífi borgarinnar. Næst þegar lærisveinar Rassgathole halda á tónleika, landsleik, trúarsamkomu, vörusýningu eða æfingu í umræddri höll, minnist þess að það er Spámaðurinn sem kemur til með að tæma ruslið, setja upp körfurnar, bera undir þig stólinn og að endingu þurka upp svitapolla, tómatsósu og annað sem fólk kann að skilja eftir sig þar.

Vinnan er bærileg...Mikil þrælkun og mikill frítími sem Spámaðurinn eyðir í melroseþamb, keðjureykingar, götumælingar og listrænu. Þetta fyrirkomulag hentar Spámanninum ágætlega. Þrælkunin hefur undarleg áhrif á Spámanninn. Spámaðurinn hefur aldrei verið fyrir tilgangslausa þvælu á borð við íþróttir eða líkamsrækt, og því mætti helst lýsa sköpulagi hans sem "ámátlegu" síðustu ár... Og sennilega er það raunin enn. Hins vegar, eftir hálft ár af borðaburði, fimleikagólfsuppsettningum og annari þrælkun, þá líður Spámanninum eins og Bruce Banner, Hulkinum...Skyndilega eru farnir að myndast ógnvekjandi vöðvar á framhandleggjum hans, fótleggir hans eru eins fótleggir maraþonhlaupara (byggingin er það stór að maður þarf að ganga ca. kílómetra ef maður gleymir skrúfjárni) og hann er ekki frá því að hann sé herðabreiðari og rödd hans dýpri en áður. Þetta veldur vissu ósamræmi...Grjótharðir íþróttafótleggirnir halda uppi reykmarineraðri bjórvömb o.s.frv.

Hvaða áhrif ætli allir þessir aukavöðvar hafi á heilastarfsemina? Spámaðurinn óttast að hann muni skyndilega finna fyrir óviðráðanlegri þörf fyrir að horfa á kvikmyndir með Bruce Willis og kaupi sér fjórhjól.

2008-05-04T16:30:00.000-07:00

2008-04-23T23:17:00.000-07:00

2008-03-30T20:49:00.000-07:00

2007-05-21T10:55:00.000-07:00

RASSGATHOLE LIFIR!

ps, varðandi kosningar:
Góðir Íslendingar, fokkjú fokkjú fokkjú.

2007-02-25T13:50:00.000-08:00

Íslendingar fá ókeypis aðgang að Internetinu.

Íslendingum mun opnast ókeypis aðgangur að gagnanetinu Internet frá og með 25. nóvember n.k. Gagnanetið sem er kostað af bandarísku ríkisstjórninni hefur 15 milljónir notenda víða um heim og fjölgar þeim um eina milljón á mánuði.

Allir helstu háskólar í veröldinni ásamt milljónum fyrirtækja og einstaklinga eru tengdir Internet gagnanetinu. Þeir aðilar sem fá aðgang að netinu geta miðlað upplýsingum sín á milli í því sér að kostnaðarlausu. til viðbótar opnast aðgangur að þúsundum gagnagrunna þar sem t.d. má fá upplýsingar frá verðbréfamörkuðum, vísindaleg gögn eða upplýsingar um íþróttaviðburði. Með Internet er upplýsingum miðlað um allan heim í þeim tilgangi að auka framleiðni og skapa meiri skilning milli þjóða.

Samkvæmt upplýsingum International Internet Association hafa verið takmarkanir á gagnaflutningslínum til Íslands og erfiðleikar á tengingum. Hafa einungis rannsóknarstofnanir og fyrirtæki haft efni á að greiða fyrir aðgang að gagnanetinu. Markmið Internet er hins vegar að opna sem flestum aðgang að upplýsingum og hugmyndum án tillits til stöðu eða efnahags. Þetta markmið hefur nú náðst fram hér á landi og hefur Internet tilkynnt að fjármunir hafi fengist til að opna öllum Íslendingum ókeypis aðgagng að gagnanetinu frá 25. nóvember. Allir sem hafa yfir að ráða módaldi geta fengið aðgang með því að hringja í tiltekið númer í Washington. Notendur þurfa aðeins að skrá sig og óska eftir aðgangsnúmeri. Hægt er að óska eftir númerinu með því að senda fax í nr. (202)387-5446 eða hringja í síma (202)387-5445. Nokkur töf kanna þó að verða á afgreiðslu þar sem búist er við miklum fjölda beiðna um lykilorð, segir í frétt frá Internet.

2007-02-15T04:09:00.000-08:00

Subject: Dear Dennis, I need your guidance!

Dear Dennis.

I must begin by thanking you for giving birth to the most magnificent
piece of music ever made. It made *me* choke up with tears, and I'm
not even an American
(don't worry, I'm not from a dangerous country). I was incredibly
impressed by the artwork which you, from your kind busom unleashed on
a cold, cruel and evil
world. It was a message of peace. "America we stand as one" is simply
the most amazing song ever to have been performed on the face of the
earth.

To fully communicate how the song made me feel is impossible. But I
will try to describe it. At the start of the video I saw a "scary"
rocker type person on the beach
and I thought "Oh, there's that guy from "Poison" and he's going to
sing about sex and drugs Oh, Dennis, how wrong I was... At the end of
the whole thing, after the
angels, the firemen, the flags, the statue of liberty and the zooming
stars I was bawling like an infant! It was so amazing. I immedietly
called my friend who came
over and I played it for him. Afterwards we sat up talking about how
11/9 had changed our lives and how America had united in the cause of
catching who was
responsible (Saddem!!!!!!)... And that's when it hit us. The problem
with todays world is this: There isn't enough patriotism! We
concluded that if we could get our
own nation as united and solitary as the Americans, we would begin to
see the world as them. We would learn the TRUE meaning of standing as
one. For that one
black september day the whole world was American, and, I, for one,
liked the feeling. In this crazy post-modern world where children
get hurt every second of
every day, we must learn to appreciate our diversity and embrace it
as a part of our heritage. We must reach out and touch the
children!!! Touching children is vital. We are all the same, fat,
skinny, black, white... It does not matter: My race is HUMAN. And I,
though not truly American, hope to wave my flag alongside yours one
day. Together we shall
conquer the world with peace.
Now, this brings me to the crux of my email:
Seeing how your song brought love, solitary and a message of peace to
your nation, why not let me use it to do the same for my country?
What I am proposing is a
german translation of your beautiful words. Yes, music is without
borders, but I am one of the lucky ones to have the gift of the
english language. Most of my
compatriots, upon viewing the video say: "That is beautiful, but what
is he saying?"... Now, me, I'm willing to help you carry your message
to new heights!
What I am proposing is that I translate your song into the beautiful
tongue of Germany (german!!!!!!) and we could either reshoot the
video with german flags, or
maybe get a computer-graphics artist to add them to yours? The name
would remain the same: "Deutschland, stehen wir zusammen". I'm
willing to pay for all costs
and I do not hope to gain any money from this.
At this stage, it is only an idea (but what an idea!!!!!!!)

Please tell me what you think and reply ASAP.

Your fellow citizen of earth.

Fritz Schlauber Rassgathöl.
Berlin, Germany.

Subject: Re:Dear Dennis, I need your guidance!

dear Fritz thank you for your uplifting and beautiful words about
our song / as you know the song is about the world standing as one
in peace and togetherness / I would love to hear our song in GERMAN
it would be an honor / call me lets talk / you can call me
between 11am and 7pm cali. time / (símanúmer) / love to
you / Germany and the World.dennis madalone and my family.
http://www.americawestandasone.com/

2006-11-27T13:14:00.000-08:00

2006-09-04T09:35:00.000-07:00

"Vits er þörf
þeim er víða ratar."

Gott kvöld.
Spámaðurinn ákvað að söðla um og fá sér nýtt starf. Tilraunaglasauppvaskið er orðið nokkuð þreytt. Spámaðurinn skoðaði atvinnuauglýsingar vel og lengi en sá fátt sem maður með myndlistarmenntun gæti nýtt sér. Jú, hann gæti farið til Raufarhafnar að kenna myndlist, en honum líkar of vel í norðurmýrinni til þess.
En dag einn rak Spámaðurinn augun í hið fullkomna starf. Bókavörður. Hvað gæti mögulega verið betra en að sitja í musteri bókvitsins og handleika forna visku alla daga? Hvað er meira seiðandi renna fingrum sínum með munúð eftir fornum kjölum vitandi að maður er meistari vísdómsins? Að leggja eyrað að bókahillu og heyra óljóst forna rödd Jaroslavs Haseks í gegn um myrkur aldanna að biðja um meiri bjór? Að finna viskuna flæða um gólfin og upp leggina, alveg upp í hús sálarinnar? Er hægt að finna verðugra starf?
Fyrir rúmri viku samdi hann umsókn sem hann tróð í umslag ásamt meðfylgjandi bréfum fyrri meistara sem lofuðu hann og prísuðu í hástert. Og fyrir tæpri klukkustund kom svarið inn um lúguna:

Spámaðurinn er of hæfur...

OF HÆFUR?

Jú, Spámaðurinn er einfaldlega of góður til að handleika viskuna! Allt of framarlega í andlegum efnum til þess að þurfa að ómaka sig við tittlingaskít eins og bækur! Of menntaður til að þurfa á lestri að halda!

Spámanninum leikur forvitni á að vita hver það var sem skoðaði bréf hans og hugsaði: "Þessi gaur er að vaska upp tilraunaglös á lansanum fyrir skít á priki...Hann er of góður fyrir okkur".

Hvað þarf til að fá vinnu sem bókavörður? Sakaskrá?

2006-09-01T18:33:00.000-07:00

"Deyr fé,:
deyja frændur,
deyr sjálfur ið sama.
Eg veit einn
að aldrei deyr
dómur um dauðan hvern."

Gott kvöld.

Satan tók sér bólfestu í líkama Spámannsins í byrjun vikunar. Undanförnum dögum hefur Spámaðurinn eytt liggjandi á fleti sínu í krampakenndum hóstaköstum, guðlastandi og tuldrandi særingar fyrir munni sér.
Dagar Spámannsins hafa því einkennst af vanlíðan, hori og félagslegri einangrun. Kaffi, bjór og sígarettur bragðast eins og kverkaskítur...Matur eins og frauðplast.

En í dag fór að rofa til, konungur undirheimanna yfirgaf loks lemstraðann kropp Spámannsins og hann reis úr rekkju eins og fuglinn Fönix. Seint um kvöldið ákvað Spámaðurinn að hann væri orðinn rólfær.
Spámaðurinn var orðinn tóbaksþurfi, og klukkan var margt. Hann tók stefnuna á alræmda búllu handan við hornið til að kaupa sér lucky strike og hálfstöflur. Fyrstu andlitinn sem Spámaðurinn hefur séð í fimm daga voru andlit kaupmannsins og kerlingarinnar sem hann var að reka út úr kíósknum sínum.
Fyrstu orðin sem Spámaðurinn heyrði þegar hann kom aftur út í siðmenninguna voru sumsé kerling nokkur að þruma yfir hausamótum kaupmannsins um að hún ætlaði að kæra hann fyrir að henda sér í veg fyrir strætó. Á meðan hún öskraði sönglaði kaupmaðurinn "það er kominn seytjándi júní" háðslega. Að lokum fékk Kaupmaðurinn nóg af gagnrýni hennar og kom með uppástungu: "Drullaðu þér út merin þín". Svarið var á þessa leið: "Misstu barn á miðjum vegi!"... Spámaðurinn skaut erindi sínu að kaupmanninum meðan hann og hinn viðskiptavinurinn söfnuðu vindi og orðaforða til að halda áfram: "Svona hálfstöflur og einn lökkí stræk takk" svarið var: "Hún var að reyna að stela". Spámaðurinn heyrði enn hrópin í þeim þegar hann var hálfnaður heim til sín og velti því fyrir sér hvort mannleg samskipti væru kannski ofmetin.

Spámaðurinn ku einnig vera ári eldri en hann var um daginn.

Spámaðurinn ákvað að því tilefni að bera afrek sín saman við það sem aðrir afrekuðu þegar þeir voru jafngamlir honum:

Kurt Vonnegut gerði skrifin að aðalstarfi sínu, Gagarín flaug útí geim fyrstur manna, Ernest Hemmingway gaf út skáldsögu, William Mortin uppgötvaði áhrif ethers á mannslíkamann og Piero Manzoni skeit í niðursuðudósir og seldi þær.
27 ára...Spámaðurinn ætti kannski að fara að drulla sér að gera eitthvað?

2006-08-09T15:13:00.000-07:00

Dagur í makró og míkró:

2006-07-26T12:19:00.000-07:00

GAMALT RASSGATHOLE!

Maðurinn hefur ávallt spurt sig sömu spurningarinna. Löngu áður en tímatal hófst, þegar maðurinn var enn með rófu, allt frá örófi alda hefur hann spurt sig : Hver er ég? Hvaðan kom ég? Hvers vegna? Voru guðirnir geimfarar?

Við upphaf tímans var tómið. Gap var ginnunga, og Rassgathole. Hver skóp heiminn? Hver skóp tímann? Hver sleit rófuna af manninum?

Mannskepnan, þessi hárlausi, rófulausi api hefur ávallt krafið himintunglin, kosmóin, smásjána og jafnvel dauða afa og ömmur um svör. Mannskepnan vissi að þar var svör að fá. Nakin, blaut og svöng reyndu þau að komast í samband við hið tæra form guðdómleikans og Rassgathole.

Og mennirnir skópu líkneski himintunglunum og almættinu til dýrðar og fórnuðu meyjum í hofum. Og Rassgathole gaf manninum eldinn, hjólið, hundinn, hestinn og bros barnanna.

Og maðurinn sá að dýrðin var án takmarka.

Fagnaðarerindi Rassgatholusarguðspjalla hefur nú í alls verið 75,859,200 sekúndur á silkiþráðum alnetsins.

1,264,320 mínútur.

21,072 klukkustundir.

878 daga.

125 vikur.

29 mánuði.

2,4 ár.

2006-07-23T13:47:00.000-07:00

"Valdi henni Herföður
hringa og men,
fékk spjöll spakleg
og spá ganda,
sá hún vítt og um vítt
um veröld hverja."

Gott kveld.
Spámaðurinn lifir núna eins og ráðandi öfl telja honum vera fyrir bestu. Spámaðurinn hefur reynt að draga upp mynd í huga sínum að því hvernig hinn fullkomni ríkisstarfsmaður eigi að vera í augum hinna ríkjandi afla útfrá því sem honum er látið í té.
Eftir því sem Spámaðurinn kemst næst, kryddar hinn fullkomni þjóðfélagsþegn ekki mat sinn. Hinn fullkomni þjóðfélagsþegn borðar gamaldags mat og mjólkurgrauta í hvert mál. Hinn fullkomni ríkisþræll ber starfsheiti sitt á bringu sér öllum sýnilegt án þess þó að hægt sé að geta sér til um hvað hann raunverulega starfar. Waffen I.S. borða ýsurúllur með rækjusósu, drottningarkrem og makkarónugraut. Meðalmaurinn er með sótthreinsaðar hendur og ber enga skartgripi, því eins og öll veggpjöld vita leynast sýklar í úrum, hringum og armböndum. Góður starfskraftur verður reyklaus með öllu árið 2007 samkvæmt korktöflunni. Rykmaurar fela sig í fataskápum þjóðfélagsþegnsins þar sem engin verðmæti skulu geymast sökum þjófnaða undanfarið og í þágu sjúklinga skal aldrei hamstra hvítu gallana. Líknandi meðalengill gefur blóð. Nýtir þjóðfélagsþegnar borða soðinn kjúkling.
Allir eins. Allir hvítklæddir, sterílir og dauðhreinsaðir.

Lífið er undarlegt í ofurrútínu. Spámaðurinn veit upp á hár hvað hann borðar, reykir og jafnvel hve mörg vatnsglös hann drekkur á dag. Ekkert er óvænt, hvorki í einkalífinu né á spítalanum þar sem allir vita hvaða hlutverki þeir þjóna. Alveg sama hvað kann gerast, þá er til nafn yfir það á spítala. Stakkstu þig í augað á brotnu glasi sem innhélt hrákasýni? Þá varðstu fyrir "stunguóhappi með sóttmenguðu gleri". Fékkstu ræpu af bragðlausu kjöti í karrí? Þá ert þú sennilega fórnarlamb "víxlmengunar" og þarft að tilkynna það. Fannstu gamalt blóðsýni á bakvið ofn? Það er "M11" og verður brennt. Varstu skotinn í höfuðið og trampað á pungnum á þér? Þá ertu inni á "BM10D" og vissara að senda sýni úr þér í blóðhag. Ertu með höfuðverk? Þá hefur þú sennilega verið of nálægt "rokgjörnum efnum". Er launaseðillinn þinn hlægilegur? Þá ertu "tæknimaður".

2006-06-29T17:56:00.000-07:00

"gap var ginnunga
en gras hvergi."

Gott kvöld.
Spámaðurinn hefur nú öðlast dýpri skilning á því sem þrælum Hjörleifs gekk til er þeir hófu verkalýðsbaráttu sína og drápu eiganda sinn (þó er Spámaðurinn engu nær um ástæðuna fyrir því að þeir flúðu til Vestmannaeyja eftir drápið)... Skrif Spámannsins skal ekki túlka sem líflátshótun við Landlækni heldur sem tjáningu um leiða Spámannsins á starfi sínu, skreytta orðflúri og gífuryrðum.
Spámaðurinn áttaði sig á þessu í morgun. Hann vaknaði á undan vekjaraklukkunni, aldrei þessu vant. Hann ráfaði fáklæddur um stofuna með hálflokuð augu, reykjandi og muldrandi særingar í flóðlýstri íbúðinni á meðan svefnvíman rann af honum. Eitthvað var erfiðara en það var venjulega, en í svefndrukknum morgunseremóníum sínum átti hann erfitt með að átta sig nákvæmlega á því hvað var að. Eftir að hafa laugað sig og burstað á sér skoltinn týndi hann á sig spjarirnar og fyllti vasana af auðkennikortum, matarmiðum, tóbaki, rafrænum tónlistarheila, brenni og öðrum hlutum nauðsynlegum í dagsins önn. Hann dró á sig skó og skellti í lás á eftir sér. Í glampandi sólskini og ærandi fuglasöng paufaðist Spámaðurinn í átt að vinnustað sínum. Risastór regnbogi var á himni og endi hans var á miðri Miklubraut...Spámaðurinn velti fyrir sér kaldhæðninni sem fælist í því að til að komast að enda regnbogans, brú guðanna, bifrastar sem leiðir til Valhallar og goða, þyrfti maður að fara mitt út á hættulegustu umferðaræð á landinu. Umrædd umferðargata virtist þó ekki mjög hættuleg... Og það vantaði eitthvað. Jú, það vantaði umferðarniðinn. Á hverjum degi leggur Spámaðurinn líf sitt í hættu til að komast í vinnu sína til að líkna samborgurum sínum á óbeinann hátt með því að skrúbba tilraunaglösin sem þeir hrækja og kúka í. Á hverjum degi hleypur Spámaðurinn, með lífið í lúkunum milli bíla á fleygiferð til þess að spara sér nokkur spor að næstu gönguljósum. Á hverjum degi stendur hann á grútmengaðri umferðareyju og bíður eftir réttu sekúndunni til að hlaupa eins og fætur toga.

Þetta var þó undarlegt. Hvers vegna var enginn að reyna að drepa Spámanninn? Hvers vegna heyrði hann fiðurféð garga í trjánum í stað organdi eimyrjuspúandi einkabíla? Hvar voru allir? Voru þetta tálsýnir Satans? Var frídagur í dag? Var hann einn í heiminum eins og Palli? Höfðu íbúar borgarinnar verið þurrkaðir út með sýklavopnum á meðan Spámaðurinn svaf?
Spámaðurinn fiskaði farsíma sinn upp úr vasanum og pírði augun á rispaðann skjáinn... Það voru tveir og hálfur tími þangað til hann átti að mæta í vinnuna.

2006-06-17T18:43:00.000-07:00

2006-05-23T16:06:00.000-07:00

2006-05-01T19:05:00.000-07:00

"Ungur var eg forðum,
fór eg einn saman:
þá varð eg villur vega.
Auðigur þóttumst
er eg annan fann:
Maður er manns gaman."

Góðann dag.
Vorboðar flykkjast til smáborgarinnar í formi miskrumpaðra brjóstaskora, fáklæddra rauðbirkinna sólbruna, táningahjarða og spriklandi erfingja í barnavögnum. Á Klambratúni ýta dömurnar úr „Beðmál í borginni“ barnavögnum á undan sér með annari hönd en nota hina til að súpa á sojalatté í endurunnu pappaglasi með fitulausri vanillufroðu, nutrasweet og muldum furuhnetum á meðan húðflúraðir handleggir draumaprinsa þeirra dingla kæruleysislega út um glugga á nötrandi bassakeilu á hjólum við laugaveginn.

Spámaðurinn verður bráðum handhafi skírteinis... Nei góðir lesendur, ekki er það ökuskírteinið, ekki skírteini til að drepa fiðrað sköpunarverk himnasmiðsins á fjalli og ekki er það byssuleyfi.
Spámanninum verður innan skamms afhent BA próf í föndri.
Að því loknu er heimurinn ostra hans.
Spámaðurinn er að setja sig í stellingar til að skekja undirstöður alls sem þið, sauðsvartur almúginn, hafið ávallt talið vera rökræna flatneskju tilveru ykkar... Ekki vegna þess að BA próf í föndri er eitthvert veiðileyfi á grundvallarkenningar heimspekinnar eða veiti Spámanninum einhverja ofurkrafta...Heldur vegna þess að Spámaðurinn er loks að nálgast heimspekilegann kynþroskaaldur og senn mun því springa út eins og blóm á grunnhyggnum gluggakaktusi og ausa yfir heiminn frjókornum sínum... Hinsvegar er hinn óheimspekilegi fengitíma á leið í djúpa lægð, þar sem það þykir flottara að vera "listnemi" en "listamaður" (amk ef þú ert inni á djöfullegri knæpu og ein af hórum Satans spyr þig hvað þú starfar).

En skítt með það allt. Spámaðurinn er á leið til lands hafmeyjunnar í neysluorgíu þar sem ælutaumur mun renna um kinn eftir ofneyslu öls, smurbrauðs og prins sígaretta.

Upphaflega ætlaði Spámaðurinn að tylla sér á stól í reykfylltri knæpu í lundúnaborg og raupa um kvenmannsbotna með Sherlock Holmes, en örlögin tóku málin í sínar hendur, það fannst sprunga í vegg á húsi í norðurmýrinni og Spámaðurinn neyddist til að múta konungum og prestum til að fylla upp í sprunguna...
Því varð ódýrari kostur (en þó engu verri) fyrir valinu.

En það skiptir engu... Allt handan hafsins er jafnfreistandi í augnablikinu.

2006-04-15T20:19:00.000-07:00

2006-04-10T16:10:00.000-07:00

2006-03-27T19:13:00.000-08:00

Kiss Mi Rass:

Undur internetsins. Bylting í samskiptum. Prentsmiðja á hverju heimili. Bókasafn á hverju heimili. Allar upplýsingar í seilingarfjarlægð. Allt sem allir vilja!

2006-03-20T18:23:00.000-08:00

"Einn morgun, þá karl fór á skóg að veiða dýr og fugla, segir hann við kerlingu: "Í kvöld skal ég drepa þig, ef þú verður ekki búin að eiga mér króga." Síðan fór hann af stað."

Gott kvöld.
Spámaðurinn hefur fengið nóg af fátæktinni... Hann var að átta sig á því að ástandið er mun verra en þegar að hann saug LÍNspenann af áfergju. Botninum var náð um daginn þegar Spámaðurinn var að gramsa í skúffu eftir teikniblokk og fann þar tvær agnarsmáar glerflöskur, svipaðar að stærð og þykkt og langatöng Spámannsins (sem er, eftir því sem Spámaðurinn best veit, staðalstærð á löngutöng). Við nánari athugun kom í ljós að flöskurnar innihéldu ekki ilmvatn eða olíu heldur einhverja bónustegund af rommi (flöskurnar eiga eflaust ættir að rekja til flugvélar eða gistiheimilis einhverntíma í forneskju)... Daginn eftir kom Spámaðurinn við í kíóski á leið heim úr vinnunni og keypti tvær flöskur af auðvaldskóla í gleri (borgaðar með kílói af krónupeningum) og valhoppaði svo skríkjandi inn í norðurmýrina... Tilbreyting! Lúxus! Dagurinn í dag skyldi verða öðruvísi! Í dag skyldi hann drekka romm&kók í stað hins hefðbundna bolla af grænu bragakaffi þegar hann kæmi heim úr vinnunni. Hann skyldi sýna heiminum í tvo heimana! Spámaðurinn kom heim, kveikti á útvarpinu og tæmdi innihald annarar dvergrommflöskunnar í glas. Hann ákvað að geyma hina til morguns. Því næst tæmdi hann aðra kókflöskuna í glasið og bætti svo við tveimur klökum úr frystinum. Hann raulaði lag um Trinidad og kátar stúlkur eftir Andrew systur á meðan hann sótti dýrmætann tuttuga daga gamlann pakka ofan í skúffuna gjafmildu og tók upp úr honum dýrmæta tilbreytingu: Gaulverjasígarettu, í pakkanum höfðu verið þrjár slíkar, núna voru eftir tvær. Spámaðurinn settist niður með glasið og öskubakka fyrir framan sig og nuddaði saman lófunum. Eitthvað vantaði... Spámaðurinn stökk á fætur, hljóp inn í eldhús og kom aftur í loftköstum að stofuborðinu með plastpinna í hönd sem hann stakk svo ofan í glasið... Þar sem hann sat og horfði á glasið fór hann að átta sig á ömurleika aðstæðnanna. Hvernig höfðu hlutirnir æxlast þannig að það hluturinn sem bjargaði deginum var drasl sem hann hafði eflaust stungið í vasann í hugsunarleysi fyrir einhverjum árum síðan? Fyrir sex mánuðum síðan gat hann þambað allt það romm sem hann gat í sig látið þegar honum sagði svo hugur, sötrað kaffi á almannfæri hvenær sem er og jafnvel fengið sér ísblóm eftir kvöldmatinn stöku sinnum. Helvítis skóli&skítadjobb pakki! Sex mánuðir af þessum andskota er of mikið, jafnvel fyrir Boðbera Himneskrar Upphafningar. Spámaðurinn íhugaði eitt augnablik að ræna banka, en afskrifaði þá hugmynd um leið og hann áttaði sig á að hann hefur engann veginn efni á kraftgalla, nælonsokk, né kúbeini, auk þess sem hann þarf að nota búrhnífinn í annað. Spilavíti rauða krossins flugu örstutt í gegnum huga Spámannsins en tíðar ferðir framhjá glugganum á svarta svaninum á morgnana eru öflug bólusetning við slíkum fantasíum, svo þær hugsanir urðu ekki áleitnar. Enn hræðilegri var hugsunin um málverk af fossi og hesti sem saurgaði huga Spámannsins eitt sekúndubrot. En henni bægði Spámaðurinn frá sér undir eins. Nei...Hann er ekki svo djúpt sokkinn enn! Ef allt fer í hart er vorið ekki langt undan og Spámaðurinn getur þá lifað á túlípönum og rifsberjum sem vella fram úr sköpum móður náttúru í görðunum í Norðurmýrinni.

Hálftíma síðar stóðu tvær tómar, agnarsmáar flöskur á borðinu við hliðina á tveimur tómum kókflöskum og í öskubakkanum voru þrír gaulverjastubbar.
Einn mánuður í viðbót...kannski tveir. Eftir það: Romm, skækjur og rjómaís!

2006-02-28T16:26:00.000-08:00

"Viðurgefendur og endurgefendur
erust lengst vinir,
ef það bíður að verða vel."

Gott kvöld.
Síðustu helgi lagði Spámaðurinn leið sína í svartholið þar sem óminnishegrinn kroppar augun úr fordæmdum sálum og sturlaðir djöflar spranga um.
Spámaðurinn var í för með vel klæddum skriffinnum og því var haldið í ystu iður myrkustu djúpa hringiðunnar. Þar ægði saman afskræmdum smástirnum af smærri sjónvarpsstöðvunum, jakkafataklæddum drýslum og djöflum í útmignum lakkskóm og uppstríluðum hórum Satans. Útfrymi vall niður veggina og Spámaðurinn öslaði hland, uppgang, sígarettustubba og glerbrot upp í hné.
Þar sem Spámaðurinn barðist fyrir lífi sínu í öldurótinu við barinn þar sem útfrymi og eitur vall úr krönum varð honum skyndilega litið upp... Sægur koparlitra, sólbrenndra og vankaðra andlita fordæmdra sálna með tómar augntóftir mætti augliti hans, brimsaltur sviti draup úr loftinu og megn blanda af nálykt, salemreyk og melónubodyscrub fyllti öll vit Spámannsins. Spámaðurinn fann hvernig freyðandi eitrið flæddi yfir huga hans og át upp skynsemi hans, vit og ráð líkt og andleg saltsýra.

Þar sem Spámaðurinn stóð og fann rænu sína renna frá sér líkt og kvikasilfur á meðan hann horfði á fyrrnefndann sæg andlita hóf hann að tauta bænir og særingar fyrir munni sér... En það hafði lítil áhrif þarna í iðrum myrkursins meðal vítsloganna, það var eins og að reyna að tæma sjóinn með skóflu. En þá brá skyndilega fyrir ásjónu líknandi engils með geislabaug innan um öll hin afskræmdu andlit sólbrenndu uppvakninganna... Spámaðurinn beindi tárvotri ásjónu sinni til himins (en sá bara loftið sem úr vætlaði nikótíngult útfrymi og kreatínríkur sviti í kekkjóttum taumum niður í augu hans) og þakkaði hönnuði gangverksins fyrir þetta kraftaverk. Spámaðurinn gekk upp að englinum og öskraði í eyra hennar: "NEI HÆ!"

Daginn eftir vaknaði Spámaðurinn með óljósar minningar af dúpum og áhugaverðum samræðum, uppfullum af áhugverðum myndlíkingum og dillandi hlátri, við kraftaverkaengilinn fram eftir nóttu.

Á mánudaginn mætti Spámaðurinn til vinnu og hélt áfram að vaska upp glös fyrir kraftaverkaenglana til að sjóða fóstur og saur í. Þegar Spámaðurinn er búinn að þrífa fyrsta hollið af glerinu fer hann svo með það á litlum vagni og dreyfir því á rannsóknarstofurnar þar sem englarnir sjóða líkamsvessana og prenta út særingar og formúlur. Í virðingarstiga Spítalans er Spámaðurinn staðsettur einhversstaðar fyrir neðan inniskó (auk þess sem hann hefur öruggar heimildir fyrir því að hann er lægst launaður í allri álmunni).
Þegar Spámaðurinn gekk inn á eina stofuna með fangið fullt af flöskum, glerkúlum og tilraunaglösum sá hann baksvip kraftaverkaengilsins sem hann hafði séð um helgina. Skyndilega opnaðist flóðgátt í heila Spámannsins: Kristaltærar og skarpar minningar um það sem hafði raunverulega átt sér stað flæddu inn í huga hans... Minningar um draugfullann uppvaskara, illa til reika sem skjögraði upp að vinnufélaga sínum og upphóf þvoglumælta pörunartilburði ("hvasejiruh? ertuh oft hjérna?"). Minningar um drafandi og óskiljanlega ræðu um blóð í koppum og siðfræði sem Spámaðurinn hafði þrumað yfir henni þar sem hann stóð ótraustum fótum og hélt sér dauðahaldi í barbrúnina til þess að velta ekki um koll. Minningar um að hafa hellt brennivíni ofan í hálsinn á sér eftir að hafa mælt: "Skál atvinnuvegi okkar, pissi og blóði!"... Minningar um að hafa ómögulega munað nafn engilsins og hafa því ávarpað hana "líffræðingur". Minningar um augnaráð hennar, sem, þegar horft er um öxl, bar vott um ótta við þennan ofurölvi undirmann, uppvaskara og mennsku dyramottu sem var haldinn þvoglumæltri munnræpu.
Spámaðurinn ræskti sig, lagði glerið frá sér og muldraði: "Hérna eru glösin þín". Hún glotti og sagði: "Takk".
Allt var orðið aftur eins og það átti að vera.

Einn af liðum átaksins "Snertum börnin" sem gengur út á að kynna boðskap Rassgathole fyrir börnum og unglingum er að þýða kafla úr Rassgatholusarguðspjalli af handahófi yfir á táningamál. Því mun Rassgatholusarguðspjall dagsins verða þýtt yfir á mál unga fólksins. Eftir miklar rannsóknir og samráð við málfræðinga og aðra spekinga hefur Spámaðurinn komist að því að ný-íslenskan gengur út á að stytta orð og fella þau úr setningum, eða jafnvel fella niður heilar setningar. Við lifum í hnitmiðuðu þjóðfélagi sem er ánetjað hraða og viðskiptum. Notkun unga fólksins á málinu endurspeglar það.
Hér kemur þýðingin á færslu dagsins:

"brennivín og skækjur!! gegt! :)"

2006-02-23T16:44:00.000-08:00

"Mundit mellu kindar
miðjungs brúar Iðja
Gunnr um geira sennu
galdrs bráregni halda,
er hræstykkins hlakka
hraustr síns vinir mínu
tryggvi eg óð og eggjar
undgengin spjör dundu."

Djöflar hafa tekið sér bólfestu í líkama Spámannsins...Hann hefur legið með óráði, tautandi særingar og sötrandi melrose meir og minna alla vikuna.
Eftir að hafa legið á meltunni í svona langan tíma er Spámaðurinn að því kominn að springa úr eirðarleysi...
Eins og glöggir lesendur Rassgatholusarguðspjalla hafa kannski tekið eftir hefur Rassgathole tekið nokkrum breytingum undanfarið. Höfundur Rassgatholusarguðspjalla hefur tekið tæknina í sína þjónustu og nú býður Rassgathole ekki bara upp á texta, myndir og hljóð, heldur líka hreyfimyndir. Kirkja Rassgathole er ekki einungis fyrir hina fluglæsu og bókhneigðu eldri kynslóð...Rassgathole á erindi við ÞIG!
Viðfangsefni kvikmyndarinnar hér að ofan (það er meir en að segja það að klippa þennan óhugnað til fyrir ykkur almúgann og koma honum á alnetið) er, eðli málsins samkvæmt, margþætt. En það er, meðal annars, sýfilis, dauði, galdranornir, fjárhættuspil, kossar, eiturlyfjaneysla, áfengisneysla og jarðarfarir. Allt er þetta svo skreitt með hauskúpum, dvergum, fljúgandi sæskrímslum og hamhleypingum... Það er tilraun Rassgathole til að ná til yngstu kynslóðarinnar sem horfir á myndbönd af mannáti og nauðgunum á netinu sér til skemmtunar, en borðar ekki fisk því hann er ógeðslegur.
Spámaðurinn hefur verið sýktur af keðjubréfaklukkplágunni og hefur verið beðinn um að telja upp undarlegar vana sem hann temur sér... Spámaðurinn gengur yfirleitt út frá því að hann sé engum óæðri nema guðsvaldinu sem hann starfar fyrir sem holdgervingur og því geti ekkert sem hann gerir talist óvenjulegt... Hinsvegar, ef að örlög alheimsins yltu á svörum hans (eða hann væri klipinn mjög fast) myndi Spámaðurinn sennilega telja upp þessa hluti:
-Alltaf þegar Spámaðurinn eldar eitthvað úr pakka eða dós skellir hann innihaldinu í pott eða á pönnu og hendir svo ílátinu. Nokkrum augnablikum síðar þarf hann svo ávallt (muldrandi og pirraður) að sækja ílátið aftur ofan í ruslatunnuna til þess að lesa utan á það og fá upplýsingar um hvað hann á að elda innihaldið lengi.
-Alltaf þegar Spámaðurinn sér undirskriftir, hvort sem þær eru í gestabókum eða debetkortakvittanir, gefur hann þeim ósjálfrátt einkunir í huganum. Þetta er gamall ávani frá veggjakrotsárum Spámannsins. Eins þarf hann stundum að halda aftur af sér til að setja ekki pílu, stjörnu eða gæsalappir við nafn sitt þegar hann skrifar sjálfur undir eitthvað.
-Spámaðurinn sest alltaf í sama stæti á kaffistofu guðanna. Það hefur hann gert frá því að staðnum var skipt í "reyk" og "reyklaus" svæði fyrir nokkrum árum. Honum finnst ferðin hálf ónýt ef einhver annar situr í sæti hans og hann þarf að sitja annars staðar.
Spámaðurinn smitar Eddu og Palla af klukkplágunni...

2006-02-04T11:13:00.000-08:00

"Gín loft yfir
lindi jarðar.
Gapa ýgs kjaftar
orms í hæðum.
Mun Óðins son
eitri mæta
vargs að dauða
Víðars niðja.

Gott kveld.
Spámaðurinn bíður nú með óþreyju eftir sumrinu. Hann hefur ákveðið að fara ekki í einangrunarbúðir þetta sumarið eins og hann gerði síðasta sumar, þar sem hann starfaði í litlu búri í í afskekktu húsi uppi á fjalli þar sem eina samband hans við umheiminn var umferðaræð sem laxveiðijeppar og rauð blóðkorn, hlaðin bönunum (banönum?) og annari þróunaraðstoð, þutu eftir.
Nei... Spámaðurinn ætlar að eyða sumrinu þar sem hann getur farið heim og ráfað um híbýli sín nakinn og reykjandi eftir vinnu án þess að særa blygðunarkennd samtstarfsfólks. Þó lífið þar hafi verið nokkuð einfalt, í raun eins og vera ungabarn (þvottur þveginn á föstum tímum, eldað ofan í alla og allir svo svæfðir með ódýrum bjór) er það ekki eitthvað sem freistar Spámannsins í sumar (ekkert einkalíf, ekkert sjónvarp, ekkert útvarp, bannað að reykja inni, asbest í kaffinu og kýr á gangstéttunum).
Því sér Spámaðurinn fram á Reykvískt sumar með sveitaferðum í stað bæjarferða, dansi á rósum og saurlifnaði.

Annars er fátt fregna af Spámanninum...Hann eyðir dögum sínum í maurabúinu í einkennisbúningi hinna líknandi engla og sorterar líkamsvessa, drekkur biturt kaffi með bragðlausum mat í hádegishléum og hlustar á marsbúa leggja jörðina í eyði og Billie og Nínu á meðan hann vaskar upp tilraunaglös.

Spítalinn í dag...Á morgun: Hollywood!

Spámaðurinn hefur verið að velta fyrir sér rafræna dagbókarforminu sem áður. Fyrir allnokkru ritaði Spámaðurinn í rassgatholusarguðspjall að sennilega væri ekki hollt að halda utan um fortíðina í slíku formi þar sem maður kæmist líklega að því að líf manns væri endalausar uppgötvanir á sömu hlutunum...Einhverskonar brengluð neyslukönnun. En en hafa ber í huga að hlutir og umhverfi breytast og mannskepnan uppgötvar ávallt nýja hluti inn á milli. Jafnframt því að uppgötva vanilluskyr í þúsundasta skipti uppgötvar maðurinn sardínur eða varasalva eða nýja tegund af kaffi. Auk þess hefur enduruppgötvunin ákveðið gildi. Reyndar jafnast enduruppgötvun ekki á við upplifun í fyrsta skipti, jafnvel þó fyrsta reynslan hafi valdið vonbrigðum (Spámanninum fannst áfengi til dæmis bragðvont í fyrsta skipti, honum fannst sardínur vondar og hann ældi af fyrstu sígarettunni sinni). Eins eru hlutir til í dag sem voru ekki til í fyrra. Þrátt fyrir það er biturt að komast að því að maður hélt að maður væri að gera uppgötvun en komast svo að því að hafa orðið fyrir sömu hugljómun í fyrra.
Jacques Bormé sagði eitt sinn að maðurinn byrjaði að hrörna strax við fæðingu (eða jafnvel getnað). Hvað er þá hið hreina og fullkomna form? Er það ófætt tóm? Hálf manneskja í formi frumu? Frosinn fósturvísir? Skiptir reynsla manns þá engu? Samkvæmt Jacques er dauðinn þá sjúkdómur og reynsluheimur í raun aðeins sjúkdómseinkenni sem mannskepnan sýnir á meðan sjúkdómurinn dregur hana til dauða. Því er eina ráðið við sjúkdómnum að fækka einkennunum, fremja glæp og láta loka sig inni. Slíkar yfirlýsingar halda vöku fyrir Spámanninum sem veltir því oft fyrir sér hvort hann eigi þá ekki að snúast á sveif með brjálæðingnum Kendall sem, eins og allir vita, heldur því fram að maðurinn sé í raun ekki lífveran heldur samfélagið, líkt og maurar eða marglyttur. Skemmtikraftar á borð við William Shatner eru þá í raun bara endorfín í líkamanum. Rassgathole er heilinn og mænan á meðan forsetar eru axlir og herðar... Jú, Kendall er svo sannarlega snargeðveikur...En máski er klikkun svarið við áleitnum spurningum sem framtíð mannkyns veltur á? Við því segir Spámaðurinn nei! Allsgáð, stærðfræðileg hugsun í óendanlegu jafnvægi hins þenkjandi huga er svarið! Romm er til að hvíla hugann. Nú segja margir lesendur eflaust: "Kjaaaftæði haltu kjafti" en við því á Spámaðurinn aðeins eitt svar: "Sjálfuradna!". Og þar sem Rassgathole er nú komið á sandkassastigið ætlar Spámaðurinn að ljúka færslu þessari.

2006-01-28T19:10:00.000-08:00

Admiror pariens te non cecidisse ruinis qui tot scriptorum taedia sustineas

Gott kvöld.
Spámaðurinn komst nýlega að því að hann er með svalasta heilkenni í heimi. Einkennin eru reyndar ekkert sérlega skemmtileg en eru þó meinlaus þrátt fyrir hið ógnvekjandi nafn sem heilkennið ber. Á læknamáli heitir fyrirbærið sem Spámaðurinn þjáist af "EHS", sem stendur fyrir: "Exploding head syndrome".
Sprengihöfuðsheilkenni? Fyrirbærið lýsir sér þannig að ef að Spámaðurinn er mjög þreyttur og liggur í bælinu í því undarlega ástandi að vera milli svefns og vöku kemur stundum fyrir að hann vaknar við háværann hvell eins og skotið hafi verið úr byssu við eyrað á honum (eða jafnvel inni í því). Fleiri eru einkennin ekki, og eftir að Spámaðurinn hefur glennt upp glyrnurnar og fullvissað sig um að það standi ekki vopnaður leigumorðingi yfir honum nýbúinn að missa marks og gera kúlnagat í kodda hans, engar fallbyssur í herberginu og engin ummerki um sprengingu (þeas. alvöru sprengingu en ekki hina hefðbundnu "það er eins og einhver hafi varpað sprengju á svefnherbergið hjá þér" ummerki) sofnar Spámaðurinn yfirleitt strax aftur án þess að velta þessu frekar fyrir sér. Nú munu lesendur eflaust rjúka upp til handa og fóta og hrópa: "En Spámaður! Hvernig getur þú sofið eftir ósýnilega sprengingu í svefnherberginu hjá þér?!?!?"
Við örvæntingarfulla lesendur Rassgathole segir Spámaðurinn: Hafa verður í huga að í raun eru fleiri en einn Spámaður eru ábúendur í sama líkama. Spámaðurinn er fullkomið eintak af mannveru. Hann er traustverðugur, sanngjarn, sannsögull, lítillátur, auðmjúkur, traustverðugur og elskar börn. Annað eintak af Spámanninum, sem er einnig hýsill í sama líkama er "Þreytti Spámaðurinn" sem lætur oftast á sér kræla á ókristilegum tíma eftir ónægann svefn. Þreytti Spámaðurinn er með gáfnafar á við fósturvísi, er lymskufullur lygari og álíka traustverðugur og krakkfíkill ("Þreytti Spámaðurinn" er náskyldur "Drukkna Spámanninum"). Þreytti Spámaðurinn lemur gjarna "snooze" hnappinn á vekjaraklukkunni eða svarar í símann á náttborðinu og leggur hann á hliðina á náttborðinu svo að viðkomandi geti hlustað á hann hrjóta eða muldrar það sem hann heldur að viðkomandi á hinum enda línunar vilji heyra til þess að losna sem fyrst við hann og geta haldið áfram að sofa . Þreytti Spámaðurinn gerir þetta gjarna án þess að gera Venjulega Spámanninum viðvart, þannig hefur Spámaðurinn oft lofað sér í morgunkaffi eða á fundi en snemma morguns, skrópað og eytt svo því sem af er dagsins með óljósa tilfinnungu um að hann hafi gleymt einhverju. Þreytti Spámaðurinn er ekki týpa sem kippir sér upp við sprengingar í svefnherberginu hjá sér.
Á einhverjum tímapunkti gerði Spámaðurinn sér það samt ljóst að svona sprengingar gætu varla talist eðlilegar. Því notaði hann tækifærið síðast þegar hann fór til læknis og lýsti fyrirbærinu fyrir honum. Læknirinn sagði að fyrirbærið væri mjög sjaldgæft og að í raun væri ekkert vitað um það annað en að það væri ekki hættulegt.
Að öðru leiti er Spámaðurinn við hestaheilsu.

2006-01-23T17:01:00.000-08:00

"Eldamaður drottningar varð nú þegar að matreiða lifrina og lungun, og hin vonda drottning borðaði þau í þeirri trú, að það væri lifur og lungu Mjallhvítar."

Gott kvöld.
Síðasta Von Mannkyns hefur eytt síðustu kvöldum í að hlusta á rödd framtíðarinnar í fortíðinni. Spámaðurinn er á því að framtíðin hafi verið mun skemmtilegri og athyglisverðari í fortíðinni. Árið er 2006...Í gamla daga var fólk á leiðinni til Mars í geimskipinu titanic2 árið 2006 að drekka kampavín, dansa foxtrot og spjalla um geimverupólitík í reyksalnum (yfirleitt gerast svo dularfullir atburðir um borð í titanic2 sem leiða mannkynið á nýjar brautir...en það er aukatriði). Í gamla daga var fólk löngu komið í þotubíla og veiddi risaeðlur með kjarnorkurifflum á meðan vélmenni vöskuðu upp fyrir það árið 2006. Árið 2006 í gamla daga voru stundum sprottnar upp róttækar og athyglisverðar pólitískar hugmyndir á borð við "nýkonungsveldið" þar sem einn illur meistari drottnaði yfir sköllóttu mannkyni í silfurjoggíngöllum sem lifði og hrærðist einungis til að þjóna meistaranum og var bannað að hugsa. Árið 2006 í gamla daga var mannkyn líka löngu búið að taka upp þráðinn þar sem frá var horfið í nýlendustefnunni og það farið að heyja stríð við geimverur á fjarlægum plánetum. Í gamla daga var fólk framtíðar líka miklu kurteisara og herramenn gengu með hatta og hanska. Oft vorum við líka búin að sprengja okkur í loft upp árið 2006 með kjarnorkusprengjum og kúldruðumst í göngum og hellum neðanjarðar á meðan risavaxnir geislavirkir íkornar ráfuðu um ofanjarðar og nærðust á hnetum og geislavirkum ná.

Hvað gerðist? Ánamaðkar langt yfir kjörþyngd í Tsjernóbil? Mannkynið að verða bensínlaust? Geitungar á Akureyri? Lélegt skíðafæri í Bláfjöllum? Tölvur sem hjálpartæki í afbrigðilegu (og einangruðu) kynlífi og sýndarmorðum? Bílar enn sem negldir við jörðina? Spennandi? Þetta er ekki framtíðin sem okkur var lofað! Allt þetta er hundleiðinlegt! Nei! Hnefann í borðið! Spámaðurinn vill sigla með Titanic2 til Venusar og skjóta kommúnista með geislabyssum! Spámaðurinn vill fara aftur til framtíðar!
Eða hvað? Endurspeglar sýn okkar á framtíðina okkur í núinu? Spámaðurinn hallast að því. Ágiskanir um komandi tíma virðast alltaf vera eitthvað sem tengist því sem fólk óttast (nema þú sért að bíða með Tómasi Cruise og félögum eftir að geimverurnar komi og breyti öllu). Ekki fyrir ýkja löngu var það raunhæfur möguleiki að svo færi að fólk yrði sprengt í loft upp og þyrfti svo að slást við risavaxna geislavirka íkorna um allan dósamatinn sem yrði eftir. Margir áttu líka von á því að Neil Armstrong yrði étinn af fjólubláum geimkolkrabba um leið og hann dræpi fæti á tunglið...
Annars getur nútíminn sosum verið undarlegri en framtíð fortíðarinnar öðru hverju. Nú þegar sjáum við undarlegar ljósmyndir á forsíðu Morgunblaðsins af hermönnum með súrefnisgrímur að umkringja hættulegann kjúkling úti á götu...

Heimavinna:
Gömul framtíð (ca. hálftími)

2006-01-17T13:10:00.000-08:00

"Gaus eldr úr húsum.
Ör skjöldungr fór eldi
Ívist. Bændr misstu,
róggeisla vann ræsir
rauðan, lífs og auðar."

Gott kvöld.
Líf Spámannsins er frekar rútínukennt og grátt þessa dagana. Á hverjum morgni vaknar Spámaðurinn í morgunsárið, vafrar um íbúð sína vankaður, muldrandi særingaþulur og hálfsofandi líkt og dauðadrukkinn maður, reykjandi, á brókinni með súrmjólkurskál í annarri og einhverja auglýsingapésa af handahófi sem bréfberinn hefur troðið inn um lúguna hjá honum í hinni. Eftir sjóðheita sturtu er snjórinn svo öslaður gegn um kafaldsbyl í áttina að spítalanum þar sem hann gerir skyldu sína eins og róbóti þar til hann öslar svo snjóinn annaðhvort í áttina að kaffiteríu guðanna að lesa blöðin eða heim til sín. Kvöldmaturinn er svo yfirleitt frosin ýsa, túnfiskur eða sardínur... Spámaðurinn finnur reyndar heilasellur sínar dafna við allt þetta fiskiát...En á sama tíma finnur hann þungamálma og ál í líkama sínum safnast upp og bæta appelsínugulu í áru sína. Sumsé...Nægur skildingur til að éta og skíta en ekkert meir en það. Allt er í hófi, sem er dauft. Át í hófi, reykingar í hófi...Allt...Allt nema teþamb sem er mikið (Spámaðurinn á ca. 200 tepoka inni á skáp hjá sér), og áfengisþamb, sem er ekkert. Helgarnar fara svo í lestur, heimsóknir eða kaffihúsabrölt.

En Spámaðurinn hefur ákveðið að bíta á jaxlinn og líta á björtu hliðarnar... Meinlætalíferni gefur víst meiri séns á himnaríkisvist að jarðvist lokinni samkvæmt fjöldamörgum kenningum hinna ýmsu trúarbragða auk þess sem fátækt er gangstamacfökksjitt, sem þykir ansi flott í dag og er líka samkvæm listamannaklisjunni.

2006-01-11T16:05:00.000-08:00

"Ganga hér að garði
gullhyrndar kýr,
öxn alsvartir
jötni að gamni;
fjöld á eg meiðma,
fjöld á eg menja,
einnar mér Freyju
ávant þykir."

Gott kvöld
Spámaðurinn er spriklandi fluga í silkiþráðum alnetsins.
Spámaðurinn drepur fingrum á lyklaborð úr gagnsæu plasti, svo nú getur hann fylgst með lyklaborðinu fyllast af tóbaksögnum og ösku í rauntíma. Fagnaðarerindið og stóra himneska áætlun Rassgathole fyrir líf ÞITT, lesandi góður, er aftur komin á sporið.
Borgir hrundu, árið hvaddi, og úr öskustónni reis Rassgathole.
Spámaðurinn er enn að hamast á mannaprótíni og mænuvökva með uppþvottabursta.
Spítalinn er maurabú með ívafi af veröld nýrri og góðri. Spámaðurinn krúnurakaði sig og lítur nú út eins og fígúra úr bakgrunni í Star Trek þætti þar sem hann valsar um rangala Spítalans í snjóhvítum galla stimplaður með bláum hakakrossi sem tilkynnir nærstöddum að Spámaðurinn sé eign þvottahúss Ríkisspítalanna.

Spámaðurinn er þeirrar skoðunar að allir starfsmenn spítalans ættu að vera skikkaðir til að krúnuraka sig til að eyða enn frekar öllum helstu persónueinkennum. Því næst væri hægt að koma fyrir hátulurum um gervalla ganga byggingarinnar og úr þeim myndi streyma lágvær tónlist með Enyu allann sólahringinn. Reykvélar gætu svo dælt skýjaflákum um gangana (og því ekki, á þessu stigi, að dæla jafnaðargeðslyfjum í alla starfsmenn og gera þá alla ófrjóa?).
Þannig höfum vér skapað himnaríki á háskólasjúkrahúsi í Rekyjavík.

2005-12-19T04:32:00.000-08:00

"Hverr er sá karl karla
er kallar um váginn?"

Góðann dag.
Spámaðurinn situr nú á borgarbókasafninu og lemur lykla á keyptum tíma. Samband Spámannsins við silkiþræði alnetsins er enn rofið...En fljótlega verður bætt úr því. Kyndilberi Andlegrar Upphafningar finnur til sársauka í hvert sinn sem hann hamrar á bilslána á lyklaborðinu. Ástæðan er sú að fyrir nokkrum dögum tókst honum að gera sig tímabundið að öryrkja... Fátt er gagnslausara en uppvaskari sem ekki má vaska upp.
Eins og áður hefur komið fram starfar Spámaðurinn við að vaska upp glerílát á landsspítalanum þessa dagana. Einn daginn var Spámaðurinn eitthvað að flýta sér, auk þess sem seiðandi tónar Duke Ellingtons trufluðu hann og dáleiddu svo hann í ógáti rak eitt tröllvaxið glerílátið utan í vegg...Spámaðurinn reyndi að grípa ílátið svo það myndi ekki brotna en var of seinn...Hann fann ekki fyrir því þegar hann skar sig á hárbeittu brotinu, en varð þess fljótlega var að blóð vætlaði úr gúmmíhanskanum og niður á gólf...
Þar sem fossandi blóð er fag spítalastarfsmanna þurfti Spámaðurinn ekki að fara langt til að finna einhvern sem var reiðubúinn til að sauma hann saman...
Á bráðamóttökunni saumaði líknandi engill í formi brosmildrar stúlku höndina aftur á Spámanninn með bros á vör á meðan hann reyndi að bera sig karlmannlega og bresta ekki í grát (Spámaðurinn hefur þann undarlega fæðingargalla að hann er ónæmur fyrir flestum deyfilyfjum og því er saumaskapur, tannlæknaborar og annað slíkt oftast traumatísk upplifun fyrir hann). Að aðgerðinni lokinni tjáði brosandi stúlkan Spámanninum að hann mætti ekki vaska upp í nokkra daga... Í dag voru saumarnir svo fjarlægðir og skanki Spámannsins næstum sem nýr. Spámaðurinn er núna með hátækniplástur á hönd sem var úðað á hönd hans. Spámanninum þótti það stórmerkilegt en brosmilda stúlkan var treg til að leyfa Spámanninum að fikta í úðabrúsanum með plástrinum í.

Fátt er annars fregna af Spámanninum. Helgin þaut hjá á ofsahraða, en hún innihélt, meðal annars, rommþamb, myndbandsgláp, bókalestur og heimsókn til biblíbeltisins (keflavíkur)...
Spámaðurinn hefur orðið tiltölulega lítið var við neysluorgíuna sem fylgir desembermánuði... Hugsanlega vegna þess að hann er haldinn kröftugri leti og félagsfælni þessa dagana og kýs að eyða frítíma sínum heima við undir teppi súpandi melrose í goldenmekki með skrúfað vel frá öllum ofnum og dregið fyrir alla glugga.
Það er kalt úti og morgnarnir á virku dögunum eru Spámanninum erfiðir þar sem hann öslar frostrósir og grýlukerti í stofunni hjá sér, skjálfandi og tautandi.
Spámaðurinn fær svo vonandi splunkunýjann og heilbrigðann rafheila í stofuna sína á næstu dögum og mun þá endurreisn Rassgathole óma um öll byggð ból!

2005-12-12T05:49:00.000-08:00

RASSGATHOLE!
GEFÐU RASSGATHOLE Í JÓLAGJÖF!

RASSGATHOLE ER SPENNANDI LESNING SEM HELDUR LESANDANUM Í HELGREIPUM NÍSTANDI ÓTTA FRÁ UPPHAFI!

FRÁ HÖFUNDI METSÖLUBÓKARINNAR "BIBLÍAN" SEM HEFUR SELST Í MEIRA EN 893720000000020 EINTÖKUM!

RASSGATHOLE HEFUR VERIÐ LÝST SEM "HARRY POTTER FYRIR FULLORÐNA"!!!

"Rassgathole er eins og Da-Vinci lykillinn fyrir börn"
New York Times

"Stíll höfundar hefur tekið miklum framförum síðan hann skrifaði "Gylfaginningu""
Morgunblaðið

"Höfundur er dóbsali sem borðar bödn og kúkar í barnavakna"
DV

"Rassgathole markar tímamót í heimsbókmenntum"
Guardian

2005-12-07T08:35:00.000-08:00

Góðann dag.
Spámaðurinn er enn tölvulaus og því verða skrif Undanfara Heimsendis í lélegum gæðaflokki enn um sinn.
Aftur situr Spámaðurinn og lemur lyklaborð á keyptum tíma á borgarbókasafninu... Lærisveinarnir verða að sætta sig við litlaust, myndalaust og myndlíkingalaus skrif sem mora í innsláttar- og fljótfærnisvillum að sinni...
Enn er þó von.

Gult ský hvílir yfir norðurmýrinni og öldruðum og fólki með "viðkvæm öndunarfæri" er ráðlagt að vera ekki á ferðinni...Fyrirbærinu hefur verið gefið nafnið Svifryk.

Spámaðurinn hefur sem fyrr segir verið að vaska upp blóð, gall og hland á spítala. Og líkar honum það ágætlega. Heimurinn er svo einfaldur þegar maður er í skítadjobbi. Til dæmis er eina kvörtun Spámannsins sú að hann nær engum útvarpsstöðvum í litla uppvöskunarherbergerinu sínu, djúp í iðrum landsspítalans, nema "talstöðinni" og svo "útvarp jesúm". Það eina sem Spámaðurinn hefur lært eru nöfn á glerílátum sem hann veit ekki til hvers eru notuð (kolbur, ljósglös...osfrv) og óljósann grun um að rottur séu á kreiki í grennd við vinnustað hans.
Amk. Eitthvað/einhver sem nagar úldið kjöt. Spámaðurinn er þess fullviss, því þegar lítið er að galli og blóði til að skrúbba með uppþvottaburstanum læðist hann stundum út um bakdyr til að neyta eiturlyfja í litlu skoti fjarri augsýn allra. Stöku sinnum virðist sem eitthvað fólk noti skot þetta til þess að losna við að taka íbúðalán. Fólk sem er með mikið af sárum og krónískann höfuðverk (ef marka má sprittglösin og kynstrin öll af tómum kódínumbúðum sem fólk þetta skilur eftir sig). Á dögunum skildi sumsé einhver íbúanna eftir sviðakjamma í skoti þessu, og hefur Spámaðurinn því horft á sviðakjammann rotna frá degi til dags, frá reykpásu til reykpásu. Spámaðurinn var á barmi þess að gefa þessu kunnuglega andliti sem mændi á hann daglega í skúmaskotinu nafn... Þar til í morgun, en þá var skyndilega ekkert eftir nema bein...Bein sem litu út fyrir að hafa verið dauðhreinsuð, soðin og slípuð með sandpappír... Rottur eru sumsé þrifalegri en Spámaðurinn hélt... Og þær hlýfðu augum Spámannsins við hinum óskemmtilegu seinni stigum rotnunarinnar sem hefðu hugsanlega orðið til þess að reykpásum Spámannsins fækkaði.
Hinn möguleikinn er svo sá að eitthvert afmyndað fóstur hafi skriðið upp úr tilraunaglasi einhvers meinafræðingsins og fari skríðandi um dimmustu skot og skemmur spítalans í þeli nætur, löðrandi í formaldehýði, og nærist á úrgangi, matarleifum og útigangsfólki (og hugsanlega svifryki).

Nýlega skaut Spámaðurinn skjólshúsi tímabundið yfir félaga sinn á meðan hann bíður þess að fá afhenta íbúð. Félaginn er Franskur. Eins og sönnum Fransmanni sæmir drekkur hann eins og svampur, borðar úldinn ost og reykir gaulverjasígarettur.
Spámaðurinn og Fransmaðurinn verða lítið varir við hvorn annan, því Spámaðurinn vinnur á daginn og Frakkinn á kvöldin (Frakkland sefur þegar Spámaðurinn vaknar og heldur til vinnu, og Spámaðurinn löngu rotaður þegar Frakkland snýr heim). Fransmaðurinn kom með ost frá heimahéraði sínu sem hann geymir í ísskáp Spámannsins. Osturinn er svo dýr að öll íbúðin lyktar af honum, og hann er svo sterkur að ostur Spámannsins hækkaði í verðflokki eftir nokkurra daga samvistir við þennan Evrópska ost.
Að öðru leiti verður Spámaðurinn varla var við manninn, utan þess að það eru fleiri stubbar í öskubökkunum en venjulega og auka handklæði inni á baði.
Þetta er svipað fyrirkomulag og notast er við í fjölmörgum hjónaböndum. Kannski er það ekki jafn bindandi að gifta sig og Spámaðurinn taldi í fyrstu...?

2005-11-24T10:52:00.000-08:00

moðerfökkíng pönkessmoðerfökker tölva!

...afsakið hlé

2005-11-16T10:09:00.000-08:00

Gott kvöld.
Hin langa þögn Spámannsins stafar af því að tölva hans er biluð eina ferðina enn og því hefur Rassgatholusarguðspjall setið á hakanum. Spámaðurinn situr nú á bókasafni og hamrar lykla á keyptum tíma.
Spámaðurinn er ekki lengur atvinnulaus. Þörf hans til að fá auðkennikort með mynd af sér bar hann loks ofurliði (ásamt fælni hans við að smyrja mæjónesi á samlokur), og hann er aftur orðinn starfsmaður landsspítalans. Í þetta sinn eru skyldur hans þó nokkuð frábrugðnar því sem hann er vanur og í raun gegnir hann lykilhlutverki á spítalanum. Þetta er án efa eitt af undarlegri störfum sem Spámaðurinn hefur tekið sér fyrir hendur.
Hvaða starfi gegnir svo Frelsari Mannkindar? Ó, þér upplýsti og fróðleiksþyrsti lesandi Rassgatholusarguðspjalla lát hug þinn reika til Spámannsins næst þegar þú læknir þinn lætur þig pissa/brunda/blæða/kúka/vella greftri í glas. Glas þetta með líkamsvessum er þvínæst sent á rannsóknarstofur sem bera nafn sem Spámanninum er ómögulegt að muna (fyrsta sinn sem Spámaðurinn starfar á stað sem hann man ekki hvað heitir, en það er eitthvað á borð við: "Klínísk lífefnavessatökurannsóknarstofa, kemískar glundroðarannsóknir og flæðisjárkannanir á lífefnameinum").
En já... Fyrrnefnt glas er svo sent til allskonar fræðinga sem krukka í vessana og sjóða þá, skima, aðgreina prótín og skoða í allskonar glösum og bikurum og stórum vélum. Athöfn þessi fer fram í umhverfi sem er nákvæmlega eins og Spámaðurinn ímyndar sér aðsetur illmennis í James Bond-mynd. Miðaldra konur í hvítum sloppum (í stað vopnaðra fyrisæta í hvítum bikiníum) standa þar og skima líkamsvessa, hella þeim í vélar og skoða þá í smásjá. Þegar þvageðlisfræðingarnir og æxlunarsérfræðingarnir eru búnir að ljúka sér af stendur eftir hrúga af skítugum tilraunaglösum og undarlega löguðum glerbikurum.
Hlutverk Spámannsins í öllu þessu er í raun það sem óljóðrænar sálir myndur kalla "uppvaskari". Hann þrífur tilraunaglösin undan prótínglundrinu, blóðinu og þvaginu og öllum þessum undarlegu vessum sem rannsóknarstofunni berast. Spámaðurinn stendur sumsé í hvítum hjúkkugalla og með bleika gúmmíhanska og hamast á blóðflögum og prótíni í undarlega löguðum glösum með saltsýru og uppþvottabursta að vopni. Það er lykilstaða Spámannsins: Enginn Spámaður = Engin hrein glerkúla með átta stútum til að sjóða kúk í = ekkert að gera fyrir líftækna og meineðlisfræðinga.

2005-10-25T17:34:00.000-07:00

Færslan í dag er flókið samspil mynda og hreyfingar, tóna og hálftóna, hreyfingar og lita, symbólisma og sjónrænna elementa, hughrifa og skynjunar...Og uppfull af teknói:
Rassgatholeteknó

2005-10-24T04:55:00.000-07:00

"Dulce et decorum est..."

Góðann dag og baráttukveðjur til hálfrar þjóðarinnar.

Spámaðurinn vaknaði snemma í morgun og rölti niður á kaffistofu guðdómleikans þar sem hann sat og hlustaði á aldraða morgunhana á næsta borði ræða nýjustu hjartaáföllinn og liðagigt á meðan hann svældi sígarettur og ataði atvinnuauglýsingarnar í blöðunum í kleinumylsnu og kaffihringjum. Atvinnuleysið er búið að persónugerast í huga Spámannsins og nú lítur hann á það sem akfeitt tröll sem nærist á bankabókum og nagar debetkort. Senn líður að því að tröllið leggi Spámanninn að velli. Því hlýtur Vinnumiðlun Reykjavíkurborgar að vera sverð Spámannsins, sómi og skjöldur. Spámaðurinn neitar þó að verjast með því að klessa mæjónesi á brauð undir derhúfu. Því lítur út fyrir að Spámaðurinn verði að segja já við einhverju hinna fjölmörgu tilboða um að nudda burt sandkassahor og svara "akkuru?" spurningum. Ef ekkert annað finnst fyrir miðvikudag mun Spámaðurinn ganga niður á vinnumiðlun og tilkynna að hendur hans séu til að snýta og skeina. Það ætti ekki að vera svo slæmt, Spámaðurinn hefur ekkert á móti börnum og ætti að vera vanur hori og slefi frá fyrri störfum. Þó á hann oft erfitt með að svara hinum endalausu "akkuru?" spurningum sem flæða líkt og skrúfað sé frá krana (akkuru ertu með skegg? kanntu að teikna hund? akkuru er íþróttaálfurinn með húfu?) og hann á það stundum til að gleyma hlutum á borð við umferðarreglur, brunavarnir, ókostum reykinga, kostum þess að taka lýsi/þamba mjólk/borða grænmeti og álíka hlutum sem flest börn geta þulið upp á innsoginu og hika ekki við að skamma hvern þann sem gerist brotlegur. Hvernig Spámaðurinn stendur sig í slíku starfi á þá væntanlega eftir að koma í ljós í vikunni.

2005-10-22T21:22:00.000-07:00

"Vegnest verra
vegur-a hann velli að
en sé ofdrykkja öls."

Góðann dag.
Spámaðurinn gekk meðal drýsla og djöfla í gærkveldi. Eftir endalausar biðraðir við hlið helvítis vísuðu risavaxnir böðlar Spámanninum inn þar sem andsetin þvagan hristist og titraði og rammáfengir líkamsvessar gengu í gusum yfir skelkaðann Spámanninn sem vafraði um viti sínu fjær sökum ölvunar. Hann skreið svo heim á maganum í morgnusárið.
Deginum í dag var svo eytt í meðalmennsku, heitstrengingar og bölv og ragn fyrir framan pínlegt íslenskt veruleikasjónvarp (hinn valkosturinn var handbolti) spúandi kamelreyk yfir stofuna og lepjandi auðvaldskóla, sem er sennilega mest mannskemmandi leið til eyða degi sínum sem hugsast getur.

En í raun eru gærkveldið og dagurinn í dag ekki eini tíminn sem Spámaðurinn hefur varið í hið hreina form aumingjaskaps... Nei, hann er búinn að vera atvinnulaus ansi lengi og þarf nú að finna sér vinnu. Spámaðurinn hefur reynt að forðast skítadjobb eins og heitann eldinn en hefur nú gert sér ljóst að hann verður að sætta sig við slíkt. Spámaðurinn er svosem vanur heiladauðri vinnu. Þrátt fyrir að hafa unnið við að sortera rusl úr sjónum, leysa flækjur, anda að sér gasi, skeina rassa, gefa sprautur, dæla bensíni, vera fastur í apabúri þar sem fólk með hringlandi skartgripi öskrar á mann og annað slíkt, þá var bréfberastarfið verst allra starfa sem Spámaðurinn hefur nokkurntíma haft. Það var eins og að lifa í lélegu lagi með Ladda (nánar tiltekið: "Björgúlfur! Stattu þig! Þúveistaðallirtreystáþig!".). Starfið fólst í því að snjó upp í mitt, hálfblindur af snjófjúki á glerhálu svelli á mannlausum götum, með 40 kíló af jólakortum og hagkaupsbæklingum á bakinu með blauta fætur, blautar eldspýtur, blautann rass og batteríslaust vasadiskó (einnig blautt). Spámaðurinn neitaði að ganga með jólasveinahúfuna með póstlógóinu sem honum var afhent. Þvínæst kom gasið í straumsvík, þar sem verðleiki manna er mældur í hve mörg orð yfir kynfæri hann getur þulið upp á sem stystum tíma...og þannig flakkaði Spámaðurinn...Hann vann út samningstímann og fann sér svo eitthvað annað. Spámanninum er margt til lista lagt, en eitt er þó á hreinu, hann mun aldrei geta unnið með "alvöru" verkfæri. Sem barn var honum tjáð af smíðakennara sínum að Spámaðurinn væri versti nemandi sem hann hefði nokkurntíma séð. Foreldrar stráksins við hliðina á Spámanninum skreyttu híbýli sín með flúruðum gestabókum, skipum úr beini, uppþvottagrindum og hattastöndum sem drengurinn töfraði fram... Í hillu á heimili foreldra Spámannsins liggur hálfkláruð, illa tálguð og skæld stytta af svíni.
Spámaðurinn er ekki laghentur. Hlutir eins og að tálga, negla, saga, prjóna og bara allt sem krefst meiri samhæfni en að skipta um ljósaperu eru verk sem Spámaðurinn er einfaldlega ófær um . Spámaðurinn og strákurinn sem var gat ekki prjónað sökum þess að vera örvhentur sátu saman á ég-tala-við-þessa-tvo-betur-á-eftir-borðinu í handavinnutímum. Sem dæmi um þessa fötlun má nefna að eftir að fyrrum unnusta hans flutti út breytti Spámaðurinn nánast öllu á heimili sínu. Það eina sem stendur óhreyft er risastór hnútur af snúrum sem liggja milli tölvunnar, sjónvarpsins, hljómflutningstækjanna, tölvuskjásins, prentarans og myndbandstækisins...Ástaðan er einfaldlega sú að Spámaðurinn þorir ekki að koma við hnútinn af ótta við að missa eitt, eða jafnvel öll heimilistækin.

Spámaðurinn verður augljóslega ekki pípari heldur. Já, Spámanninum tókst að sprengja klósettið sitt í loft upp síðasta vor þegar hann gerði tilraun til að lagfæra það. Já, bókstaflega sprengja það með hvelli og öllu tilheyrandi. Nú halda lesendur eflaust að Spámaðurinn fljúgi á vængjum fjaðrapenna skáldanna, en svo er ekki. Það sem gerðist: Spámaðurinn býr í Norðurmýri. Eins og allir málsmetandi menn vita er norðurmýrin að sökkva. Norðurmýrin lítur út eins og hún hafi verið byggð í fylleríi, veggir eru skakkir og halla sitt á hvað, sprungur eru í veggjum, og víða getur maður horft undir veggi og steyptar girðingar sökum þess að jörðin er hægt og rólega að sökkva en veggir og grunnar síga hægar. Sumsstaðar hafa hús hækkað um næstum hálfann metra. Skemmtileg hliðarverkun er sú að íbúð Spámannsins mun, eftir tiltölulega stuttann tíma (jarðfræðilega séð), hækka verulega í verði þegar hún verður að jarðhæð. Mun leiðinlegri hliðarverkun átti sér stað í vor. Rör undir húsinu fóru í sundur (eða amk gerðist eitthvað) vegna jarðsigs. Einn daginn tók að flæða vatn upp úr klósetti Spámannsins. Allt fór á flot inni á baðherberginu. Spámaðurinn moppaði vatnið og skrúfaði fyrir vatnið og sætti sig fyrst í stað við að notast við salerni í nágrannahúsum og nálægum kaffihúsum, listasöfnum og öðrum stofnunum. Á meðan hann beið eftir mánaðarmótunum en þá gæti hann borgað pípara. En að lokum fékk Spámaðurinn nóg af því að ganga örna sinna á almenningssalernum og hringdi í örvilnan í föður sinn og bað um hjálp.
Faðir hans mætti á staðinn með öflugasta stífluleysi sem fyrirfinnst á hnettinum í flösku alsettri hauskúpum og appelsínugulum límmiðum. (eftir að hafa rannsakað málið taldi hann að um stíflu væri að ræða).
Á flöskunni stóð að notandinn skyldi hella efninu ofan í salernisskálina og hella síðan sjóðandi vatni uþb mínútu eftir að kemísku efnin væru komin ofaní. Þessum einföldu leiðbeiningum tókst Spámanninum og föður hans að misskilja: Sjóðandi vatnið fór ofaní postulínsaltarið á undan efninu en ekki á eftir, eins og ætlast er til. Því næst skrúfaði Spámaðurinn tappann af efninu og skellti öllu innihaldinu, sem var þykkur skærbleikur vökvu, ofaní. Áhrifin létu ekki á sér standa: Sprenging skók herbergið á meðan Spámaðurinn var að hella efninu. Lítill grár skýsveppur liðaðist upp úr salernisskálinni líkt og feðgarnir hefðu framkvæmt blauta vasaútgáfu af árásinni á Hiroshima á baðherbergi Spámannsins. Vatn draup úr loftinu og lak niður veggina. Rennblautir feðgarnir horfðust í augu gegnum reykinn í örstutta stund á meðan Spámaðurinn velti fyrir sér undrum erfðafræðinnar en mælti svo: "Andskotinn! Það er á hendinni á mér ái! Ég brenn og stökkbreytist!" og rauk inn í eldhús til að skola eitrið af höndinni á sér.
Spámaðurinn og faðir hans hituðu kaffi og sátu þegjandi um stund. Eftir nokkra stund mælti faðirinn: "Hringdu í pípara".

En nóg ætti að vera af störfum sem krefjast ekki handlagni úti í hinum stóra heimi...

2005-10-14T20:24:00.000-07:00

Viðbót:
Spámaðurinn hefur verið sýktur af faraldrinum... Hann hefur verið klukkaður (hann var víst klukkaður tvisvar, en tók ekki eftir því strax)... Sem þýðir að hann þarf að svala egói sínu og birta fimm gagnslausar staðreyndir um sjálfann sig (sem er frekar undarlegt birtingarform faralds, því að blogg almennt er hörku naflaskoðun?). En Spámaðurinn er ekki of merkilegur fyrir slíkt:

1. Spámaðurinn er ca. 60% vatn.
2. Þrátt fyrir ömurlegt ástand í almenningssamgöngum, og hann kvarti nánast daglega undan þeim, þykir Spámanninum gaman í strætó.
3. Spámaðurinn óttast stundum að áralöng misnotkun á úðabrúsum og tússpennum til forna hafi valdið tjóni á skammtímaminni hans... Þó er það sennilega meðfætt þar sem móðir hans er eins (Og hann uppfyllir listamannaklysjuna, þeas. hann er vonlaus með nöfn og man ekkert sem honum er sagt. En andlit, myndir og allt sem hann les er hinsvegar sem meitlað í stein og hverfur aldrei)
4. Þrátt fyrir 3. grein er versta martröð Spámannsins sú að sitja veðurtepptur sígarettulaus, án matar, kaffis eða melrose í sæluhúsi uppi á fjalli með heilsumeðvituðum jógaiðkanda sem býður honum speltbrauð með mosa til að bæta bláu í áruna og hreinsa út eitrið.
5. Hægt er að sýna Spámanninum mynd af nánast hvaða ronson kveikjara sem er og hann getur sagt þér frá hvaða ári hann er (með skekkjumörkunum ca. 5 ár eða svo).

Manneskjan sem verður næst fyrir barðinu er Þóra Turilla

2005-10-06T18:04:00.000-07:00

01001000 01101010 01100001 01110010 11110000 01101001 01110010 00100000 11111110 01100001 11110000 00100000 01110110 01101001 01110100 01110101 00100000 00001010 01101110 11100110 01110010 00100000 11111110 11100110 01110010 00100000 01101000 01100101 01101001 01101101 00100000 01110011 01101011 01110101 01101100 01110101 00100000 00001010 01101111 01100111 00100000 01100111 01100001 01101110 01100111 01100001 00100000 11111110 11100001 00100000 01100001 01100110 00100000 01100111 01110010 01100001 01110011 01101001 00101110

01001000 01101010 11100001 01101100 01110000 00100001 00100000 01001000 01101010 11100001 01101100 01110000 00100001 00100000 01001000 01100101 01101001 01101101 01110101 01110010 01101001 01101110 01101110 00100000 01100101 01110010 00100000 01100001 11110000 01100101 01101001 01101110 01110011 00100000 01110100 01110110 11110110 00100000 01101101 01100101 01110010 01101011 01101001 00100001

01000101 01101001 01101110 01100110 11110110 01101100 01100100 01110101 01101110 00100000 01101000 01101100 01110101 01110100 01100001 00100000 01100111 01100101 01110010 01101001 01110010 00100000 11111110 11100001 00100000 01100001 11110000 01100101 01101001 01101110 01110011 00100000 01100110 01101100 11110011 01101011 01101110 01100001 01110010 01101001 00100001 00100001 00100001 00100000 01010010 01100001 01110011 01110011 01100111 01100001 01110100 01101000 01101111 01101100 01100101 00100000 01101000 01100101 01100110 01110101 01110010 00100000 01110110 01100101 01110010 01101001 11110000 00100000 01100101 01101001 01101110 01100110 01100001 01101100 01100100 01100001 11110000 00100000 01101110 01101001 11110000 01110101 01110010 00100000 11101101 00100000 01100001 11110000 01100101 01101001 01101110 01110011 00100000 01110100 01110110 11110110 00100000 01101101 01100101 01110010 01101011 01101001 00100000 01101111 01100111 00100000 01110110 01100101 01110010 11110000 01110101 01110010 00100000 01100110 01111001 01110010 01101001 01110010 00100000 01110110 01101001 01101011 01101001 11110000 00100000 01101101 01110101 01101110 00100000 01100110 01101100 11110011 01101011 01101110 01100001 01110010 01100001 00100000 01010010 01100001 01110011 01110011 01100111 01100001 01110100 01101000 01101111 01101100 01100101 00100000 01100101 01101110 00100000 01100110 01111001 01110010 01110010 00100000 01101000 01100101 01100110 01110101 01110010 00100000 11111110 01100101 01101011 01101011 01110011 01110100 00100001 00100000 01010011 01110110 01100001 01110010 01110100 00101100 00100000 01101000 01110110 11101101 01110100 01110100 00101110 00100000 01010011 01110100 01110101 01110100 01110100 00101100 00100000 01101100 01100001 01101110 01100111 01110100 00101110 00100000 01001010 11100001 00101100 00100000 01101110 01100101 01101001 00101110 00100000 01000111 01100001 01110100 00101100 00100000 01100101 01101011 01101011 01101001 00100000 01100111 01100001 01110100 00101110 00100000 01001100 01101010 11110011 01110011 00101100 00100000 01100101 01101011 01101011 01101001 00100000 01101100 01101010 11110011 01110011 00101110 00100000 01010010 01100101 01111001 01101011 01110011 01101011 11111101 00101100 00100000 01100101 01101011 01101011 01101001 00100000 01110010 01100101 01111001 01101011 01110011 01101011 11111101 00101110 00101110 00101110 01101111 01110011 01100110 01110010 01110110 00100000 01101111 01110011 01100110 01110010 01110110 01000101 01101110 00100000 01101000 01110110 01100001 11110000 00100000 11111110 11111101 11110000 01101001 01110010 00100000 11111110 01100101 01110011 01110011 01101001 00100000 01101101 01101001 01101011 01101100 01100001 00100000 01100101 01101001 01101110 01100110 11110110 01101100 01100100 01110101 01101110 00100000 01110010 01100001 01110011 01110011 01100111 01100001 01110100 01101000 01101111 01101100 01110101 01110011 01100001 01110010 01100111 01110101 11110000 01110011 01110000 01101010 01100001 01101100 01101100 01100001 00111111 00100000 01000101 01101001 01101110 01100110 11110110 01101100 01100100 01110101 01101110 00111111 00100000 01000110 01101100 11100110 01101011 01101001 01101110 01100111 01110101 00111111 00100000 01000010 01101100 01100001 11110000 01110011 11101101 11110000 01110101 00100000 01100101 01100110 01110100 01101001 01110010 00100000 01100010 01101100 01100001 11110000 01110011 11101101 11110000 01110101 00100000 01100001 01100110 00100000 00110001 00100000 01101111 01100111 00100000 00110000 00101101 01110101 01101101 00111111 00100000 00001010 01000101 11110000 01100001 00100000 01100101 01110010 00100000 01100110 01110010 01100001 01101101 11111110 01110010 11110011 01110101 01101110 00100000 01110100 11100110 01101011 01101110 01101001 01101110 01101110 01100001 01110010 00100000 01100101 01101001 01101110 01110101 01101110 01100111 01101001 01110011 00100000 01101101 01101001 11110000 01110101 11110000 00100000 01100001 11110000 00100000 11111110 01110110 11101101 00100000 01100001 11110000 00100000 01100110 01100101 01101100 01100001 00100000 01101000 01101001 11110000 00100000 01101000 01110010 11100001 01100001 00100000 01100101 11110000 01101100 01101001 00100000 01110100 01100001 01101100 01101110 01100001 01110010 01110101 01101110 01110101 01101110 01101110 01100001 01110010 00100000 01100110 01111001 01110010 01101001 01110010 00100000 01101110 01101111 01110100 01100001 01101110 01100100 01100001 01101110 01110101 01101101 00111111 00100000 01001000 01110110 01100001 11110000 00100000 01100111 01100101 01110010 01101001 01110011 01110100 00100000 11111110 11100001 00111111 00100000 01001101 01110101 01101110 00100000 01101101 01100001 01101110 01101110 01101011 01111001 01101110 01101001 11110000 00100000 01100101 01101001 01101110 01101000 01110110 01100101 01110010 01101110 01110100 11101101 01101101 01100001 00100000 11111110 01110010 11110011 01100001 01110011 01110100 00100000 01110011 01110110 01101111 00100000 01101101 01101001 01101011 01101001 11110000 00100000 11111110 01100001 11110000 00100000 01100111 01101100 01100101 01111001 01101101 01101001 00100000 01101000 01110110 01100101 01110010 01101110 01101001 01100111 00100000 01101001 01101110 01101110 01110110 01101111 01101100 01110011 00100000 01110100 11110110 01101100 01110110 01110101 01101110 01101110 01100001 01110010 00100000 01110110 01101001 01110010 01101011 01100001 01110010 00111111

01001110 01100101 01101001 00101100 00100000 11100110 01110100 01101100 01101001 00100000 11111110 01100001 11110000 00101110 00101110 00101110 00100000 01000101 01101001 01101110 01110101 00100000 01110011 01101001 01101110 01101110 01101001 00100000 01110110 01100001 01110010 00100000 11111110 01100001 11110000 00100000 01110011 01110110 01101111 00100000 01100001 11110000 00100000 11111110 01100001 11110000 00100000 01110011 01100101 01101101 00100000 01101000 01100101 01101100 01110011 01110100 00100000 01110011 01110100 01110101 11110000 01101100 01100001 11110000 01101001 00100000 01100001 11110000 00100000 01100110 01110010 01100001 01101101 11111110 01110010 11110011 01110101 01101110 00100000 01101101 01100001 01101110 01101110 01101011 01111001 01101110 01110011 00100000 01110110 01101111 01110010 01110101 00100000 01110011 01110100 01111001 01110010 01101010 01100001 01101100 01100100 01101001 01110010 00100000 01101111 01100111 00100000 01110110 01101111 01110000 01101110 01110101 11110000 00100000 01100100 01110010 11100001 01110000 00101110 00100000 11001101 00100000 01110011 11101101 11110000 01110101 01110011 01110100 01110101 00100000 01110100 01110110 01100101 01101001 01101101 01110101 01110010 00100000 01101000 01100101 01101001 01101101 01110011 01110100 01111001 01110010 01101010 11110110 01101100 01100100 01110101 01101101 00100000 01101011 01100101 01110000 01110000 01110100 01110101 01110011 01110100 00100000 01101101 01100101 01101110 01101110 00100000 01110110 01101001 11110000 00100000 01100001 11110000 00100000 01100110 01101001 01101110 01101110 01100001 00100000 01110101 01110000 01110000 00100000 01100010 01100101 01110100 01110010 01101001 00100000 01101111 01100111 00100000 01100110 01101100 01101010 11110011 01110100 01101100 01100101 01100111 01110010 01101001 00100000 01101100 01100101 01101001 11110000 01101001 01110010 00100000 01110100 01101001 01101100 00100000 11111110 01100101 01110011 01110011 00100000 01100001 11110000 00100000 01101011 01101111 01101101 01100001 00100000 01101110 11100001 01110101 01101110 01100111 01100001 01101110 01110101 01101101 00100000 01100110 01111001 01110010 01101001 01110010 00100000 01101011 01100001 01110100 01110100 01100001 01110010 01101110 01100101 01100110 00101110 00100000 01001010 01100001 01100110 01101110 01100110 01110010 01100001 01101101 01110100 00100000 01101011 01100101 01110000 01110000 01110100 01110101 01110011 01110100 00100000 01101101 01100101 01101110 01101110 00100000 01110110 01101001 11110000 00100000 11111110 01100101 01110011 01110011 00100000 01100001 11110000 00100000 01100110 01101001 01101110 01101110 01100001 00100000 01101100 01100101 01101001 11110000 01101001 01110010 00100000 01110100 01101001 01101100 00100000 01100001 11110000 00100000 01100110 01101111 01110010 11110000 01100001 01110011 01110100 00100000 01100001 11110000 00100000 01110110 01100101 01110010 01100001 00100000 01101011 01101111 01101101 01101001 11110000 00100000 01100110 01111001 01110010 01101001 01110010 00100000 01101011 01100001 01110100 01110100 01100001 01110010 01101110 01100101 01100110 00100000 01100001 01100110 00100000 01101110 11100001 01110101 01101110 01100111 01100001 01101110 01110101 01101101 00101110 00100000

11011110 01100001 01101110 01101110 01101001 01100111 00100000 01110110 01100001 01110010 00100000 01100111 01100001 01110011 01100111 01110010 11101101 01101101 01100001 01101110 00100000 11111110 01110010 11110011 01110101 11110000 00100000 01110100 01101001 01101100 00100000 11111110 01100101 01110011 01110011 00100000 01100001 11110000 00100000 01101101 01100101 01101110 01101110 00100000 01100111 11100110 01110100 01110101 00100000 01100101 01101011 01101011 01101001 00100000 01101100 01100101 01101110 01100111 01110101 01110010 00100000 01101011 11100110 01100110 01110100 00100000 01100001 11110000 01110010 01100001 00100000 01101101 01100101 01101110 01101110 00100000 01101101 01100101 11110000 00100000 01110011 01101001 01101110 01101110 01100101 01110000 01110011 01100111 01100001 01110011 01101001 00100000 01101111 01100111 00100000 11110110 11110000 01110010 01110101 00100000 01110101 01101100 01101100 01100001 01100010 01101010 01100001 01101011 01101011 01101001 00101110 00100000 01001011 01101111 01110000 01100001 01110010 01110110 11101101 01110010 01100001 01110010 00100000 01101011 01101111 01101101 01110101 00100000 11101101 00100000 01110011 01110100 01100001 11110000 00100000 01100010 01110010 11101001 01100110 01100100 11111010 01100110 01100001 00100000 01110100 01101001 01101100 00100000 11111110 01100101 01110011 01110011 00100000 01100001 11110000 00100000 01101101 01100101 01101110 01101110 00100000 01101111 01100111 00100000 01100100 11111010 01100110 01110101 01110010 00100000 11111110 01111001 01110010 01100110 01110100 01110101 00100000 01100101 01101011 01101011 01101001 00100000 01100001 11110000 00100000 11110110 01110011 01101100 01100001 00100000 01100101 01101100 01100100 00100000 01101111 01100111 00100000 01100010 01110010 01100101 01101110 01101110 01101001 01110011 01110100 01100101 01101001 01101110 00100000 01101101 01100101 11110000 00100000 01101100 11101101 01100110 01101001 11110000 00100000 11101101 00100000 01101100 11111010 01101011 01110101 01101110 01110101 01101101 00100000 01110100 01101001 01101100 00100000 11111110 01100101 01110011 01110011 00100000 01100101 01101001 01101110 01110011 00100000 01100001 11110000 00100000 01100001 01100110 01101000 01100101 01101110 01100100 01100001 00100000 01100010 01110010 11101001 01100110 01110011 01101110 01100101 01110000 01101001 01101100 00100000 00101000 01110011 01100101 01101101 00100000 01110110 01100001 01110010 00100000 01100101 01100110 01101100 01100001 01110101 01110011 01110100 00100000 01100100 01110101 01101100 01101011 11110011 11110000 01100001 11110000 01110101 01110010 00101100 00100000 01100101 01101110 00100000 11110110 01101100 01101100 00100000 01101011 11110011 11110000 01110101 01101110 00100000 01100101 01110010 00100000 01100100 11100110 01101101 01101001 00100000 01110101 01101101 00100000 01100001 01101110 01101110 01100001 11110000 00100000 01100001 01100110 01110011 01110000 01110010 01100101 01101110 01100111 01101001 00100000 01101101 01101111 01110010 11110000 11100110 11110000 01101001 01110011 00100000 01101101 01100001 01101110 01101110 01110011 01101011 01100101 01110000 01101110 01110101 01101110 01101110 01100001 01110010 00101100 00100000 11111110 01100001 01110010 00100000 11100001 00100000 01101101 01100101 11110000 01100001 01101100 00100000 01110100 01110110 11101101 01110101 01101110 01100001 01101011 11110011 11110000 01110101 01101110 00101001 00101110 00100000 00100000 11010011 01110100 01110010 11111010 01101100 01100101 01100111 01110100 00100000 01101101 01100001 01100111 01101110 00100000 01100001 01100110 00100000 01101000 01101100 01110101 01110100 01110101 01101101 00100000 01110011 01100101 01101101 00100000 01110110 01101001 11110000 00100000 01101110 01101111 01110100 01110101 01101101 00100000 11100001 00100000 01101000 01110110 01100101 01110010 01101010 01110101 01101101 00100000 01100100 01100101 01100111 01101001 00100000 01100101 01110010 01110101 00100000 01100001 01100110 01110011 01110000 01110010 01100101 01101110 01100111 01101001 00100000 01101000 01101001 01101110 01101110 01100001 01110010 00100000 11110011 01100101 01101110 01100100 01100001 01101110 01101100 01100101 01100111 01110101 00100000 01110110 01101001 11110000 01101100 01100101 01101001 01110100 01101110 01101001 00100000 01101101 01100001 01101110 01101110 01110011 01101001 01101110 01110011 00100000 01110100 01101001 01101100 00100000 01100001 11110000 00100000 01101101 01111001 01110010 11110000 01100001 00100000 01101000 01110110 01101111 01110010 01101110 00100000 01100001 01101110 01101110 01100001 01101110 00100000 11100001 00100000 01110011 01100101 01101101 00100000 01100110 01111001 01110010 01101001 01110010 01101000 01100001 01100110 01101110 01100001 01101101 01101001 01101110 01101110 01110011 01110100 01100001 01101110 01101110 00100000 01101000 11100001 01110100 01110100 00101110 00100000 01001101 01100101 01101001 01110010 00100000 01100001 11110000 00100000 01110011 01100101 01100111 01101010 01100001 00100000 01110100 01110101 01101110 01100111 01101100 01101100 01100101 01101110 01100100 01101001 01101110 01100111 01101001 01101110 00100000 01100110 01110010 11100110 01100111 01100001 00100000 01110110 01100001 01110010 00100000 11101101 00100000 01110010 01100001 01110101 01101110 00100000 01101111 01100111 00100000 01110110 01100101 01110010 01110101 00100000 01100001 11110000 01100101 01101001 01101110 01110011 00100000 01101100 01100101 01101001 11110000 00100000 01110100 01101001 01101100 00100000 11111110 01100101 01110011 01110011 00100000 01100001 11110000 00100000 01110011 01100101 01100111 01101010 01100001 00100000 01110110 01101001 11110000 00100000 01100001 01101110 01101110 01100001 01101110 00100000 01101000 11110011 01110000 00100000 01100110 11110011 01101100 01101011 01110011 00111010 00100000 00100010 01000101 01101011 01101011 01101001 00100000 01100110 01101111 01101011 01101011 01100001 00100000 11101101 00100000 01101111 01101011 01101011 01110101 01110010 00101100 00100000 01110110 01101001 11110000 00100000 01101100 01100101 01101110 01110100 01110101 01101101 00100000 11100001 00100000 01110100 01110101 01101110 01100111 01101100 01101001 01101110 01110101 00100000 01101100 01101001 01100111 01100111 01100001 01101100 01101001 01100111 01100111 01100001 01101100 11100001 01101001 00100010 00101110 00100000 01001111 01100111 00100000 01100101 01111001 01101101 01101001 01101110 01100111 01101010 01100001 00100000 01001010 11111010 01110010 11101101 00100000 01000111 01100001 01100111 01100001 01110010 11101101 01101110 00100000 01110110 01100001 01110010 00100000 01100101 01101011 01101011 01100101 01110010 01110100 00100000 01101110 01100101 01101101 01100001 00100000 01101101 01100001 01101110 01101110 01101100 01100101 01100111 01110100 00100000 01110010 01100101 11110000 01110101 01110010 01110100 11100001 01101011 01101110 00100000 01110011 11101101 11110000 01100001 01110010 01101110 01100101 01100110 01101110 01100100 01110011 00100000 01101000 11110011 01110000 01110011 00101110 00100000 00101000 01010100 01101001 01101100 00100000 01100001 11110000 00100000 01100111 11100110 01110100 01100001 00100000 01110011 01100001 01101110 01101110 01100111 01101001 01110010 01101110 01101001 00100000 01110110 01100101 01110010 11110000 01110101 01110010 00100000 01100001 11110000 00100000 01110100 01100001 01101011 01100001 00100000 01100110 01110010 01100001 01101101 00100000 01100001 11110000 00100000 01110010 01100101 01111001 01101110 01100100 01100001 01110010 00100000 01110110 01101111 01110010 01110101 00100000 01101000 01100101 01110010 01110011 01101011 01100001 01110010 01100001 01110010 00100000 01100001 01101110 01101110 01100001 01110010 01110010 01100001 00100000 01110010 01100101 11110000 01110101 01110010 01110100 11100001 01101011 01101110 01100001 00100000 01110101 01101110 01100100 01100001 01101110 01100110 01100001 01110010 01100001 01110010 00100000 01000111 01100001 01100111 01100001 01110010 11101101 01101110 01110011 00101100 00100000 11100001 00100000 01100010 01101111 01110010 11110000 00100000 01110110 01101001 11110000 00100000 01110100 11101101 01101011 01110101 01110010 01101110 01100001 01110010 00100000 01001100 11100110 01101011 01110101 00100000 01101111 01100111 00100000 01010011 01110100 01110010 01100101 01101100 01101011 01110101 00101100 00100000 01110011 01100101 01101101 00100000 01101111 01100111 00100000 01100001 11110000 01110010 01100001 01110010 00100000 01101101 01101001 01101110 01101110 01100001 00100000 11111110 01100101 01101011 01101011 01110100 01100001 01110010 00100000 01101000 01100101 01110100 01101010 01110101 01110010 00100000 01100001 01100110 00100000 01101110 01100001 01100111 01100100 11111101 01110010 01100001 01100010 11100001 01101100 01101011 01101110 01110101 01101101 00100000 01101111 01100111 00100000 01101101 01100001 01101110 01101110 01100001 01110000 01100001 01101011 01111001 01101110 01101001 00101001 01001010 11100001 00101100 00100000 01101101 01100101 01101001 01110010 00100000 01100001 11110000 00100000 01110011 01100101 01100111 01101010 01100001 00100000 01110011 01101001 01101100 01101011 01101001 11111110 01110010 11100110 11110000 01101001 01110010 00100000 01100001 01101100 01101110 01100101 01110100 01110011 01101001 01101110 01110011 00100000 01110011 01100101 01101101 00100000 01010011 01110000 11100001 01101101 01100001 11110000 01110101 01110010 01101001 01101110 01101110 00100000 01101110 01101111 01110100 01100001 01110010 00100000 01110100 01101001 01101100 00100000 11111110 01100101 01110011 01110011 00100000 01100001 11110000 00100000 01101011 01101111 01101101 01100001 00100000 01100010 01101111 11110000 01110011 01101011 01100001 01110000 00100000 01110011 11101101 01101110 01110101 01101101 00100000 11100001 00100000 01100110 01110010 01100001 01101101 01100110 11100110 01110010 01101001 00100000 01110110 01100001 01110010 00100000 01110101 01110000 01110000 01101000 01100001 01100110 01101100 01100101 01100111 01100001 00100000 11111110 01110010 11110011 01100001 11110000 00100000 01110100 01101001 01101100 00100000 11111110 01100101 01110011 01110011 00100000 01100001 11110000 00100000 01100001 01110101 11110000 01110110 01100101 01101100 01100100 01100001 00100000 01110011 01100001 01101101 01110011 01101011 01101001 01110000 01110100 01101001 00100000 01101101 01101001 01101100 01101100 01101001 00100000 01100100 01110010 11100001 01110000 01100001 01110010 01100001 00101110 00100000 01000001 01101100 01101110 01100101 01110100 01101001 11110000 00100000 01110110 01100101 01110010 11110000 01110101 01110010 00100000 11111110 01110110 11101101 00100000 01100001 11110000 00100000 01110100 01100101 01101100 01101010 01100001 01110011 01110100 00100000 01101100 01111001 01101011 01101001 01101100 01100001 01110100 01110010 01101001 11110000 01101001 00100000 11101101 00100000 01100110 01110010 01100001 01101101 11111110 01110010 11110011 01110101 01101110 00100000 01101111 01100111 00100000 11111110 01100001 01110010 00100000 01110011 01100101 01101101 00100000 11111110 01100001 11110000 00100000 01101000 11111101 01110011 01101001 01110010 00100000 01010010 01100001 01110011 01110011 01100111 01100001 01110100 01101000 01101111 01101100 01110101 01110011 01100001 01110010 01100111 01110101 11110000 01110011 01110000 01101010 01100001 01101100 01101100 00100000 01101101 11100001 00100000 01100110 01110101 01101100 01101100 01111001 01110010 11110000 01100001 00100000 01100001 11110000 00100000 11111110 01110010 11110011 01110101 01101110 00100000 11111110 01100101 01110011 01110011 00100000 01101000 01100101 01100110 01110101 01110010 00100000 01101100 01100101 01101001 01110100 01110100 00100000 01100001 01100110 00100000 01110011 11101001 01110010 00100000 01101101 01100101 01101001 01110010 01100001 00100000 01100111 01101111 01110100 01110100 00100000 01100101 01101110 00100000 01101001 01101100 01101100 01110100 00100000 01101111 01100111 00100000 01100001 11110000 00100000 11111110 01100001 11110000 00100000 01101000 01100101 01100110 01110101 01110010 00100000 11111110 01101010 11110011 01101110 01100001 11110000 00100000 01110100 01101001 01101100 01100111 01100001 01101110 01100111 01101001 00100000 01101100 01101010 11110011 01110011 01110011 01101001 01101110 01110011 00100001 00100000 01000101 01101110 00100000 01100001 01101100 01101110 01100101 01110100 01101001 11110000 00100000 01101100 01100101 01101001 01100100 01100100 01101001 00100000 01101100 11101101 01101011 01100001 00100000 01110100 01101001 01101100 00100000 01100001 01101110 01101110 01100001 01110010 01110011 00100000 01101110 11100110 01110011 01110100 01110101 01101101 00100000 01101010 01100001 01100110 01101110 00100000 01101101 01101001 01101011 01101001 01101100 01110110 11100110 01100111 01110011 00100000 01110011 01101011 01110010 01100101 01100110 01110011 00100000 11101101 00100000 11111110 01110010 11110011 01110101 01101110 00100000 01101101 01100001 01101110 01101110 01101011 01111001 01101110 01110011 00101110 00101110 00101110

01000101 01101110 00100000 01101110 11111010 00100000 01100101 01110010 00100000 11110110 01101100 01100100 01101001 01101110 00100000 11110110 01101110 01101110 01110101 01110010 00100001 00100000 00001010 11001101 00100000 01110011 01110100 01100001 11110000 00100000 01101101 01101111 01110010 11110000 11100110 11110000 01101001 01110011 01101001 01101110 01110011 00100000 01101000 01100101 01100110 01110101 01110010 00100000 11110110 01101110 01101110 01110101 01110010 00100000 01100110 01110010 01110101 01101101 11111110 11110110 01110010 01100110 00100000 01101101 01100001 01101110 01101110 01101011 01111001 01101110 01110011 00100000 01110100 01100101 01101011 01101001 11110000 00100000 01110110 01101001 11110000 00100000 01110100 11100110 01101011 01101110 01101001 01100110 01110010 01100001 01101101 11111110 01110010 11110011 01110101 01101110 01101001 01101110 01101110 01101001 00101110 00100000 01010011 01110110 01101111 00100000 01110110 01101001 11110000 00100000 01110110 01101001 01110100 01101110 01110101 01101101 00100000 11101101 00100000 01000100 01100001 01110110 01100101 00100000 01001100 01101001 01110011 01110100 01100101 01110010 00100000 11111010 01110010 00100000 01010010 01100001 01110101 11110000 01100001 00100000 01000100 01110110 01100101 01110010 01100111 01101110 01110101 01101101 00111010 00100000 00100010 01001000 01110110 01100001 11110000 00100000 01100101 01110010 00100000 11111110 01100001 11110000 00100000 01100110 01111001 01110010 01110011 01110100 01100001 00100000 01110011 01100101 01101101 00100000 11111110 11111010 00100000 01101000 01110101 01100111 01110011 01100001 11110000 01101001 01110010 00100000 11111110 01100101 01100111 01100001 01110010 00100000 11111110 11111010 00100000 01101000 01100101 01111001 01110010 11110000 01101001 01110010 00100000 01110101 01101101 00100000 01110000 11110011 01101100 01100001 01110010 01101111 01101001 01100100 00100000 01101101 01111001 01101110 01100100 01100001 01110110 11101001 01101100 01101001 01101110 01100001 00111111 00100010 00100000 00001010 01001010 11111010 00101110 00101110 00101110 01101101 01101001 01101011 01101001 11110000 00100000 01110010 11101001 01110100 01110100 00111010 00100000 01010110 01101001 11110000 01101100 01100101 01101001 01110100 01101110 01101001 00100000 01101101 01100001 01101110 01101110 01101011 01111001 01101110 01110011 00100000 01110100 01101001 01101100 00100000 11111110 01100101 01110011 01110011 00100000 01100001 11110000 00100000 01110011 01110100 01100001 01110010 01100001 00100000 11100001 00100000 01100010 01110010 01101010 11110011 01110011 01110100 00101100 00100000 01110010 01100001 01110011 01110011 01100001 00100000 01101111 01100111 00100000 01100100 01110110 01100101 01110010 01100111 01100001 00100000 11101101 00100000 01101011 01100001 01100110 01100001 01110010 01100001 01100010 11111010 01101110 01101001 01101110 01100111 01110101 01101101 00100000 01100111 01100101 01100110 01100001 00100000 01101000 01110110 01101111 01110010 00100000 11110110 11110000 01110010 01110101 01101101 00100000 01110011 01110100 11110011 01101100 01110000 11101101 01110000 01110101 01110010 00100000 01100101 01110010 00100000 01101110 11111010 01101110 01100001 00100000 01100101 01101001 01101110 01101110 00100000 01101000 01100101 01101100 01110011 01110100 01101001 00100000 01110110 01100001 01101100 01100100 01110101 01110010 00100000 01100001 11110000 00100000 01100110 01110010 01100001 01101101 11111110 01110010 11110011 01110101 01101110 00100000 11101101 00100000 01110011 01100001 01101101 01110100 11101101 01101101 01100001 00100000 01101111 01101011 01101011 01100001 01110010 00101110 00100000 00001010 01010011 01110101 01101101 01101001 01110010 00100000 01101101 01111001 01101110 01100100 01110101 00100000 01110011 01100101 01100111 01101010 01100001 00100000 01100001 11110000 00100000 01101110 11111010 00100000 01110110 11100110 01110010 01101001 00100000 00100010 11110110 01101100 01100100 00100000 11100001 01110011 01110100 01100001 01110010 01101001 01101110 01101110 01100001 01110010 00100010 00100000 00101000 11111110 01100101 01100001 01110011 00101110 00100000 01100110 11110011 01101100 01101011 00100000 01110100 01100101 01101110 01100111 01101001 01110010 00100000 11111110 01110010 11100110 01101100 01100001 01101000 01100001 01101100 01100100 00101100 00100000 01101110 01100101 01111001 11110000 00101100 00100000 01110011 01101010 11100001 01101100 01100110 01110011 01100110 01110010 11110011 01110101 01101110 00100000 01101111 01100111 00100000 01110011 01110100 11110011 01101100 01110000 11101101 01110000 01110101 01110010 00100000 01110110 01101001 11110000 00100000 11100001 01110011 01110100 00101110 00101110 00101110 00100000 01010011 01101001 01110100 01110100 00100000 01110011 11111101 01101110 01101001 01110011 01110100 00100000 01101000 01110110 01100101 01110010 01101010 01110101 01101101 00101001 00101110 00100000 11001101 00100000 01100100 01100001 01100111 00100000 01100101 01110010 00100000 11111110 01100001 11110000 00100000 01100101 01101011 01101011 01101001 00100000 01110011 01110000 01110101 01110010 01101110 01101001 01101110 01100111 00100000 01110101 01101101 00100000 01100001 11110000 00100000 01100110 01110010 01100001 01101101 01101100 01100101 01101001 11110000 01100001 00100000 01110011 01110000 01110010 01100101 01101110 01100111 01101010 01110101 01110010 00100000 11100001 00100000 01100110 11100110 01110010 01101001 01100010 01100001 01101110 01100100 01101001 00100000 01110100 01101001 01101100 00100000 11111110 01100101 01110011 01110011 00100000 01110011 01110000 01110010 01100101 01101110 01100111 01101010 01100001 00100000 01110011 01100101 01101101 00100000 01100110 01101100 01100101 01110011 01110100 01100001 00100000 01101101 01100101 11110000 01101100 01101001 01101101 01101001 00100000 01101101 01100001 01101110 01101110 01101011 01111001 01101110 01110011 00100000 11101101 00100000 01110100 11100110 01110100 01101100 01110101 01110010 00101100 00100000 01101000 01100101 01101100 01100100 01110101 01110010 00100000 01110011 01110000 01110101 01110010 01101110 01101001 01101110 01100111 01101001 01101110 00100000 01110101 01101101 00100000 01100001 11110000 00100000 01101011 01101111 01101101 01100001 00100000 01101101 01111001 01101110 01100100 01100010 01100001 01101110 01100100 01101001 00100000 01100001 01100110 00100000 01110011 01110100 11111010 01101100 01101011 01110101 00100000 01100001 11110000 00100000 01110100 01110010 01101111 11110000 01100001 00100000 01101100 01100001 01110100 01100101 01111000 01101000 11111010 11110000 01110101 11110000 01110101 01101101 00100000 01100001 01101110 01100001 01101110 01100001 01110011 00100000 11101101 00100000 11110011 11100110 11110000 01110010 01101001 00100000 01100101 01101110 01100100 01100001 01101110 01101110 00100000 11100001 00100000 01110011 11101001 01110010 00100000 01101001 01101110 01101110 00100000 11100001 00100000 01110011 01100101 01101101 00100000 01100110 01101100 01100101 01110011 01110100 00100000 01101000 01100101 01101001 01101101 01101001 01101100 01101001 00100000 01110011 01100101 01101101 00100000 01100101 01110010 00100000 01110110 01100001 01101100 01100100 01110101 01110010 00100000 01100001 11110000 00100000 01100110 01110010 01100001 01101101 11111110 01110010 11110011 01110101 01101110 00100000 01110110 01101111 01110010 01110010 01100001 00100000 01110100 11101101 01101101 01100001 00101110 00100000 00001010

01010110 01101001 01110011 01110011 01110101 01101100 01100101 01100111 01100001 00100000 01110110 01100101 01110010 11110000 01110101 01110010 00100000 11111110 01100001 11110000 00100000 01100001 11110000 00100000 01110100 01100101 01101100 01101010 01100001 01110011 01110100 00100000 11100001 01101011 01110110 01100101 11110000 01101001 01101110 00100000 01100110 01110010 01100001 01101101 11111110 01110010 11110011 01110101 01101110 00101110 00101110 00101110 00100000

2005-09-29T05:19:00.000-07:00

Í dag: Aa, Dd og Kk

Aa
A-A-A
a-a-a
A-A-A-a-a-a
Aa-Aa-Aa

Angantýr ataði aurnum á sig allann.

Dd
D-D-D
d-d-d
D-D-D-d-d-d
Dd-Dd-Dd

Diðrik datt í drullupoll og diskarnir fóru í mola.

Kk
K-K-K
k-k-k
K-K-K-k-k-k
Kk-Kk-Kk

Kristmundur kraup fyrir Hvítakristi.

Rassgatholevandi:

Kæri Rassgatholevandi:
Ég er búin að vera lengi skodin í strák sem við skulum kalla C, besta vinkona mín er X. Besti vinur C er I. Í bekjarpartí einu sinni fór X í sleik við I og vinkona C sá það, hún sagði C að X færi í sleik við alla og þá vildi C fara í sleik við X en hún sagði nei svo C byrjaði með stelpu sem við skulum kalla H. Hvað á ég að gera ég er alveg að deyja!?!

Kær kveðja.
Ein í vanda

ps. ég held að meyjarhaftið mitt hafi rifnað þegar ég hoppaði yfir kubbinn í leikfimi

Svar: Haltu kjafti.

Popp!
Þið getið klippt þessa flottu mynd úr Rassgathole og hengt upp á vegg í herberginu ykkar!

Mikjáll býr á búgarði sínum, Undralandi, í Bandaríkjunum með apanum Loftbólu og snáknum Vöðva. Honum finnst ekkert skemmtilegra en að fara með Loftbólu í flugferðir í tvíþekjunni sinni yfir búgarði sínum og stundum klifrar hann í trjánum með Loftbólu.

2005-09-14T18:26:00.000-07:00

"Jarls yndi
þótti mér ekki vera
nema við það lík að lifa."

Gott kvöld.
Spámaðurinn hefur nú verið atvinnulaus í tvær vikur (þeas. frá því kom aftur til byggða, í vöggu íslenskrar siðmenningar).
Spámanninum hefur ekki orðið mikið úr verki síðan hann kom til baka. Hann hefur dundað sér við að bryðja brenni og vafra á milli kaffihúsa (á meðan hann á enn pening og er ekki að vinna)...Sumsé, hann hefur verið að daðra við hið hreina form aumingjaskaps. Steininn tók þó úr í dag þegar Spámaðurinn vaknaði rétt um hádegi, reykti tvær sígarettur á meðan hann blaðaði í smáauglýsingum og steinsofnaði svo aftur á sófanum... Og vaknaði ekki aftur fyrr en um kvöldmatarleitið. Spámaðurinn leit ekki vel út þegar hann vaknaði... Úfinn með rendur í andliti og stýrur í augum smeygði hann sér í götóttar íþróttabuxur, úlpu með málningarslettum (því hún er þykkust), fór berfættur í strigaskóna og ákvað að fá sér ferskt loft. Hann kjagaði inn að musteri gráðostsins, bar Vitans, og tróð þar hamborgara í andlitið á sér og sötraði tvo kaffibolla í reykjarmekki útí horni. Spámaðurinn er ekki vanur ofskömmtun svefns og var því verulega ringlaður enn þegar hann kjagaði út og hélt aftur heim á leið að velta því fyrir sér hvernig í ósköpunum hann hafi gloprað svona heilum degi úr höndunum á sér og hann var, vægt til orða tekið, afar sjúskaður bæði innvortis og utan. Spámaðurinn sem var enn að vakna ákvað að dagurinn væri hvort eð er ónýtur og þar sem hann væri eins og dreginn upp úr drullupolli gæti hann allt eins komið við í musterinu sem hefur nú komið í stað bókasafnsins: Myndbandaleigunni og eytt kvöldinu með heiladauðum fulltrúum Englaborgar.
Í grárri forneskju var skylduvísdómnum troðið í hinn frjóa og rúmgóða koll Spámannsins í grunnskóla nokkrum í Hafnarfirði. Þar teiknaði hann typpi á Hitler í mannkynssögu, lærði að drekka landa, krotaði hljómsveitanöfn á transformers pennaveskið sitt, horfði á áróðursmyndbönd sem sýndu fram á að börn sem verða fyrir bílum geta sjálfum sér um kennt, var kennt hvernig áar hans komu í veg fyrir að bretarnir stælu öllum fisknum hans, flissaði í kynfræðslu, kaffærði stúlkubörn í snjó...osfrv. Allt þar til hann lauk grunnskóla og flutti strax að honum loknum með allt sitt hafurtask til höfuðborgar evrópu, Brussel. Spámaðurinn var nánast alla sína skólagöngu í bekk með sömu börnum, börnum sem hann sá svo ekki né heyrði næstu tíu árin. Einstaka sinnum hefur hann séð andlitum sem hann þekkir bregða fyrir í dagblöðum og sér að eitthvert barnana er orðið bakari, tugthúslimur eða hagfræðingur... En flest þeirra hefur hann aldrei séð aftur og verður sjaldan hugsað til.
Þar sem Spámaðurinn slangraði svefndrukkinn með pírð augu inn á myndbandaleiguna sá hann að maður stóð við afgreiðsluborðið að versla tyggjó... Spámaðurinn kannaðist eitthvað við andlit jakkafataklædda mannsins sem stóð þarna í glansandi lakkskóm með skjalatösku í hönd en hvorugur heilsaði.
Úr svip mannsins (og augnaráði að baki gleraugna með títaníumumgjörð) mátti lesa: "Mikið er nú leiðinlegt að þú hafir endað svona..." (eða ótta við að vera beðinn um lán fyrir kardimommudropum upp á vinskap í forneskju).

2005-09-06T16:48:00.000-07:00

"En ef Sigurði er það að segja að hann hafði misst föður sinn meðan Bangsímon var erlendis og hafði tekið við ríkisstjórn."

Gott kvöld.
Spámaðurinn eignaðist grip í haust sem síðan hefur orðið besti vinur hans. Spámaðurinn gengur með heilu plötusöfnin í vasanum auk vísdómsorða Basils Rathbone, Orson Welles og annara dýrðlinga. Hvenær og hvar sem er getur Spámaðurinn kallað fram undurfagra tóna hvar sem hann er... Róninn á rauðarárstígnum segir ekki lengur "geturðu séð af hundraðkalli?" heldur syngur hann með undurfagri röddu : "...þú kvaddir og allt varð svo hljótt, á glugganum frostrósin grær, ég gat ekkert sofið í nótt...", vagnstjórinn tilkynnir Spámanninum að Lóa litla á brú hafi verið laglegt fljóð og svo vaggar vagninn af stað í takt við Limbóið hans Duke Ellingtons... Reyndar kann Spámaðurinn ekkert á skipanir móðurheilans, svo allt er í einum graut í rafrænum heila gripsins sem hefur valdið svo mikilli byltingu á umhverfi Spámannsins, en Spámanninum er sama svo lengi sem hann getur haldið áfram að troða tónlist í örflöguheilann.

Spámaðurinn vissi reyndar frá upphafi að tölvubyltingin yrði honum endalaus uppspretta ánægju. Eins og á við um svo marga voru fyrstu kynni Spámannsins af silkiþráðum alnetsins fyrir tæpum tíu árum í gegnum tölvu á heimili félaga hans sem sýndi honum hvernig hægt væri að að fara inn á spjallrás og vélrita texta sem birtist á fjölda skjáa víðsvegar um heiminn. Þrátt fyrir að hugur Spámannsins væri hulinn þoku táningsáranna áttaði Spámaðurinn sig strax á gríðarlegum möguleikum þessarar endalausu uppsprettu fræðslu, þekkingar og mikilfengleika þess að brátt yrði bókasafn og prentvél í litlum kassa inni á hverju íslensku heimili... Þegar Spámaðurinn fékk að setjast við tölvu félagans var hans fyrsta verk í hinum rafræna hliðarheimi að fara inn á spjallrás og kynna sig sem nunnu í leit að stöðumælaverði.

2005-09-01T19:31:00.000-07:00

"...Bræður munu berjast
og að bönum verðast,
munu systrungar
sifjum spilla;"

Gott kvöld.
Þegar Spámaðurinn sneri aftur til borgarinnar skaut hann skjólshúsi yfir þrjá útlenda félaga sína sem að störfuðu með honum á afskekta hótelinu. Því hefur verið frekar alþjóðleg stemming í húsi Andanlegrar Upphafningar® í Norðurmýrinni fyrstu dagana. Gestirnir voru tveir franskir drengir og einn ítalskur. Allir eru þeir drengir hinir bestu en þó nokkuð sérstakir... Annar frakkinn gerði lítið annað í frítíma sínum en að þamba bjór og kokteila og keðjureykja á meðan hinn drekkur aldrei, reykir ekki, snertir ekki drykki sem innihalda koffín, borðar ekki fugl, fisk, kjöt, egg né mjólk og mjólkurafurðir...Ítalinn var hálf vængbrotinn án móður sinnar (athafnir á borð við að opna ískápshurð virtust honum ofviða).
Þeir hafa allir haldið til sinna heima núna...
Spámaðurinn varð svo 26 ára nú á dögunum... Nú fer senn að líða að því að Spámaðurinn geti farið að yrkja kvæði um gömul tóftarbrot, horfnar æskuslóðir og fölnaðann æskuljóma sem Haukur Morthens gæti svo sungið klökkum rómi... Verst að Spámaðurinn hefur aldrei verið á sjó, allir góðir dægurlagatextar fjalla um brennivínslegna sjómenn sem enda ævi sína bláir eftir öldunnar koss eða á botni bokkunnar. Þrátt fyrir að Spámaðurinn sé kominn af sægörpum og sé alinn upp í fjöruborðinu er það næsta sem hann hefur komist sjómennsku verið að pota í úldna sjórekna seli með priki og starfað við beitingar um stutt skeið. Á meðan Gvendur á Eyrinni dró gulann þorsk húkkaði Spámaðurinn marhnút á bryggjunni með tyggjó fyrir beitu (auk þess grær frostrósin ekki lengur sökum veðurfarsbreytinga). Því er ljóst að Spámaðurinn er frekar lélegur efniviður í dægurlagatexta... Þrátt fyrir að hafa keypt sér rommflösku fyrir afmælið.

2005-08-22T06:22:00.000-07:00

2005-08-07T07:05:00.000-07:00

"...fór heim til Danmarkar;
hyggur í faðm að falla
fljótt vinkonu sinni,
en fyrir borð hið breiða
Búi gekk með hugrekki."

Góðann dag.
Spámaðurinn telur nú dagana óþreyjufullur og bíður þess að geta snúið heim úr útlegðinni.
Það fyrsta sem Spámaðurinn ætlar að gera þegar hann kemur aftur er að versla sér allskonar óbjóð í kjörbúðinni og loka sig svo inni í kjallaraíbúð sinni í einn dag og njóta þess að deila ekki þaki (og baðherbergi!) með ca. 40 manns... Frelsi mannskepnunnar til að ganga um allsber og reykjandi heima hjá sér er vanmetið.
Auk þess verður sú tilfinning að vera komin "heim" úr vinnunni nýstárleg fyrir Spámanninum þar sem hann býr beint fyrir ofan lobbíið sem hann þrælar í dagsdaglega. Já. Spámaðurinn hefur búið á hótelherbergi í allt sumar. Reyndar í lítilli kompu í dimmu skúmaskoti hótelsins sem gestir fá aldrei að líta augum. Útsýnið út um gluggann á umræddri kompu er fögur og tignarleg fjallshlíð ásamt ryðguðum ruslagámum og gaskútum hótelsins.

Mynd: Veitingastaðurinn/bensínstöðin/kjörbúðin/skemmtistaðurinn þar sem Spámaðurinn eyðir miklu af frítíma sínum í kaffiþamb og auðnuleysingjahangs

Annars er lítið við að vera á þessum slóðum. Spámaðurinn hélt í könnunarleiðangur til Akureyrar ásamt innfæddum vinnufélaga sínum. Eftir glæfralegann darraðadans óeðlis, saurlífis og sprittþambs voru Spámaðurinn og félaginn keyrðir heim í reykjadal í kappakstursbíl... Bíllinn þeysti eftir þjóðveginum og hentist yfir holt og hæðir í tunglskininu. Spámaðurinn og félagi hans sátu kengbognir með hangandi haus í værum vímusvefni, hreyfingarlausir utan þess að hangandi höfuð þeirra færðust samtaka til annarar hvorrar hliðar öðru hvoru þegar bíllinn tók krappar beygjur.

2005-07-30T01:45:00.000-07:00

"Lítilla sanda
lítilla sæva
lítil eru geð guma."

Góðann dag.
Eins og áður hefur komið fram hefur Spámaðurinn verið að starfa á hóteli úti á landi í sumar. Spámaðurinn gengur í vandræðalegum einkennisbúningi og er hlekkjaður við lítið búr sem ber nafnið "afgreiðsla/móttaka" í 12 tíma í senn. Spámaðurinn hefur sumsé umbreyst yfir í það sem hann fyrirlítur, þeas. einkennisklæddann kontórista. Starfið er eitthvað sem Spámaðurinn hefur hingað til ekki átt að venjast. Það felst aðallega í því að rétta fólki lykla, uppfylla sérþarfir ferðamanna og að glíma svo daglega við sinn stærsta óvin: Stærðfræðipappírsflóðsskrímslið, en veiki blettir Spámannsins hafa alltaf verið hverskonar skýrslugerðir, kontóristafökksjitt og stærðfræði. En Spámaðurinn vælir ekki, því kaupið er ágætt og hann fær marga frídaga.

Eitthvað hefur verið um árekstra milli menningarheima hérna á hjara veraldar. En um daginn gistu ferðamenn á hótelinu sem höfðu aðgang að eldhúsaðstöðu í byggingu nokkurri sem hefur ekki verið í notkun um nokkurt skeið.
Um kveldið komu hinir erlendu leiðsögumenn hópsins og kvörtuðu yfir því að þeir væru látnir elda mat og næra sig í hinu versta krakkbæli. Þegar drengurinn í afgreiðslunni spurði hvers vegna þeir teldu svo vera sögðu þeir að gólfin væru skítug og þeir hefðu fundið heróínsprautu.
Morguninn eftir var Spámaðurinn í afgreiðslunni þegar leiðsögumennirnir komu öskureiðir og lýstu því yfir að þetta sveitahótel í þingeyjarsýslu ætti við alvarlegt eiturlyfjavandamál að stríða. Þeir hefðu fundið aðra sprautu á gólfinu og gestirnir lifðu í stöðugum ótta við geðtruflaða eiturfíkla. Þegar Spámaðurinn bað um að fá að berja neyslutólin augum kom annar leiðsögumannanna með plastpoka sem hann hélt á með tveimur fingrum og viðbjóðsgrettu á andliti.
Spámaðurinn skoðaði gripinn og áttaði sig fljótlega á misskilningnum sem þarna var á ferð. Jú, sprauta var þetta...Og vissulega var þetta sprauta ætluð til þess að dæla ávanabindandi efnum í titrandi hold fíkilsins.
Útlendu leiðsögumennirnir horfðu á Spámanninn með vantrúarsvip líkt og hann væri lélegasti lygari í heimi um leið og hann byrjaði að reyna að útskýra fyrir þeim hinn norðlenska sið að troða tóbaksköggli í sprautu og sprauta honum svo undir vörina á sér... Hann var ekki búinn að segja nema tvær setningar þegar annar leiðsögumannanna hreytti í hann: "Tobacco? I don't think so!". Og svo stormuðu þeir á braut.

Spámaðurinn hefur notað frítíma sinn að miklu leiti til ferðalaga og verið á flakki um sveitina. Þegar Spámanninn þyrstir í siðmenningu heldur hann til akureyrar (Spámaðurinn tekur því sem er í boði), en þegar hann þyrstir í brennivín fer hann í ÁTVR/fatahreinsun á Húsavík. Annars fyrirfinnast helstu verksummerki siðmenningar í þorpinu í kring um hótelið og starfsmenn svala þorsta sínum í flatbökur, auðvalds-kóla, bjór kaffi og morgunblöð í versluninni "Laugasel" (sem Spámaðurinn mælir hiklaust með).
Þegar Spámaðurinn er latur situr hann hinsvegar í grasinu við tjörnina og les...Sem er ósköp ljúft. Enda hefur Spámaðurinn torgað gríðarlegum fjölda bóka í sumar...

2005-07-12T23:25:00.000-07:00

"Það man hún fólkvíg
fyrst í heimi,
er Gullveigu
geirum studdu"

Góðann dag.
Hótelið sem er vinnustaður Spámannsins er milli fjalls og ár. Yfir ána liggur brú... Handan hennar liggur siðmenning. Eina leiðin að og frá hótelinu er yfir hana. Dag hvern kjagar Spámaðurinn yfir brúna til þess að fá sér kaffibolla á kaffihúsi/bensínstöð/kjörbúð staðarins... Kvikindi nokkurt hefur tekið sér bólfestu á brúnni og gerir sitt besta til að koma í veg fyrir að Spámaðurinn geti fengið kaffibollann sinn.
Á fræðimáli heitir illfyglið "Sterna Paradisea". Spámaðurinn sér ekki nokkurn skapaðann hlut í Kríunni sem hann getur tengt við "paradís". Sérstaklega ekki þegar hann er á harðahlaupum undan organdi fjaðrakústi sem reynir að gogga í hausinn á honum.
Að öllum líkindum hefur skepnan verpt undir brúnni.
Vinnufélagi Spámannsins varð vitni að því þegar umræddur fugl goggaði í höfuðið á öldruðum túrista sem var að rölta yfir brúna. Gamlinginn öskraði á frönsku að fuglinum og henti grjóti, en missti greinilega marks, því í dag var fuglinn í fullu fjöri á sínum stað eins og venjulega þegar Spámaðurinn ætlaði að fá sér kaffibollann sinn.
Íslensk náttúra getur verið varasöm.

2005-07-08T16:48:00.000-07:00

"Deyr fé,
deyja frændur,
deyr sjálfur ið sama.
Eg veit einn
að aldrei deyr:
dómur um dauðan hvern."

Ef Ísland væri búkur væri Spámaðurinn núna staddur á rassgatsbarminum...
Stálskrímsli innbyrti Spámanninn í Reykjadal. Skrímslið hoppaði svo og skoppaði með Spámanninn ásamt öðrum mannabeinum í maganum áleiðis í austurátt. Dvölin í maga skrímslisins var Spámanninum erfið, þrátt fyrir fagurt útsýni úr glærum síðum dýrsins. Hin mannabeinin lyktuðu af þýskum svita og prímuselduðum pakkanúðlum auk þess sem reykingar eru bannaðar í belg dýrsins. Eftir hálfhring um landið, yfir brýr og utan í fjallshlíðum, spýtti skrímslið svo Spámanninum út úr sér á austurlandi.

Spámanninum er reyndar hálf órótt hérna þegar hann fer út á kaffihúsin eða barina, því síðasta sumar fór hann í fylleríi að skálda (ásamt nokkrum ferðafélögum sínum). Lókallinn sem var á barnum það kvöld heldur að Spámaðurinn hafi setið inni á litla hrauni fyrir margskonar glæpi (útlendur ferðafélagi Spámannsins var kynntur fyrir öræfingunum sem spænski tengiliðurinn "Hosé Carreras", hluti af "tenóramafíunni" alræmdu). Þetta þótti innfæddum tilkomumeira en glerperlur og speglar, og demdu á Spámanninn og félaga hans allskonar spurningum varðandi lífið í tugthúsinu (hvernig er svo maturinn þarna?).
Því er Spámanninum varla vært hér...Einhvern daginn mun einhver öræfinganna benda á Spámanninn og segja: "Þú ert ekkert nema lygalaupur" og svo mun hópur stæltra öræfinga ganga af honum dauðum...En það hefur ekki gerst ennþá, og Spámaðurinn á pantað far til mývatns á vængjum stálfugls á morgun. Því mun þessi tiltekni staður á austurlandi sennilega ekki ganga á vegum hins helga safnaðar Rassgathole á næstunni, þar sem innfæddir halda að hér sé ekki á ferð Fjárhirðir Mannkindar, heldur forhertur síbrotamaður.

Á morgun snýr Spámaðurinn svo aftur til vinnu sinnar. Dagar líknar og hjúkrunar eru taldir. Fyrirtækið sem Spámaðurinn starfar fyrir er saurugur kolkrabbi sem hýsir starfsfólk sitt í asbestfóðruðum rottuholum og leðurklæddir djöflar í yfirmannslíki lemja bersyndugar sálir með svipum og keðjum milli þess sem þeir spyrja spurninga á borð við: "Hvernig finnst ykkur að við getum bætt starfsandann?".

Þrátt fyrir það líður Spámanninum vel...

2005-06-11T03:21:00.000-07:00

Inn vari gestur
er til verðar kemur
þunnu hljóði þegir,
eyrum hlýðir,
en augum skoðar.

Góðann dag.
Málpípa almættisins er núna virkur þáttakandi í ferðamannaiðnaði Íslands. Hann dvelur í afskekktu bakvatnsplássi þar sem að menn lifa á sauðkindinni og innfluttu ferðamannakjöti. Innfæddir eru sérstakir. Þetta framandi fólk setur kokteilsósu á pylsurnar sínar (auk þess að setja sinnepið undir pylsuna, sem er í hæsta máta villimannlegt), les fréttablöð sem Spámaðurinn hefur aldrei séð áður og setur franskar ofan á hamborgarana sína. Spámaðurinn veit ekki íbúafjöldann hérna, en hann giskar á að hann slagi eitthvað upp í íbúafjölda litlu götunnar sem hann býr við í norðurmýrinni (eða hugsanlega: Íbúafjölda klambratúns).
Innfæddir virðast hafa þróað með sér gríðarlegt þol gagnvart harðri fitu. Í nýafstaðinni kaupstaðarferð bað innfæddur vinnufélagi Spámannsins til dæmis um "djúpsteikta, beikonvafða pylsu með frönskum (sem fara oní pylsubrauðið), steiktum og tómatsósu (og einhvers konar ostasósu)" án þess að blikna. Þegar maðurinn beit í "pylsuna" gaf hún frá sér brothljóð líkt og þegar grjóti er kastað í gegnum rúðu.
Malbikseðli Spámannsins leynir sér því ekki þar sem hann stendur inni í söluturnum stóreygur við matseðlana og veltir fyrir sér, á grautlinri malartungu, hvers vegna menn setja franskar á hamborgara. Í gegnum nokkra innfædda vinnufélaga sína hefur spámaðurinn lært að innfæddir nota líka ýmis orð yfir fólk eins og Spámanninn sem aldrei hefur migið á saltann hrút á borð við "Malbikshnoðri" og "Eymingi" (en þar sem íbúarnir eru of fáir til þess að geta lagt Spámanninn í einelti kippir hann sér ekkert upp við það).

Spámanninum líður vel á hjara veraldar, þar sem fuglar í hundraðatali tísta á trjágreinum og sauðkindin virðist hafa kastað af sér oki mannfólksins og ráfar um frjáls án hafta.
Auk þess er staðurinn mjög athyglisverður, Spámaðurinn hefur oft talað um Hafnarfjörðinn sem stað þar sem fólk stendur í stað, en nú er hann á stað þar sem tíminn stendur raunverulega í stað. Það er t.d. ekki óalgengt að mæta fornbílum á vegunum í kring. Eitt besta dæmið er sennilega brunabíll svæðisins, en hann myndi sóma sér vel á Árbæjarsafni. Byggingarnar eru flestar óbreyttar frá því uþb 1920 til 1930 og ein af byggingunum sem ætluð er starfsfólki glímir við vandamál sem Spámaðurinn hélt að hefði verið leyst fyrir mörgum áratugum: Asbest (hús sem enskumælandi starfsfólk hótelsins nefnir gjarna í daglegu tali: "Asbestos shithole").

2005-06-02T01:24:00.000-07:00

2005-05-24T21:03:00.000-07:00

.-.....-.-.- ----... ...-.---....-.--..-- .-. --.----..-..-.-. -.--.---.-.......- .- ..-...- --..-.-...-...- --..---.-.-...-...-.-.....---.-.-....-.-.- ....-- -....-..... .......---...-.-...-....-.-.--..-- ....---.-.-. ..-. .-..---..-.-..--..-- --.-.....-. ..-.-. ...-.. ----... ......-...-.-.-.-

.....---.-...--. .....---.-...--. --. ..-. ..-..-...-..-.-. -----.-....-.-.-.-.-.-

...---... .-..-......--..--....---.-... ....-.--.-..-.-. ... --. --.--.-... -----. --... ...----.--..--. ....-.-.----.-.-.-....-.-.- .--.- ..-. ...-.-...--....-.---.-...-.-. .-..-......--..--....---.-... ...----.--..--. .-.-...-.....-. ..-..-. -...---.-... ...----.--..--. -.-----...-.-. -----. -....-.-. ..-.-.--.-....- ...----.--..--. ...-.-...--....-.---.-...-.-. ....-.--.-..-.-. --. ...-.-...--... ...-...- ...-.... -----. ...-.-...--....-.---.-..-.-. ...--..- .- --...-..- ...----.--..--. .-.-----..-.-.-..-.-. ...-.---.-...- ..-..-. -...---.-... ...----.--..--. ...--...-.-. ..-.---.-..-.. --.-.-. ...----.--..--. .-..-......--..--....---.-... ...-.-...-.-....-.--..- ...----.--..--.

-.... -...----.-!

....--.--.--.-...-...--- ..-...-.-....- --.---.-..- .- -.----.- .-.-..--. ...-.-..-.---.-.-..- ....---...-.-...--.-.----.- -...-.. ....... .- -.--- .....--. .-..-..-..-.-...--- -...-.--.-..--..---..--- --...-....-......-..---.- ........-.-... .-..-.. .-.-...-.--.-..--..---..----..-.-.........-.... ...----.--..--. -----.-....-.-..-.-. ..-. .-...-..-...-...-. .-...-....--- ...-.--.-...---.-....--- .......--.....-.... ...----.--..--. -....-.-... .-...-..-...-. ..-. --.-.-...--.----..-...-. -----. ...-.--.--.-. ...----.--..--. -....-.-... .-...-..-...-. .-. .-..-...-.....-.-..-.. -.---.--.... ...----.--..--. ......-. .-.-...--..-...--..- .-...-..-...-. ...----.--..--.

.-.--...-. -....-.-....-. ...-.-...-...--...-----..-- .-.--...-. ...---..-. ...-.-...-...--...-----..-- .-.--.-..-.- --..-...--.-....-.-.-...-.-...--.- ...---.. -.-.---.-..-.-..... .........--.-..-..-.--. ....-- ....--....-. ....--.--.-..-.-...-.-. ..-. ...-.-----....-.-. .-.-.-.-.-.-.-.-.- ---.....-..-....- ---.....-..-....- ----....--..-- .....-.-..- ..-. .-...-.... -.----.-...- ...-.. -.-.- .....-.---..--.-..-.-.---... ....---.-....-..--.-. -----.-....-.-.--.-. ...----.--..--. ...-.--....-.-...-.-. ....-- ...-.-.-..-.. -----.-..- .---..-.-.-.--..- ...-.. -.------..- ..-.-...-.-..-...-..---..-- ...-.--....-.-...-.-. ....-- ....-.-.... ...-.-...-...--...--- -...-.. ......-...--...---.-.--..-.-...-.-..-.-..-.-.- -----.-....-.-..-.-. ....-- ..-..-...-..---. .-..---..-.-..-...---..-- ...-....-...--...-.-. -----. .....--..-..--.-.... --...-...-.... .-..---..-.--..-.-.-.-.- -----.-....-.-..-.-. ....-- .....-..- ...-..-.-.-...-.-.....-.-.. -.--..-....-. .....-.---..--- ....---...-.-.-...-.... -----. ......-...--- ...-.-...-....--..- ....-...--.-.....--....--- .....-..--.-... -----.-.-.....-.....-.-.- -----.-....-.-..-.-. ....-- -....---.-.-.--..- .......-...-.-. --.-.--...- .-....-...-...-.-.-.-.-.-.-.-.-.------. ....-.- .......-..-..---.- ....--..-..-.--..---..--..- ..-.-..-.-. .--.-..-.-..-... -......-.- ...-.-------.-.-.-.- .....-- ..- ......---- -...-...-----.- ....--.--.--.-......-.... ...-.--.-. ...-.. .- -.--.-.- ....-.-...- -----. -.--.-.- ---.. ...-.-.-.---..---.-.-.- ....-. ...-.--.-. .-..---..-.-...-.-.-.---.-...-..-.-....-.-.- ..-..-...-. ....--.--.--.-.... .-..-......--..--....---.-... ...-.--.-. .-.-. .-..-.-.-.-.-.- .-. ...-.-...--. ...-.. .- ------..- ...-..-...-.-. -----. ....--- ..--- ...---.-...-.-.- .-..---..-.-...-.-.-.---.. ..-...- ...-...-..-.-..-...-...--..- .-.---....-.-...--..- ......-.-..--..-- -----. ...- --....-.-. ..-. ......... ....---...-.-...--.-.----.. -...-..-..-.-..-.-.- ...-.-... .-.--.-.. --..-.-.-....- ...-.-.-----...-...--..-..- .- ..-. .-..-......--..--....---.-... ....-.- .......-- -...-.. ...-. -....-...-.. --. ....-.-...-.... -----. ---..-...-.......-.-.. ...-..--.--..-.... ..-..-. .--....-.....--.-..--..

-....-.-- --..--. -----.-....-.-..-.-. .-.....- -. -....-.-- --..--...- ...-.-...-.-.-..-.-. -..-.--.- ----.--.-..-.-. -...-.. .- -.--- ----.--.-..-.-. -.....-..-.-.-.-- -----. -----.-..... ......---- .- .-. ...-.-...-...---.. ----.--.-..-.-. ..-.--..--..-.......- ...-.-...-.-...-.-..-.-. -..-..--..-...-

.-.-.....-. ..-..-.....-....--.-..-.-. -...---. ...-..-..- ..-.--..--......-..-....---.-. -..---..- .-.-..-...-.-...-.-..-.-. ...----.--..--. ..-.-.--.-....-..- ---.-...-. ....-- ...----.-...- ....-.-.. ...-.-...-. ...-.--....-.-.-...--- ....-- ..-.-...----..-.-.-....-. -.-..-....- .......-....-...- ---.-...--- .--.-...--.-..- .- ....-.---...

.--.....-- .....--.... --.----.. .--.-.---..---.....-..--..!

..-.-...-.-..- .-..- -. .- ...-..-..- ......-----..- .--.-.....-.-----.. .....-.-...-...-.......-...--...--..

2005-05-19T17:28:00.000-07:00

"Hér höfum fellt
til foldar
tírarlausa
tólf berserki."

Gott kvöld.

Líf Spámannsins hefur verið frekar undarlegt þessa dagana. Milli þess að hlaupa á milli sýningarsala og verða vitni að upphafningu mannsandans teygar Spámaðurinn brennivín af stút eða kaffi beint úr könnunni... Blankheit herja á, og síðustu þrjá daga hefur Spámaðurinn borðað ristaðar beyglur með smjéri og malakoffi í kvöldmat. Malakoff er einfaldlegasta besta álegg í heimi. Hvað gerir malakoff svona einstakt? Hvers vegna er malakoff svarið?
Svarið er margþætt. Malakoff er einfaldlegasta laaaaangflottasta nafn sem nokkurt brauðálegg hefur nokkurntíma borið. Það hljómar undarlega þýskt (eins og medesterpylsa) en gæti þó verið danskt, auk þess er til lag um einhvern sem bar nafnið Malakoff. Í öðru lagi eru fá önnur álegg sem innihalda þrjár dýrategundir! Samkvæmt pakkningunni inniheldur malakoff folaldakjöt, dilkakjöt og grísakjöt (ásamt öðrum vinum okkar úr plönturíkinu á borð við kartöflumjöl). Folald, grís og kind eru öllsömul pressuð í þetta fölbleika, gómsæta, hvítblettótta, hringlaga form af hnossgæti.
Þó verður að segjast að fölbleik fjöldýrakjötvara sem ber nafn manns sem er þekktastur fyrir að hafa mælt orðin "ég á sjálfur mitt lík" er undarlegur húmor (og jafnvel ennþá undarlegri ef það heitir eftir sænskum barnaskóla sem ber sama nafn, að við tölum ekki um orrustuvöllinn við Malakoff). Læknarnir vildu kryfja Þórð Malakoff, flá hann og skera hræið upp.
Og lærdómurinn?

"Af þessu læknir læra má ...
að kryfja aldrei kvikan ná. ...

Loff Malakoff..."

2005-05-08T17:54:00.000-07:00

"Sal sér hún standa
sólu fegra,
gulli þaktan
á Gimlé.
Þar skulu dyggvar
dróttir byggja
og um aldurdaga
yndis njóta."

Gott kvöld.
Spámaðurinn er enn í rússi eftir gærdaginn. Mannfjöldinn hyllti Málpípu Himnanna í musteri sköpunarinnar í gær og jós hann hóli og blómum... Lækningin við krabbameini og hungursneyð er fundin. Guðdómurinn er öllum til sýnis sem kæra sig um að meðtaka hann. Eftir að hafa staðið til sýnis (aðallega úti í garði að reykja sígarettur og vera menningarlegur) og troðið í sig asískum kræsingum af besta tagi tók svo við darraðadans óeðlis og subbuskaps. Eftir þessa orgíu fagurra lista þar sem etið var af hlaðborði allsnægtar og sopið úr spena Auðhumlu liggur Spámaðurinn í valnum í dag, ófær um jafnvel hinar einföldustu hversdagsathafnir. Keimur kræsinganna og mjaðarins situr eftir í munni spámannsins en bragðast nú, daginn eftir, eins og rauðspritt og fótur holdsveiks manns. En það er vægt gjald fyrir mikilfengleik gærdagsins.

2005-05-02T08:22:00.000-07:00

Í dag innganga er skrifaður í Englendingar tungumál og þýða inn í íslenska tungumál við a þýðing vél á the vefur. Hvaða a veröld við lifandi í. Tungumál hefur been útrýma með vél.

Allur við þörf er a tölva og a hluti af vír og við ert losa við hindrun the veröld í okkar vegur.Nú ÉG skrifa í Englendingar , og enn the öflugur vél þýða allt inn í íslenska tungumál. Við geta lesa bók á a gler ferningur án alltaf innkaup the bók , við geta jafnvel hafa kynlíf í gegnum a hluti af vír og a gler ferningur. The máttur þessi við hafa been er guðdómlegur the veröld er okkar ostra , við vilja allur lifandi í a þessi frægur Zager &Evens söngur í the ár 2525 ef maður er enn lifandi og svo á. Margir fólk vilja glotta háðslega á this og segja þessi the guðdómlegur máttur aldrei fyrirhugaður fyrir okkur til hafa kynlíf í gegnum bits af vír og gler ferningur. En til this the spámaður stjórnvitringur : " ríða þessi , við ert vara af náttúran! Ef við vilja til skrifa í Englendingar tungumál og þýða það inn í íslenska og þá hnúður hvor annan í gegnum lengd af vír , þessi er fullkomlega náttúrulegur".
The mótmæla af the heiðingi bylta á heyrnarlaus í kallfæri. The Spámaður hefur neitun tími til hafa áhyggjur óður í fólk hver dragast aftur úr og væla yfir the framfarir af nútímamaður sinnum. neitun Nú er the tími fyrir the framfarir the tímabil af fræðsla er á okkur the spámaður leiða óákveðinn greinir í ensku her af framfarasinni trúarlegur ofstækismaður í gegnum the mýri af örvænting og inn í a nýr tímabil af nútímamaður sinnum , vél , vélmenni og flug bílveikur!

Nú það er tími til þagna the hlekkur af gamaldags setja fram kenningu og hugmynd! Nú er the ár 2000, við hafa the vélmenni , við hafa vél og nú skynsamlegur vélfærafræði einræði ert á okkur!
Tengja the herganga fjöldinn af byltingarkenndur óbreyttur borgari á a leit fyrir vitneskja , fræðsla og leiða við the spámaður! Fleygja af sér the hlekkur af medieval þrælkun! Verða a vélmenni í dag! Þiggja breyting! Tengja the söfnuður af Rassgathole!
Hafa kynlíf með hvor annan í gegnum the öflugur vél heili! Tegund í Englendingar og þýða það inn í annar tungumál! The vél ert greindur svo við don't verða að vera. The Vefur er the vegur! Slátra the vantrúaður hjörð af gamaldags lausaleiksbarn! Skera þá til lítill stykki með vélfærafræði hnífur blað! Setja þá á eldur með vélfærafræði eldur andardráttur! Stappa the ótrúr aftur á bak fólk!

Velkominn til the nýr einræði af the vél minn bróðir frá annar móðir!
Langur lifandi vélmenni! Heill okkar vélfærafræði sigurvegari!

**This dagbók trjábolur hefur been þýða frá Englendingar tungumál til íslenska með the þýðandi á http://www.tranexp.com:2000/Translate/result.shtml

2005-05-01T17:31:00.000-07:00

"Fram, þjáðir menn í þúsund löndum,
sem þekkið skortsins glímutök!
Nú bárur frelsis brotna á ströndum,
boða kúgun ragnarök.
Fúnar stoðir burtu vér brjótum!
Bræður! Fylkjum liði í dag"

Spámaðurinn reis upp gegn auðvaldinu í tvær mínútur í dag og hélt svo áfram sínu daglega lífi. Annars líða dagarnir hratt núna. Lítið er um guðdómleik Rassgatholusarguðspjalla vegna annríkis.
Spámaðurinn hefur ákveðið að heimsækja útlönd í lok sumars, en hvert er enn óráðið. Spámanninn langar dálítið til að heimsækja Finnland, en hann á félaga í Espo sem hann hefur ekki hitt lengi. Félaginn er orðinn kjarnorkuvísindamaður með gráður í kjarnorkuvísindum frá stærstu og mestu háskólum Finnlands. Þrátt fyrir það verður þessi tiltekni kjarnorkuvísindamaður alltaf strákurinn sem í ölæði gerði gat á sjónvarp á hótelhergi og fyllti það af heinz spaghettíi úr dós og krotaði á allt sem fyrir varð.
Finnland er nokkurnveginn lokuð bók fyrir Spámanninum og til að reyna að kynna sér menningu þeirra og siði hefur Spámaðurinn verið að hlusta aðeins á tónlist eftir Finnska rapparann "Seremoniamestari Laveerre" (seremoniamestari stendur víst fyrir MC)...Eftir þá reynslu hefur Spámaðurinn áttað sig á því að hann muni sennilega alltaf vera málleysingi í Finnlandi. Hann kann aðeins tvö orð í Finnsku, sem hann lærði af Finnsku félögunum en þau eru "vittu" og "homo" (vittu þýðir "helvítis" og "homo" útskýrir sig nokkurnveginn sjálft). Laveerre er samt bráðskemmtilegur tónlistarmaður, milli hljóða á borð við skothvelli, kjökrandi börn og endalausra sampla af "nigga fökk sjitt" koma langlokur á Finnsku sem eru hin ágætasta skemmtun (með einstaka "vittu" eða "homo" skotið inn í). Spámaðurinn þekkir annars ekki mikið til Finnskrar menningar, hann man til þess að hafa horft á "L.A. without a map" og hafa einhverntímann smakkað mjöð sem bar nafn hljómsveitarinnar "Leningrad Cowboys". Svo hefur Spámaðurinn einhverntíma verið í partíi þar sem allir nema hann voru finnar og Spámanninum virðist sem félagslíf þeirra byggist á drykkjudauða og tjáskiptum sem byggjast á einhversskonar hugsanaflutningi. Allir supu þegjandi og enginn æsti sig, ekki einu sinni þegar einn þeirra tók upp á því að míga í stofunni. Kvöldið endaði svo með því að Spámaðurinn sat einn, lepjandi öl innan um meðvitundarlausa útlendingana sem allir höfðu orðið óminnishegranum að bráð.

Senn líður að stórri sýningu sem inniheldur ódauðlegu, epísku himnafestinguna sem mun lækna krabbamein og eyða hungri almúgans. Safnið gefur stjörnunum frítt kaffi sem hefur frekar neikvæð áhrif á afköst Spámannsins, en á endanum mun allt hafast. Himinn mun klofna og himneskar dúfur munu flögra með ólífugreinar í goggi niður til allra dauðlegra manna.

2005-04-22T10:54:00.000-07:00

"Vort líf er grasgarðs ganga rétt.
Gröfin er öllum takmark sett.
Syndugra leið ei leik þér að.
Lendir hún víst í kvalastað."

Gleðilegt sumar.
Vorboðinn í götu Spámannsins er komin. Það er göldrótt kerling sem er gædd þeim skrítna eiginleika að standa alltaf í sömu sporum í garðinum sínum dag eftir dag af góðri ástæðu. Hún stendur sumsé alltaf á nákvæmlega sama stað. Hún er samt alltaf að gera eitthvað sem virðist vera góð ástæða fyrir því að standa þarna. Hún á risastórann garð, en stendur alltaf á sama stað að dútla. Einn daginn er hún með arfa í fötu, annan dag er hún með slöngu að vökva, eða að toga svarta ruslapoka af rúllu...osfrv. Ætli það sé hægt að "feika" sig svona í gegn um lífið? Að þykjast vera á einhverjum stað af góðri ástæðu frá vöggu til grafar? Að standa í garðinum í sömu sporum, uppfullur af stóískri ró og vera engum til ama?
Spámaðurinn fagnaði vorinu með því að saurga líkama sinn og sálu að aðfaranótt sumardagsins fyrsta. Í kjölfarið hófst sumarið með timburmönnum sem Spámaðurinn myndi ekki óska versta óvini sínum, með tilheyrandi höfuðverk, flekkuðu mannorði, tómu veski og nístandi samviskubiti... Álfar, tröll, skessur, blómálfar og önnur heiðin afkvæmi Satans sprönguðu um öldurhús syndanna þessa fyrstu sumarnótt og böðuðu sig í flaumi vínanda, uppgangs og sígarettustubba.

Annars líður senn að því að Spámaðurinn yfirgefi mengunina, glæpina og klíkustríðin í borginni og haldi til vinnu úti í sveit...Merki hans er stál og hnífur. Mjólk úr spena, berar álfkonur, lömb í haga og frussandi fjallafossar bíða hans í faðmi móður náttúru. Spámaðurinn ætlar að eyða miklum tíma í að busla í ánni, púa golden uppi á fjallstindum og dansa allsber á engjum. Reyndar hefur Spámaðurinn nokkuð vafasama reynslu af slíku, en hann kom eitt sinn ansi nærri því að tapa líftórunni þegar hann var allsber að fökkast í móður náttúru. Þannig var mál með vexti að Spámaðurinn ferðaðist eitt sinn til spánskrar eyju (mæjorka) með nokkrum spænskum félögum sínum. Hópurinn hélt út á yfirgefna strönd fjarri allri byggð þar sem var tjaldað og kveiktur varðeldur. Spánverjarnir voru miklir hippar. Spámaðurinn og nokkrir aðrir Spánverjar voru nokkuð við skál þegar einn Spánverjinn manar alla til þess að stinga sér til sunds án klæða... Spámaðurinn svamlaði með Spánverjunum aðeins út frá ströndu og tróð þar marvaða með þeim í sjónum. Svo ákveður Spámaðurinn að synda smá hring. Spámaðurinn, gersneyddur skynsemi, ákveður að synda aðeins lengra og gleymir sér. Skyndilega áttar Spámaðurinn sig á því hversu mikil vandræði hann er kominn í og hann verður órólegur. Það er kolniðamyrkur og hann sér ekki til lands og heyrir ekki í neinum...Auk þess veit hann ekki í hvaða átt landið er. Áttu þetta að verða örlög hans? Að drukkna kviknakinn í miðjarðarhafinu um hánótt? Yrði klæðalaus líkami hans dreginn úr sjónum að morgni eins og feitur fiskur? Spámaðurinn tróð marvaða í sjónum um stund og velti fyrir sér valmöguleikum sínum... Krakkarnir með honum voru háværir, og fyrst ekki heyrðist til þeirra hlaut hann að vera ansi langt í burtu frá öllum. Hann tók á endanum þá ákvörðun að synda í þá átt sem hann minnti að ströndin væri í... Hann minntist sagna af hafmeyjum, kolkröbbum, marglyttum og öðrum ófétum sem væru án efa æst í að sökkva tönnum sínum í mjúkt og næringarríkt Spámannshold. Eftir nokkra stund sá hann móta fyrir landi, en þegar hann tók land áttaði hann sig á því að hann hafði tekið vitlausa stefnu og hann væri langt frá vinum sínum, fötum sínum og allri siðmenningu. Hann vildi ekki aftur í sjóinn svo hann paufaðist í myrkrinu eftir skógi vaxinni ströndinni í heila eilífð, allsber, hundblautur, hálfdrukkinn og þreyttur í áttina að varðeldinum sem hann sá í fjarska.

2005-04-13T15:12:00.000-07:00

"Ó, þér unglinga fjöld
og Íslands fullorðnu synir!
Svona er feðranna frægð
fallin í gleymsku og dá!"

Gott kvöld.
Spámanninum er orðið ljóst að hið illa svífst einskis í baráttunni við ljósið. Kölski hefur hreðjatak á tollstjóra og liggur í augum uppi að tollararnir eru allir skósveinar Satans sjálfs sem spinna djöfullega lygavefi og brugga launráð til þess ætluð að fá Frelsara Mannkindar® til að ganga af göflunum.
Eins og áður hefur komið fram í Rassgatholusarguðspjalli heldur Spámaðurinn sér gangandi á tveimur hugvíkkandi ofskynjunarlyfjum: Melrose og Golden. Sökum þess að vér búum á skítaskeri hefur Golden verið ófáanlegt á landinu í meira en mánuð (sending föst í tollinum af einhverjum ástæðum). Spámaðurinn notaði Drum sem hækju á meðan hallærið gekk yfir. Adam var ekki lengi í paradís, því innan skamms var drum einnig með öllu ófáanlegt á landinu. Þá brá Spámaðurinn á það ráð að endurvekja gamlann Brusselskan ávana og byrjaði að púa Gauloises þess í stað (sem er ljótur, ljótur ljótur ávani sem veldur gulum fingrum og ullabjakkhósta, auk þess sem að Spámaðurinn hefur óljósan grun um að langvarandi neysla breyti neytandanum hægt og sígandi í frakka)... Og það var eins og við manninn mælt: Innan skamms var vara þessi líka ófáanleg í öllum verslunum. Við þessi tíðindi hóf Boðberi Fagnarðarerindisins ásjónu sína til himnins og mælti "Faðir! Hví hefur þú yfirgefið oss?". Spámaðurinn er nú að íhuga mótmælareykbindindi (sjáum hvernig ríkinu reyðir af þegar Spámaðurinn hættir að dæla námslánunum sínum í kóng og prest, ha!!!).

En nóg um sérþarfir Spámannsins... Það er frekar tíðindalaust á vígstöðvunum í norðurmýrinni. Spámaðurinn hamast við að smíða guðdómlega karmahjólið sem mun samræna lífstón alheimsins á útskriftarsýningunni miklu.
Börn gengu um norðurmýrina í dag að reyna að selja epíska myndlist. Tvö stúlkubörn kölluðu á eftir Spámanninum þegar hann yfirgaf íbúð sína í dag. Önnur þeirra hélt á risavaxinni eftirprentun af málverki af naktri konu í ramma og spurði: "Viltu kaupa málverk á þrjúhundruð kall?". Spámaðurinn svaraði: "Vinir mínir myndu stríða mér ef ég færi að hengja myndir af allsberum konum upp á veggina hjá mér". Þær voru greinilega vanar sölumennsku auk þess að vera vel að sér í hinum fögru listum: "En þetta er ekki svoleiðis, þetta er list"..."Þetta er eftir einhvern Goya" bætti hin stelpan svo við eftir smá þögn. "Er hann frægur?" spurði Spámaðurinn. "Já Rosalega" svaraði barnið á innsoginu. Spámaðurinn afþakkaði og gekk eftir gunnarsbrautinni. Hann velti fyrir sér hvort hann hafi látið einstakt tækifæri til að verða sér úti um orginal eftir Goya renna sér úr greipum...?

2005-04-09T11:34:00.000-07:00

"Dulsa konr
eftir dvergi hljóp,
og salbjartr
þeirra Sökmímis
jötunbyggðr
við jöfri gein."

Gott kvöld.
Spámaðurinn hélt í fjörðinn hýra í dag. Spámaðurinn fór og drakk kaffi í hinni fyrrverandi alræmdu svallbúllu sem forðum bar nafnið "kaffi fjörður" en ber núna eitthvert nýaldarlegt kaffimaníunafn á borð við "kaffi sólskin". Eftir þá reynslu varð Spámaðurinn hálf svartsýnn og fúll... Kaffi Fjörður var alvöru ógeðisbúlla. Þarna drakk Spámaðurinn gjarna kaffibolla á morgnana áður en hann hélt í gulu kjötfutningsvagnana sem báru hann í breiðholtið til að súpa af vísdómsbrunninum sem FB er og var. Kaffið bragðaðist alltaf eins og uppgangur, súr bjórþefur og hljóðin sem fylgja smápeningaáti spilavíta rauða krossins fylltu loftin á meðan kófdrukknir sjómenn rákust utan í borð og bölvuðu þjóðfélaginu. Í dag er staðurinn snyrtilegur, allt er rjómalitt og glansandi og þéttsetið af fjallmyndarlegum ungum mönnum með tögl í hárinu, sem hræra með hálfum hug í latté bollunum sínum á meðan konur koma við á leið heim úr jógatímunum sínum til að púa caprí og drekka koffínlausa sojaexpressóa með valhneturjóma. Moby og Enya trylla lýðinn í stað Bubba ("aldrei fór ég suður" virtist af einhverjum ástæðum vera á endalausri lúppu þarna í gamla daga)og í stað hins úrilla starfsfólks með þreytuleg augnaráð þeirra sem hafa séð *allt* er komið snyrtilegt starfsfólk með þjónustulund sem skrúbbar borðin og skreytir kökur.
Nú er ekki svo að skilja að Spámanninum líði neitt betur innan um skorpulifrarsjúklinga og spilafíkla...Alls ekki. Slíkt gæti ekki verið fjær sannleikanum. En það má deila um hvor kúnnahópurinn er skuggalegri. Ætli svona "fegranir" séu ekki orðnar hluti af daglegu lífi okkar. Hafnarfjörðurinn hefur alltaf verið cutting-edge: Brátt verðum við öll steypt í eitt mót. Holl, kaloríulaus, koffínlaus, reyklaus, græskulaus, grunlaus... Spámaðurinn vonar bara að enginn stígi á taglið hans meðan hann liggur á jógamottunni.

2005-04-04T11:06:00.000-07:00

"Brá eg úr slíðrum
skálm nýbrýndri,
þeirri lét eg Mávi
á maga hvotað."

Gott kvöld.
Spámaðurinn er hinn fullkomni nágranni: Lágvær, reglusamur, tillitsamur og fagur á að líta...Þangað til í dag.
Norðurmýrin lék á reiðiskjálfi í morgun. Íbúar efri hæða hússins hafa eflaust vaknað við herlegheitin. Þannig var mál með vexti að Spámaðurinn hélt fyrirlestur í morgun og óttaðist að vakna ekki á réttum tíma í morgun sökum andvöku og þreytu, svo Spámaðurinn notaði hvert einasta trix sem hann kann til þess að vera alveg handviss um að vakna. Spámaðurinn svaf sumsé á stofusófanum í stað þess að sofa í bælinu eins og venjulega (maður vaknar frekar ef maður sefur á stað sem maður er ekki vanur að sofa). Á slaginu hálf átta hóf vekjaraklukkukór upp háværa raust sína (3 vekjaraklukkur sem var raðað strategískt á sófaborðið), auk þess vældi farsími Spámannsins (sem Spámaðurinn setti ofan í tómt glas til þess að titringurinn yrði sem háværastur) og heimasími, og svo ruddust ómþýðir tónar (Duke Ellington&félagar: "In The Mood" mjög hátt stillt) út úr hljómflutningstæki Spámannsins... En hvað fór úrskeiðis?
Spámaðurinn vaknaði nokkrum mínútum áður en kórinn rauf hljóðmúrinn. Spámaðurinn þrammaði fáklæddur eftir ganginum á leið inn í eldhús í leit að skyri og öskubakka þegar hávaðinn upphófst, Spámanninum krossbrá og sneri við á ganginum til þess að þagga niður í kórnum...Og gekk á poka fullan af tómum glerflöskum sem var á ganginum eftir teiti helgarinnar. Ef að nágrannarnir vöknuðu ekki við Duke Ellington og síma/klukkukórinn, þá vöknuðu þeir eflaust við þann háværa hvell og glamur sem flöskuglerið gaf frá sér þegar það rakst saman og sprakk í pokanum... Spámaðurinn hrasaði (en með gríðarlegri fótfærni tókst að detta ekki) samt nánast alveg hljóðlaust.

2005-04-03T13:54:00.000-07:00

"Fleygði Óðinn
og í fólk um skaut,
það var enn fólkvíg
fyrst í heimi"

Gott kvöld.
Spámaðurinn hefur legið kjökrandi í fósturstellingunni meirihluta dagsins og hefur aðeins staðið upp einu sinni í dag, til þess að ná sér í ógeð af vafasömustu sort: júmbó pasta "salat" (það var örugglega ananasbiti þarna innan um mæjóið og skinkuna) og lucky strike úr draumnum á rauðarárstígnum...
Tóm drykkjarílát og flöskugler um alla stofu, lykt af súrum sígarettureyk og gömlum bjór smaug inn í vitund Spámannsins þegar hann loksins drattaðist á fætur í morgun.
Broti og broti af sódómískum darraðadansi djöfla og drýsla í miðbænum í nótt skýtur upp í huga Spámannsins öðru hverju. Formælingar og heitstrengingar fylgja í kjölfarið. Mánaðarmótin eru komin, ísskápurinn að springa utan af kræsingum, engin meiri sígarettuskömmtun, engin meiri stærðfræði í huganum áður en ferðast er með strætisvagni, engin "eina með öllu takk" í kvöldmat...Fuglar syngja, blómin ryðjast upp úr moldinni og nakinn Spámaðurinn rúllar sér upp úr morgundögg. Sumsé, það er kóalabjörn að kúka regnboga í heilann á Spámanninum.

2005-03-28T22:52:00.000-08:00

2005-03-27T07:04:00.000-08:00

2005-03-24T10:25:00.000-08:00

"Heill þú farir,
heill þú aptr komir,
heill þú á sinnom sér!"

Spámaðurinn hefur verið að lesa umræður um listamannalaunin og lært ýmislegt. Til dæmis áttaði Spámaðurinn sig ekki á því fyrr en nú að myndlist skal metin eftir því hversu vel hún fer við sófann. Ef að Íslendingur segist vera "menningarlega sinnaður" þýðir það ekki að viðkomandi viti hvar nýlistasafnið er til húsa, heldur að viðkomandi á safn af orkukrystöllum og fæðingarsteinum og hætti að reykja með hjálp jurtaseyðis/heilunarnuddara/stjörnuspekings/munks sem skrifar leyndardóma á hrísgrjón.
Kannski ríkið ætti að breyta um stefnu? Kannski ríkið ætti að hætta að borga eymingjum fyrir að stunda áhugamál sín, rífa þá af spenanum, leggja niður listamannalaunin og láta markaðsöflin ráða. Svo myndum við bíða í örfá ár. Að þeim tíma liðnum gætu flugleiðir svo hafið nýja auglýsingaherferð og auglýst Ísland sem nokkurskonar Árbæjarsafn myndlistarinnar. Ísland yrði nokkurskonar verndarsvæði, "amish-country" myndlistarinnar. Ferðamenn myndu flykkjast hingað til þess að komast í beina snertingu við fortíðina. Túristarnir myndu koma til að skoða fornfáleg vinnubrögð Íslenskra listamanna, skoða myndlist sem er algerlega ómenguð af nútímanum og farið svo aftur heim með fallegt málverk af laxveiðiá eða fjalli í farangrinum.

Annars er fátt fregna af lífi Spámannsins. Líferni Spámannsins er vægast sagt heilsuspillandi þessa dagana sökum fjárflæðis-vandamáls. Það er aðeins vika þar til LÍNspeninn mjólkar en þangað til þarf Spámaðurinn að halda áfram að lifa eins og krummi á öskuhaugum. Spámaðurinn fram á áframhaldandi hrökkbrauðs og tekexát. Matseðill gærdagsins: Pylsa með tómatsósu, kaffi og jógúrtdolla, vafasamur prince albert í sígarettubréfi í eftirrétt. Þegar matvælin hafa svo runnið farveg móður náttúru er notast við skeinipappír sem stolið var af salerni ónefnds skóla...Botninum er náð.
Spámaðurinn þarf að finna sér sykurmömmu.

2005-03-23T04:24:00.000-08:00

"Ær ertu, systir,
og örvita
er þú bræður þínum
biður forskapa."

Epísk myndlist, mennskar hendur vinna að eftiröpun á gangverki alheimsklukkunar og sköpunarverki guðdómleikans, vitringar sem horfa djúphyggnum augum á smíðina meðan þeir vitna í Aristóteles, grunnur alheimsins dreginn í efa, lækningin við krabbameini fundin, stormasamur hugi, rökfræði, þroskasaga gullinsniðsins og brjálað fyllerí.
Þannig var gærdagur Spámannsins.
Í dag: Engir peningar...Ekkert helvítis páskaegg...Örvænting...

Kannski ætti Spámaðurinn að gera eins og meistari Chaplin í myndinni "Gullæðið" og sjóða skóna sína. Reyndar var Chaplin ekki alveg það hardcore...Skórinn var úr lakkrís. Sagan segir að Chaplin hafi aldrei verið ánægður með atriðið fræga, og því þurftu þeir að endurtaka það aftur og aftur. Eftir að hafa étið óteljandi lakkrísskó þurfti að hætta tökum því þeir fengu niðurgang .

2005-03-21T13:02:00.000-08:00

"Sól tér sortna,
sígur fold í mar,
hverfa af himni
heiðar stjörnur.
Geisar eimi
við aldurnara,
leikur hár hiti
við himin sjálfan."

Kvikmyndagagnrýni Rassgathole:
Spámaðurinn vakti fram að morgni að prenta möppuna sína fyrir skólann. Í dag greiddi hann gjald þess sem sefur lítið, keðjureykir og þambar kaffi að nóttu. Spámaðurinn eyddi deginum í hálfgerðu móki og varð lítið úr verki. Hann á að hengja upp verk á sýningu á morgun, en hefur lítið sem ekkert unnið í því í dag.
Þess í stað eyddi hann degi sínum í að horfa á bandarískt fræðsluefni.

Fyrsta myndin sem Spámaðurinn horfði á ber nafnið "Boys Beware", en þar segir valdsmannleg rödd frá ósýnilegum og bráðsmitandi sjúkdómi sem kallast samkynhneigð. Kvikmyndin er í formi dæmisögu og við fylgjumst með smástrák sem verður fyrir barðinu á samkynhneigðarsjúklingi (í þá daga flökkuðu allir hommar um úthverfi og nauðguðu börnum). Á endanum eru nauðgarinn og fórnarlambið gripnir af lögreglunni á hótelherbergi, nauðgarinn er sendur í fangelsi og fórnarlambið fær skilorðsbundinn dóm (því á þessum tíma var samkynhneigð ólögleg hvað sem tautaði og raulaði).

Næsta kvikmynd sem Spámaðurinn horfði á fjallaði um svipaða ógn og samkynhneigð: Kjarnorkusprengjur og geislavirkni. Kvikmyndin "Medical aspects of nuclear radiation" er hugsanlega ein af skemmtilegustu myndum sem Spámaðurinn hefur nokkurntíma horft á. Þegar myndin kom út höfðu menn aðrar hugmyndir um geislavirkni en þær sem er haldið á lofti í dag. Myndin var framleidd af bandaríska flughernum og var ætlað að koma í veg fyrir vænisýki almennings gagnvart geislavirkni. Allt tal um óhollustu kjarnorkusprengja var í þá daga talið vera aumingjalegt uppgjafarhjal. Myndin útskýrir að geislavirkni er ekki jafn hættuleg og vísindamenn og almenningur telja. Skýringarmyndir af mannslíkamanum innihalda litla álfa sem smyrja tannhjól, toga í spotta, ýta á takka osfrv. til að halda líkamanum gangandi.
Einnig er bent á að þó þú missir hárið af völdum geislavirkni sé ekkert að óttast: Á meðan hárið er að vaxa aftur getur þú notast við hárkollu. Og þú þarft ekki að óttast að verða ófrjór sökum geislavirkninnar heldur, því þú verður löngu dauður áður en það gerist. Auk þess er aldrei að vita nema geislavirknin stökkbreyti ófæddum börnunum þínum á *jákvæðann* hátt.

Myndin "Drug Addiction" var bráðskemmtileg, en þar fáum við að sjá maríújanafíkil borða glerbrot og verða háðann heróíni.

Síðasta myndin sem Spámaðurinn horfði á var hin bráðskemmtilega "Shy Guy", sem er dæmisaga. Áhorfandinn lærir hvað þarf að gera til þess að verða vinsæll meðal skólafélaga sinni. Vatnsgreiddur faðir með sígarettu í hönd segir syni sínum að fylgjast vel með því hvernig vinsæla fólkið klæðir sig og hvernig það hegðar sér, og herma svo eftir því (ef Spámaðurinn hefði fengið slík ráð þegar hann var táningur sæti hann líklega á hlemmi með flösku).

Umræddar kvikmyndir má finna hér:

Boys Beware
Medical aspects of nuclear radiation
Drug addiction
Shy guy

2005-03-15T12:16:00.000-08:00

"Þá kemur inn ríki
að regindómi
öflugur ofan,
sá er öllu ræður."

Gott kvöld.

Spámaðurinn fékk í dag endanlega sönnun þess að íþróttaæði, megrunarárátta og hugstjórnargeisli Magnúsar Schevings hafa loks náð að gegnumsýra allar stéttir þjóðfélagsins. Allir virðast vera í "átaki" til að þvinga mörina út um svitaholurnar. Meir að segja dreggjar samfélagsins hafa þungar áhyggjur af vaxtarlagi náúngans.
Í dag var Spámaðurinn var á gangi eftir rauðarárstígnum alræmda til þess að versla sér tóbak þegar að drukkinn róni vatt sér upp að honum. Hann hóf ávarp sitt svona: "Nú er ég sennilega helmingi eldri en þú". "Ætli það ekki" svaraði málpípa almættisins. "En veistu hvað?" spyr afvegleiddi sauðurinn. "Hvað?" Segir Spámaðurinn. Ógæfumaðurinn segir með stolti: "Þegar ég var á aldur við þig var ég sennilega líka helmingi þyngri en þú! Ég var hundrað og tuttugu kíló!". "Vá..." svaraði Spámaðurinn og velti fyrir sér að nú þyrfti ógæfumaðurinn að beita mikilli færni til þess að snúa samræðunum upp í "lán" fyrir kaupum á fljótandi munaðarvöru ætlaðri til baksturs.
"Og veistu hvað ég gerði?" heldur róninn áfram. "Hvað?" spyr Spámaðurinn. "Ég fór í Ármann og æfði fimleika!". "Og hvað svo?" segir Spámaðurinn. "Ég náði af mér þrjátíu kílóum á fjórum mánuðum!". "Vá" segir Spámaðurinn. Róninn hlær og segir "sérðu það fyrir þér? Hundrað og tuttugu kíló í fimleikum!". Spámaðurinn glotti honum til samlætis. "Þú ert ekki jafn feitur og ég var...Þú ættir að fara í íþróttir, það væri ekkert mál fyrir þig" (Eins og áður hefur komið fram í Rassgatholusarguðspjalli er Spámaðurinn nokkuð frjálslega vaxinn). "Ætli það ekki, en fimleikar eru samt ekki hin karlmennskulega íþrótt sem hún var hér forðum daga" mælti Spámaðurinn. "Þú getur fundið þér eitthvað annað" svarar róninn. "Ojú, ætli það ekki" svaraði Spámaðurinn og ákvað að fara ekki að rökræða um heilbrigðann lífstíl við drykkjumanninn. "En heyrðu...Geturðu nokkuð lánað mér tvöhundruðkall fyrir einu glasi?" segir hann. "Jújú" tautaði Spámaðurinn sem var enn að reyna að sjá fyrir sér viðmælanda sinn í fimleikum.

Annars er lítil hætta á því að Spámaðurinn fitni mikið í þessum mánuði þar sem honum tókst að klúðra fjármálum sínum algerlega og því verður fæði hans sennilega langt undir æskilegum kaloríufjölda stríðsfanga í genfarsáttmálanum (Spámaðurinn á samt nóg af mjólk, banönum og 999 pakka af páskaengjaþykkni eftir "verðstríðið").
Spámaðurinn hugsar með hryllingi til komandi tóbaksskorts og frumlegrar eldamennsku sem fylgir blankheitunum.

2005-03-12T18:38:00.000-08:00

"Hugur einn það veit
er býr hjarta nær,
einn er hann sér um sefa.
Öng er sótt verri
hveim snotrum manni
en sér engu að una."

Gott kvöld.
Spámaðurinn hefur átt angurværann dag með vægann hausverk sökum spírítusneyslu í gærkvöldi. Stutt var staldrað við í darraðadansi óeðlis reykjavíkur meðal saurugra drýsla þar sem skemmtiatriði á borð við Bruce Willis aðdáendur í hlýrabolum að lumbra hvor á öðrum stóðu gestum til boða.
Annars hefur líf Spámannsins ekki verið mjög spennandi undanfarið. Það setur einhverja undarlega ókyrrð og leiða að Spámanninum. Þema vikunar er einhver þunglyndisleg naflaskoðun og óróleiki. Kannski vegna þess að nú knýr tímabil breytinga dyra... Spámaðurinn sér nú fyrir endan á þægilegu og áhyggjulausu líferni nemans sem nýtir vökutíma sinn í að súpa á melrose, púa golden og íhuga guðdómleikann. Fyrir ekki svo löngu bjó Spámaðurinn við fullkomið áhyggjuleysi. Spámanninum gat lesið framtíð sína af stundatöflu, ákvarðanir hans miðuðust allar við það... Auk þess bar Spámaðurinn fingurgull og þurft aldrei að leiða hugann að rugli eins og leitinni að lífsförunaut.
Í ölsmurðum samræðum reyndu skólasystur Spámannsins að sannfæra hann um að lausnir á öllu slíku hugarangri væru að finna í sjálfsprófum á silkiþráðum alnetsins.

You are the Spirit of Generosity. You have the most
caring and loving nature ever known, you would
give away your own clothes if you felt someone
deserved it. Your open manner invites friends
to you and they are the luckiest of people to
have you as a friend. The same thing will find
you a friendly person to share your gifts with.

Which stunning spirit of emotion are you? NEW AND IMPROVED! (amazingly beautiful anime pics!)
brought to you by Quizilla

You are highly addicted to nicotine and should talk with a doctor or cessation expert about using one or more stop-smoking medicines, which are proven to double your chances of success. Nicotine replacement therapy (NRT) comes in different products to fit your pattern of cravings. Zyban also works to curb cravings and is available by prescription.

innocent kiss - you're cute and sweet and like it
that way

What Sign of Affection Are You?
brought to you by Quizilla

Þú svaraðir 0 spurningum játandi.

Langflestir spilafíklar svara að minnsta kosti sjö spurningum játandi.

Hvað get ég gert ef niðurstöður prófsins gefa til kynna að ég sé spilafíkill?

you're an elemental angel. an elemental angel is an
angel that is bonded to the elements and
nature.

what kind of angel are you?
brought to you by Quizilla

Aggi, you're single because you don't want to slow down
Whether you're working all hours, busy with school, or planning a cross-country move, it sounds like you just don't have time for anyone else in your life...right now, that is. Your timing may be off in other aspects, too. Chances are, you've met that perfect person who just so happens to be married or planning their own cross-country move. So take a step back for a moment. Is there something underlying this? Could it be you're afraid to get involved for some reason or another, and are therefore attracted to people who are simply unavailable?
Whether you're secretly sabotaging yourself or not, try a little exercise. Open your mind to those who are around you (and available!) right now. Then let up on your schedule to let that someone in. That is, unless you want to get married to your goals, and not Mr. or Mrs. Right.

Spámaðurinn er gjafmildur saklaus koss, veðurandi haldinn nikótínfíkn sem er of mikið að flýta sér til að hitta herra Réttann. En góðu fréttirnar eru þær að Spámaðurinn er ekki spilafíkill.

2005-03-09T16:24:00.000-08:00

"Urð hétu eina,
aðra Verðandi,
skáru á skíði,
Skuld ina þriðju.
Þær lög lögðu,
þær líf kuru
alda börnum,
örlög seggja."

Rassgathole in the house!
Spámaðurinn er loksins kominn með tölvu! Spámaðurinn hefur verið tölvulaus síðan í desember. Því neyddist Spámaðurinn til þess að vinna BA ritgerð sína á frumstæðann hátt (kúlupenna og kálfsskinn við kertaljós).
Auk þess sem að ógrynni hluta og stykkja sem Spámaðurinn kann ekki að nefna höfðu brætt úr sér var Spámanninum tjáð að tölvan hefði orðið illa fyrir barðinu á óbeinum reykingum. Spámaðurinn er vanur svona undarlegum athugasemdum, því fyrir nokkru fór prentari hans í viðgerð og var Spámanninum tjáð að prentarinn væri ekki í ábyrgð því þegar viðgerðarmaðurinn opnaði tjéðann prentara kom í ljós að prentarinn var eins og koddi, fullur af fiðri að innan (prentarinn var víst of nálægt fuglabúri Spámannsins, auk þess sem að það var sport hjá dýrinu að hlaupa ofan á prentaranum).

Annars er lítið að frétta af Spámanninum þessa dagana. Hann lá heima með hroðalega flensu um helgina og því urðu að engu áform Spámannsins um að spírítusneyslu um helgina. Þess í stað innbyrti Spámaðurinn gríðarlega marga tebolla. Spámanninum leiðist veikindi og því reyndi hann allt til þess að reyna að losna við þau. Því bruddi Spámaðurinn panódíl, drakk hóstamixtúru, bruddi hálsbrjóstsykur, drakk allskonar heilsute og úðar efnasamböndum í nef sér.
Þegar Spámaðurinn las pappírana sem fylgdu með nefúðanum kom í ljós að of stór skammtur af mentólhorstyllandikvefstöðvandi nefúða getur valdið "ofsakæti" (auk hjartsláttartruflana og hækkun blóðþrýstings). Þegar Spámaðurinn las þetta íhugaði hann í örstutta stund að misnota úðann og úða áttföldum skammti af mixtúrunni upp í nef sér, en fljótlega tók heilbrigð skynsemi völdin aftur og hann hætti við.

Í veikindunum stundaði Spámaðurinn sjónvarpsgláp af kappi, en þar sem Spámaðurinn horfir yfirleitt ekki mikið á sjónvarp kom honum margt á óvart. Nánar tiltekið: Allt hið nýstárlega sjónvarpsefni sem kallað er "raunveruleikasjónvarpsþættir". Nú getum við horft á Amerískar konur vera tálgaðar til og fylltar eins og kjúklingar með sílíkoni og bótoxi þar til þær uppfylla kröfur um staðalfegurð, horft á leigubílstjóra og viðskiptafræðinga búa á eyðieyju, horft á stelpur sem virðast meir og minna vera grautarhausar keppast um fyrirsætusamninga, við getum horft á ameríkana borða nautsreður og ánamaðk fyrir pening, við getum fylgst með akfeitum Bandaríkjamönnum svitna á hlaupabrettum og síðast, en ekki síst, getum við horft á Heiðar snyrti gefa fólki sem kúkar á gólfin heima hjá sér ráð um hvernig er best að ná blettum úr gardínum. Spámaðurinn vissi svo sem að þetta efni væri til, en hafði aldrei þolinmæði til þess að horfa á heilann þátt af neinu frá upphafi til enda, fyrr en nú. Samkvæmt heimildum Spámannsins er til mun grófara og siðlausara efni sem því miður hefur ekki verið tekið til sýninga á Íslandi (amk. ekki enn).
Spámaðurinn veit ekki hverju hann á eftir að svara barnabörnum sínum þegar þau spyrja: "Afi, hvernig var að vera uppi á raunveruleikasjónvarpsþáttatímabilinu?". Verður þetta það sem kynslóðar Spámannsins verður minnst fyrir? Foreldrar okkar átu LSD og dönsuðu allsber... Við horfum á fólk borða LSD og dansa allsbert í sjónvarpinu. Allir nema einn fá rós/útskorið apahöfuð/ljósmynd/ sem táknar að þú ert einn dag í viðbót á skjánum...Úrhrakið deyr fjölmiðladauða og hverfur af skjánum.

2005-02-18T19:50:00.000-08:00

"Synir Bors drápu Ými jötun, en er hann féll, þá hljóp svo mikið blóð úr sárum hans að með því drekktu þeir allri ætt hrímþursa, nema einn komst undan með sínu hýski."

Gott kvöld.
Spámaðurinn er búinn að vera að heiman. Foreldrar Spámannsins eru að heiman, og tölva Spámannsins er biluð, því hefur Spámaðurinn dvalið þar til þess að skrifa ritgerð sína á tölvu þeirra. Spámaðurinn er haldinn undarlegri nostalgíu þegar hann dvelur í Hafnarfirði.
Undarleg hljóð berast í náttmyrkrinu inn um glugga Spámannsins, hljóð sem hann var vanur, en er nú óvanur. Það er surgið sem berst frá sjónum, surg í flotbryggju og bátum. Einhvern daginn ætlar Spámaðurinn að kjaga niður að bryggju með fötu af smurolíu og smyrja allt sem fyrir verður...Þá verður þögn á næturna í Hafnarfirðinum.
Annars hefur dvölin verið einstaklega ljúf og Spámaðurinn hefur hagað sér sem versta afæta (En hvað eru synir og dætur svosem annað en afætur?)...Spámaðurinn hefur etið og drukkið úr ísskáp foreldra sinna, hlustað á plötur þeirra (kosturinn við að eiga mikið lifaða uppgjafahippa og alætur á tónlist fyrir foreldra er undarlegt plötusafn þeirra, í þessum töluðu orðum er Spámaðurinn að hlusta á Sovéska hermannakórinn syngja baráttusöngva alþýðunnar á móðurmáli sínu), horft á stóra sjónvarpið þeirra, notið þess lúxus að hafa aðgang að þurrkara þeirra, lesið bækurnar þeirra (sem er skemmtilegt af sömu ástæðu og plötusafn þeirra, brjóstarhaldarabrennur og danskar femínistaáróðursbókmenntir eiga bókahillu út af fyrir sig) og notar svo hröðu nýju tölvuna þeirra. Spámaðurinn mætti þó með sinn eigin tannbursta.
Einnig hefur Spámaðurinn notið nálægðar besta kaffis á landinu, en Súfistinn í Hafnarfirði býr til besta kaffi þessarar jarðvistar og er aðeins í örfárra mínútna fjarlægð frá heimili foreldranna. Svo gott er kaffið að veikar sálir verða aumir lífsstílsþrælar og gera ekkert annað en sitja þarna inni og lepja kaffi og sjúga camel lights allan daginn...Þeir hafa setið þar alveg frá því að Spámaðurinn man eftir að hafa komið þangað fyrst inn, og sitja þar enn.

Svona yndislegir hafa síðustu tveir dagar verið hjá Spámanninum... Frítt fæði úr ótæmandi ísskáp, besta kaffi á jarðríki í goldenskýi, skrif á ódauðlegum heimsbókmenntum þar sem lækningin á krabbameini, holdsveiki og lykillinn að friði í mið-austurlöndum munu koma fram (aka. B.A. ritgerð)og ómþýðir tónar sem boða frjálsar ástir og frið á jörð hljóma.
En Hafnarfjörðurinn er eins og öll sveitaþorp fjarri siðmenningu sírenuvælsins og bensínmekkjarins: Hann verður þreytandi á tiltölulega stuttum tíma.
Það sem fer mest í taugar Spámannsins eru íbúar fjarðarins hýra...Það er eins og hafgolan slævi fólk og blási svo allri framtakssemi langt á haf út þar sem mávar og múkkar tæta hana í sig. Staðurinn er í endalausu millibilsástandi. Staðurinn er mitt á milli þess að vera lopahúfuprikshangsandi reykvíkingsmenningarpláss og þess að vera landaþambandislagsmála sjávarpláss hinu megin á landinu. Fólkið er allt í millibilsástandi, 90% íbúa á aldur við Spámannsins eru "tímabundið" í skítadjobbum sem það hefur verið í þriðjung ævinnar, allir eru á barmi þess að "meika það" (en ekki strax, fyrst kaffi og sígó) og þeir sem ætla sér að mennta sig eru að bíða eftir meiri pening/að tíminn sé réttur/réttri stöðu sólar gagnvart karlsvagninum... Það eina sem gerist hratt er að byggingar þjóta upp úr jörðinni á ógnarhraða.
Annars var Spámaðurinn að kjaga heim (og þó ekki heim) af Hafnfirska skemmtistaðnum þar sem víkingar kljúfa hvor annan í herðar niður með öxum og fórnarlömb hnífstunga liggja eins og hráviði um gólfin. Þar þambar fólk í millibilsástandi mjöð og talar hátt um framtíðaráform.
Spámaðurinn drakk tvö glös af öli og hélt svo heim með lykt af öli, úldnum framtíðaráformum og camelreyk í nösunum...

2005-02-17T08:06:00.000-08:00

"Kjóll fer austan,
koma munu Múspells
um lög lýðir,
en Loki stýrir."

Góðann dag.
Spámaðurinn gerði undarlega uppgötvun í gærkveldi... Hann er ekki lengur með aðeins 4 sjónvarpsstöðvar (Gufuna, Skjá1, Popptv og Ómega). Sjónvarp Spámannsins hefur hegðað sér undarlega undanfarna daga, svo Spámaðurinn fór eitthvað að fikta í stillingunum á því og komst í leiðinni að því að hann nær líka, af einhverjum ástæðum, rásinni "Hallmark".
Forvitinn um þessa nýjung eyddi Spámaðurinn kvöldinu í að glápa á "Hallmark". Heilt kvöld af "Hallmark" gerir undarlega hluti við mannshugann. Rásin er amerísk og framleiðir sitt eigið efni, efni sem hægt er að lýsa í stuttu máli með orðunum: "Fjölskylduvænt fjölskylduefni fyrir fjölskyldur".
Eftir þessa rannsókn komst Spámaðurinn að niðurstöðu: Í heimi Hallmark eru allir guðræknir, reyklausir, laglegir, harðgiftir með 3-4 börn, skjannahvítir og búa í hvítu húsi í úthverfi (og stundum á sveitabæ með maísakri þar sem berfætt börn hlaupa um). Ef að konur í heimi Hallmark eru einhleypar er það vegna þess að eiginmaður þeirra dó í slysi. Stundum eru líka myndir byggðar á "sönnum sögum", en þá er sagt frá slæmum hlutum sem henda guðræknar vísitölufjölskyldur (og sagan endar alltaf vel).

Eftir u.þ.b. þrjár og hálfa klukkustund af Hallmark fann Spámaðurinn til undarlegra kennda: Hann fann hjá sér sterka löngun til þess að fá sér stórann fjölskylduvænann hund, feðra 2.5 börn með kaþólskri, heimavinnandi húsmóður og fá sér vinnu á skrifstofu (og jafnvel skipta úr sígarettureykingum yfir í pípureykingar)... Þessar óeðlilegu og pervertísku kenndir liðu hinsvegar mjög hratt hjá og Spámaðurinn fylltist sjálfsviðbjóði og ákvað að horfa aldrei, aldrei aftur á þennan hroðalega skít sem Hallmark er.

2005-02-12T14:18:00.000-08:00

"Í vindi skal við höggva,
veðri á sjó róa,
myrkri við man spjalla:
Mörg eru dags augu.
á skip skal skriðar orka,
en á skjöld til hlífar,
mæki höggs,
en mey til kossa."

Gott kvöld.
Í gærkvöldi gekk Spámaðurinn í satanísk öldurhús óeðlis þar sem æluár fossa, glerbrot tindra í ljóma óteljandi sígarettuglóða og óminnishegrinn flögrar yfir höfðum guma. Spámaðurinn drakk meir en hann leggur í vana sinn, og meir en hann þoldi... Árar og djöflar tóku sér bólfestu í höfði hans, líkt og andsetna lýðnum sem hristist í krampakenndu óminnismóki á dansgólfinu.
Hann á óljósar minningar um að hafa paufast eftir strætum borgarinnar á leið heim í öryggi, ró og yl norðurmýrarinnar einhverntíma í morgunsárið... Óljósar minningar um að hafa svo á heimleið rekist á ástleitið kattarkvikindi sem áleit Sendiboða Guðdómleikans vera merkilegasta mann í heimi og neri sér við fætur hans...Skepnan bar hálsól með kringlóttum pening sem í var grafið eitt orð: "dekrið". Spámanninum fannst þetta sniðugt svo hann klappaði og kjassaði skepnuna í dágóða stund úti á miðri götu... Þessar aðfarir sjarmeruðu kvikindið svo rosalega að það elti Spámanninn alla leið inn í norðurmýrina þrátt fyrir fortölur, skammir og tiltal Frelsara Mannkindar, sem óttaðist að ferfætlingurinn myndi týnast.

2005-02-11T10:19:00.000-08:00

"Vesall maður
og illa skapi
hlær að hvívetna."

Gott kvöld.
Spámaðurinn er kominn aftur með alnetstengingu.
Spámaðurinn var kominn aftur á steinöld. Sjónvarpið hans bilaði, fréttablaðið kom af einhverjum ástæðum ekki lengur inn um lúguna, og svo var hann ekki með tölvu.

Málpípa almættisins tók sig því til og hóf lestur við grútartýru.
Spámaðurinn eyddi tveimur kvöldum í það að lesa hverju einustu Tinnabók sem hefur nokkurntíma verið gefin út.
Snemma á ferlinum var Tinni blóðþyrstur morðingi sem ráfaði um sléttur afríku og slátraði dýrum í útrýmingarhættu í massavís að gamni sínu og misþyrmdi innfæddum. T.d. Boraði hann gat í öxlina á nashyrningi og tróð þar inn dýnamíti og sprengdi svo nashyrninginn í loft upp, hann skýtur apa, fláir hann og klæðist skinni hans til þess að svíkja aðra apa í viðskiptum og þvingar svo innfædda til að lúta hinni Belgísku nýlendustefnu. En Tinni sá svo að sér með tímanum og fór smátt og smátt að verða mannúðlegri og vistvænni í hegðan og framgöngu sinni.
Hergé, teiknarinn sem feðraði Tinna hefur svo sannarlega verið sjáandi. Hann sá fyrir tungllendinguna, olíustríð í mið-austurlöndum...Og já...Jafnvel vandamál Íslensks samtíma sem við höfum tiltölulega nýlega þurft að kljást við. Spámaðurinn hvetur alla til að lesa Spádóma Hergés. Tinni hefur einu sinni stigið fæti á vora fögru fósturjörð, Ísland. Í bókinni "Dularfulla Stjarnan" halda Tinni og Kolbeinn í áttina að norðurpólnum að leita að loftsteini sem lenti í sjónum norðan við Ísland.
Þegar Tinni og Kolbeinn leggjast að landi í Reykjavík (og líka Akureyri, báðar stórborgirnar eru einungis byggðar bjálkakofum) sést hin gríðarlega Spádómsgjöf Hergé's. Nei, Tinni og Kolbeinn þurfa ekki að kljást við Kleifarvatnsskrímslið, og ekki víkínga eða ísbirni. Nei...Óvinurinn á Íslandi er harðsvírað olíufyrirtæki sem er með einokar alla sölu á eldsneyti á Íslandi.

2005-01-31T10:37:00.000-08:00

"Ár skal rísa
sá er á yrkjendur fáa
og ganga síns verka á vit."

Gott kveld.
Spámaðurinn situr núna á gangi í skólanum hjá sér og á að vera að skrifa ritgerð. Eins og lesendum Rassgatholusarguðspjalla er kunnugt um var Spámaðurinn skyndilega sendur aftur til hins forsögulega tímabils þegar risavaxin skriðdýr drottnuðu yfir jörðinni, þegar að tölva Spámannsins laut í lægra haldi gagnvart náttúruöflunum.
Þrátt fyrir það virðast vinsældir Rassgatholusarguðspjalla aldrei hafa verið meiri.
Spámaðurinn fékk hland fyrir hjartað þegar hann skoðaði teljarann á síðunni hjá sér. Á degi hverjum auðga sextíu manns anda sinn og öðlast himneska upphafningu með því að lesa Rassgathole.
Spámaðurinn veit ekki hver ástæðan fyrir þessari miklu fjölgun er, en síðast þegar Spámaðurinn athugaði rafræna sálnateljarann voru aðeins sex lesendur á dag, þessir sex hafa nú margfaldast með tíu. Máski les öll sinfóníuhljómsveit íslands Rassgathole einu sinni á dag?
Spámaðurinn áttar sig samt á því að frægðin er fallvölt.

2005-01-26T09:27:00.001-08:00

Læknar hafa úrskurðað tölvu Spámannsins látna...
Spámaðurinn er augljóslega fórnarlamb svikamyllusamsæris "Þeirra", en "Þeir" vilja ekki að Sannleikur Rassgatholusarguðspjalla nái til almúgans...
Spámaðurinn er að undirbúa mótleik gegn lúalegum börgðum "þeirra", sem felst í því að sökkva sér í skuldafen og kaupa sér nýja tölvu.

Spámaðurinn saknar internetsins...Hann hefur ekkert að gera seint á kvöldin...Engar keðjureykingar fyrir framan skjáinn á meðan vídeóið af apa í karate/balletdansara að detta af sviðinu/nautabana sem fær horn í afturendann er að hlaðast og dauðlegir menn sofa.
Og það að sitja inni á borgarbókasafninu er einfaldega ekki eins...Enginn bolli af melrose, ekkert golden-ský, engin tónlist...Ekkert af því sem guðlegur andi þarf til að upphefjast á astralplanið.
Auk þess á Málpípa Himnanna erfitt með að einbeita sér þegar öldungar skylmast með stöfum sínum fyrir aftan hann, hér á kaffistofu borgarbókasafnsins.
Spámaðurinn er yngstur á þessari kaffistofu, og sá sem er næst-yngstur er 40 árum eldri en Spámaðurinn...Því getur Spámaðurinn hamrað þessar setningar á lyklaborðið óhræddur, því það eru litlar líkur á því að nokkur maður hér sjái annað en litla maura sem iða í móðu sjóndepurðar á skjá Spámannsins.

Þolinmæði, kæru lærisveinar, þolinmæði: Senn líður að Upprisu Rassgathole!

2005-01-07T04:01:00.000-08:00

Heyr mig ó dýr merkurinnar.
Tölva Spámannsins er andsetinn, og hefir Spámaðurinn tapað rafrænni aleigu sinni. Spámaðurinn situr nú við tölvu á borgarbókasafninu og hamrar Rassgatholusarguðspjall á þetta allragagnslyklaborð sem ber eflaust allskyns banvænar farsóttir. Fyrir aftan Spámanninn er öryrki sem krefur fólk af handahófi svara við spurningunni "Trúir þú á guð?"...Ef hann bara vissi að Frelsari Mannkyns situr hér og snýr baki í hann.
Sumsé, Tölva Spámannsins var vegin af vírusi, og Spámaðurinn tapaði rafrænni aleigu sinni... Allri tónlist, ljósmyndum, ritgerðum, ritsmíðum, photsjoppdrasli...osfrv osfrv.
Spámanninum finnst hann vera með lík inni í stofunni hjá sér...Aðeins líflaust hulstur án sálar, án innihalds...Músin hangir máttlaus fram af borðbrúninni.

Nú er tímakóðinn sem Spámaðurinn fékk úthlutað að renna út...svo Spámaðurinn kveður.

2004-12-31T10:07:00.000-08:00

AFSAKIÐ HLÉ

2004-12-18T09:40:00.000-08:00

"Brestanda boga,
brennanda loga,
gínanda úlfi,
galandi kráku,
rýtanda svíni,
rótlausum viði,
vaxanda vogi,
vellanda katli"

Gott kvöld.
Spámaðurinn fór út með félaga sínum í gærkvöldi með félaga sínum. Spámaðurinn sá fram á rólegt kvöld í rökræðum yfir ölkrús. En nei...Félaginn er af erlendu bergi brotinn, og Spámaðurinn hafði einhverntímann lýst fyrir honum soranum sem finnst á ákveðnum stöðum í Reykjavík. Þó félaginn hafi búið hér um árabil hefur hann ekki séð vafasömustu hliðar Reykjavíkur og vöktu lýsingar Spámannsins svo mikla forvitni og skemmtan að hann einfaldlega varð að sjá slíkt með eigin augum.
Því var Spámaðurinn dreginn, maldandi í móinn, á einn af vafasamari skemmtistöðum bæjarins. Þangað hafði Spámaðurinn reyndar ekki komið áður (þú vissulega hafi hann séð vafasamar búllur áður), en þrátt fyrir það sveik staðurinn ekki fyrirheit um ógeðfellt svínarí og allt það... Litlar eftirmyndir Birgittu Haukdal vöfruðu um í kókaínvímu, brillíantínsleiktir gígolóar sendu hvor aðra heim í sjúkrabílum og drykkjudauðir táningar lágu eins og hráviði á gólfinu. Öðru hverju braust út ofbeldi og vofleg ofbeldisverk voru framin vegna ágreinings um kvenpening, bjór sem sullaðist niður eða sætaskipan.
Klósettin eru alveg kapítuli út af fyrir sig, þau eru í raun ekki klósett...Þar skiptast menn á að vera voða æstir og segjast ætla lemja einhvern á meðan félagarnir halda um axlir þeirra og segja þeim að vera rólegir. Svo er skipt um hlutverk og einhver hinna rólegu fer að æsa sig á meðan vinir hans (sem eru þá búnir að taka út sína umferð af æsingi) reyna að sefa hann. Hlandskálarnar eru svo notaðar sem ruslafötur, en vaskarnir til að æla í. Það er ráðlegt að vera ekkert mikið að velta því fyrir sér hvaðan allt vatnið á gólfinu kemur. Kamrinum með hurðinni (útskýring fyrir kvenkyns lesendur hins heilaga boðorðs rassgathole: Á karlaklósettum eru yfirleitt nokkrar hlandskálar og svo ein eða tvær hurðir fyrir þá sem vilja ekki gera #2 í hlandskál eða vask) er eiginlega ekki hægt að lýsa með orðum, en þar blasa við lífsýni og vessar úr öllum líkamsopum og iðrum mannskepnunar.
Spámaðurinn varð líka var við undarlegt form vændis þarna, karlmenn virtust geta gert hvað sem er með hvaða stúlku sem er, en gjaldið var í formi þess að risavaxni sjóarinn sem er kærasti stúlkunnar limlesti þá svo eftir á.

Spámaðurinn hélt heim frekar snemma, kvöldið skildi eftir sig undarlegt eftirbragð...

2004-12-15T08:22:00.000-08:00

"Nú frák norðr í eyju,
norn erum grimm, til snimma
Þundr kaus þremja skyndi,
Þórólf und lok fóru"

Gott kvöld.
Rauðarárstígurinn er hliðstæð vídd við okkar...Fimmta víddin. Á Rauðarárstíg eru allir steyptir í sama mót óháð bakgrunni þeirra eða fjárhagsstöðu. Um leið og þú stígur út á hann breytist þú og verður alveg eins og allir hinir á Rauðarárstígnum alveg sama hvort það er að kvöldi eða morgni. Andlit þitt verður fölt og þreytulegt eins og andlit allra hinna, eins og þú hafir verið að vinna frammeftir í skítadjobbi eða verið að lepja upp úr kardóglasi alla nóttina... Undir augum þínum birtast dökkir baugar. Milli fingra þinna birtist sígaretta, allir eru með sígarettu á Rauðarárstíg (meir að segja róninn sem biður þig um sígarettu er með sígarettu í munnvikinu). Þú starir á gangstéttina fyrir framan þig þegar þú mætir fólki, alveg eins og allir hinir gera, og allir ganga í þögn, enginn segir neitt. Eina fólkið sem er öðruvísi en hinir er fólkið sem situr inni á Svarta Svaninum, sem minnir Spámanninn alltaf á fiskabúr, þar sem fólk situr hinu megin við glerið og starir út á meðan munnar þeirra opnast og lokast á víxl eins og á gullfiskum þegar það tyggur hamborgarana sína.
Um leið og þú beygir út af Rauðarárstígnum hverfa baugarnir, sljólegi þreytusvipurinn á andliti þínu gufar upp, það drepst í sígarettunni og fólk sem þú mætir eru ekki lengur þreytulegir draugar sem stara á jörðina.
Ó vei þér ef þú ert yfir þrítugu og stígur á þennan álagablett, því þá eldist þú samstundis um 40 ár og finnur til undarlegrar löngunar til að týna upp plastflöskur eða það losnar um nokkrar skrúfur í höfði þér og þú ferð að muldra við sjálfa/nn þig.
Sumir hafa gengið svo langt að segja að baráttan milli góðs og ills birtist hér ljóslifandi fyrir augum okkar í formi þeirra þjónustuaðila sem hafi aðsetur á Rauðarárstígnum: Að Gullnáman, Svarti-Svanurinn, Kaffi-Stígur, Gallerí-Fold og Draumurinn séu í liði Kölska og sogi til sín drykkjurúta og eiturlyfjaneytendur á meðan Fiskbúðin, bakaríið, Kaupmaðurinn á horninu og Geislavarnir Ríkisins skipi sér í lið hins góða og hái orrystu gegn hinum illu öflum... Þessu er Spámaðurinn ósammála...Hann telur að þarna sé allt í hinu fullkomna jafnvægi. Eins og ying&yang. Útkoman er sú að allir verða gráir. Ekki vondir, ekki góðir...bara gráir.

2004-12-13T19:37:00.000-08:00

"Villist vættir,
verði ódæmi,
hristist hamrar,
heimr sturlist,
versni veðrátta,
verði ódæmi,"

Gott kvöld.
Spámaðurinn átti að vera að skrifa ritgerð í dag, en hélt þess í stað á kaffihús með félaga sínum. Ritgerðin verður skrifuð á morgun í panikki.
Spámaðurinn og félagi hans eru báðir í fýlu út í lífið og tilveruna og því urðu samræður þeirra á örskammri stundu að neikvæðu svartagallsrausi, og urðu svo að metingi um hver hefði gert verri og neyðarlegri fyllerísskandala.
Þarna voru ýfð upp mörg gömul sár... Eins og til dæmis þegar að draugfullur Spámaðurinn var búinn að sjarmera fagra stúlku upp úr skónum á barnum, svo skrapp Spámaðurinn á klósettið. Á meðan Spámaðurinn var að sinna kalli náttúrunnar gleymdi hann hvernig stelpan leit út...Og greip svo í vitlausann rass þegar hann kom aftur á barinn.
Já...Margar neyðarlegar upplifanir úr fortíð þeirra kumpána í darraðadansi næturlífsins voru rifjaðar þarna upp...
Einnig var það mál Spámannsins og félagans að þjónustan sem Virgin-Mobile símafyrirtækið í útlandinu býður upp á sé nokkuð sniðug. En hún felst í því að viðskiptavinurinn getur gert ákveðin símanúmer óvirk á föstudags- og laugardagsnóttum og þannig komið í veg fyrir að viðskiptavinurinn hringi úr fylleríi í einhvern sem hann ætti ekki að hringja í. Samkvæmt könnunum fyrirtækisins hafa 95% farsímanotenda hringt í einhvern sem þeir hefðu betur viljað sleppa að hringja í þegar þeir voru ofurölvi.
Því er ljóst að gemsagaurarnir eru nútímaútgáfan af hinum alræmdu "korter-í-þrjú-gæjum". Spámaðurinn hefur fengið slík símtöl...Og Spámaðurinn játaði líka skýlaust skömm sína, að hann væri einn af þessum 95% sem hefði einhverntímann hringt slík símtöl (ekki það að Spámaðurinn stundi slíkann sora, en það hefur komið fyrir öööörsjaldan). Félagi Spámannsins játaði líka með skömm að hann hefði orðið uppvís að slíku. Svona pathetic booty-köll einhver.
Handritið að svona dæmigerðu símtali væri eitthvað á þessa leið:

Hitt kynið: "Halló?" (Klukkan hálf-fimm á laugardagsnóttu)

Spámaðurinn: "Hvað segirðu gott? Ertu að djamma?" (Þvoglumæltur og augljóslega draugfullur, í bakgrunni heyrast drykkjulæti og hávær tónlist)

Hitt kynið: "Aggi? Ert þetta þú?"

Spámaðurinn: "Ha...Já...mmmmh...þekkiru mig ekki? Langt síhðan maðurh hefur heyrt í þhér!" (Í bakgrunni heyrist flaska skella á vegg og brotna)

Hitt kynið: "Ertu fullur?"

Spámaðurinn: "Ha...Nje...ja...Neihneih...Fékk mér tvo bjóra" (Enn óskýrara og þvoglumæltara)

Hitt kynið: "Víst ertu fullur!"

Rödd í bakgrunni hjá Spámanni: "Komdu Aggi við erum að fara yfir á 22"

Spámaðurinn: "Drullaðu þér hættu farðu! Ég er að tala í símann! Klára bjór! Nei sko ekki þú...ég var að tala við gaur...Má fara með bjórinn út?"

Hitt kynið: "Hvað er að gerast?"

Spámaðurinn: "Má ég kíkja í heimsókn?"

Hitt kynið: "Nei!"

2004-12-11T11:27:00.000-08:00

"Öl var drukkið,
sumt var ólagað:
Sjaldan hittir leiður í lið."

Það er knattspyrnuleikur í höfði Spámannsins, leikmennirnir eru tröll... Spámaðurinn eyddi deginum á brókinni á sófanum með melrose og golden, fullur iðrunar og fyllerísmórals.
Spámaðurinn hélt aftur í kaotíska hringiðuna og darraðadans drýslanna í nótt eftir að hafa mélað andstæðinga sína í Fimbulfambi.
Skólasystur Spámannsins hristu botninn á dansgólfinu á meðan Spámaðurinn slangraði um og sullaði bjór yfir vegfarendur og sjálfann sig í takt við danstilburði mannshafsins á sirkúsnum.
Spámaðurinn skreið svo heim á maganum þegar komið var undir morgun.

Eftir gærkvöldið er stelpa einhversstaðar sem heldur að Spámaðurinn hafi spilað á saxófón í hljómsveitinni Skítamórall áður en hún varð fræg, en hafi svo yfirgefið hljómsveitina vegna "listræns ágreinings".

2004-12-09T14:25:00.000-08:00

"Blóðugt er hjarta
þeim er biðja skal
sér í mál hvert matar."

Gott kvöld...
Epísk myndlist sem mun lina þjáningar sjúkra verður afhjúpuð á morgun. Sýningin ber nafnið "Aggi's harem". Spámaðurinn er eiginlega á báðum áttum varðandi þetta nafn, valdi kúratorinn það vegna þess að hann er eini karlmaðurinn sem tekur þátt í sýningunni eða vegna þess að allar konur ásælast bert hold Spámannsins?
Spámaðurinn er búinn að vinna stíft við að leggja lokahönd á framlag sitt til sýningarinnar, en í vinnunni fólst að koma mynd niður í 20x30 reiti, sem er meira en að segja það, því það tók Spámanninn heila tvo daga! Spámaðurinn er búinn að horfa á svo mikið af pixluðu kvenfólki í lágri upplausn á tölvuskjánum að hann er eiginlega farinn að finna til undarlegra hvata. Ætli hann verði ekki stunginn í augað með glerbroti þegar hann fer að lofa pixlanotkun eða upplausn einhvers kvenmannsins í darraðadansi helgarinnar? (þú ert með rosalega skörp/skarpann *insert líkamshluta* miðað við útgáfudag).

Mynd: Næturlíf með augum Spámannsins (og Spámaðurinn með núll stig)

Spámaðurinn skrapp líka nokkrum sinnum á kaffihús til að hvíla augun frá pixlakjaftæðinu og las blöðin...Helst moggann, DV ef Mogginn er upptekinn ("Gengur Dorrit með barn Stórfóts?"). Spámaðurinn les alltaf Dagbók lögreglunnar því hann hefur gaman af lýsingum á geðveikislegri hegðun, ölæði og undarlegheitum landa sinna. Lýsingar lögreglumanna á afbrigðileika miðborgarinnar á möppudýrsmálinu sem notað er í dagbókinni er hin besta skemmtun.

Dagbók lögreglunnar um helgina:"Síðdegis á laugardag var kona á áttræðisaldri handtekin vegna veggjakrots í miðborginni."

2004-12-02T13:38:00.000-08:00

"Fróður þykist
sá er flótta tekur
gestur að gest hæðinn."

Gott kvöld.
Spámaðurinn var í lágdeyðu. Fangaður í óheilbrigðri hringrás keðjureykinga, andvökunátta, teþambs og brennisbruðnings... Dagarnir voru orðnir gráir, litlausir og liðu löturhægt. Spámaðurinn var aðgerðarlaus og forðaðist helst að fara í sokka allann daginn, og þá sjaldan hann varð uppiskroppa með eitthvað hljóp hann fölur og sokkalaus út í sjoppu og svo beint heim aftur. Fyrir innan gluggana er ský af golden og ofnarnir í botni, fyrir utan gluggana streymir ógeðisslor af himnum ofan sem gerir Spámanninn blautann í fæturna. Það eina sem braut upp þessa hundleiðinlegu tilveru voru einstaka kaffihúsaferðir, bókalestur og sá leiði vani Spámannsins að fara í loftköstum um skautasvellin sem gangstéttir borgarinnar eru (helst í viðurvist fagurra fljóða). En svo helltust skyndilega yfir hann himneskar hugmyndir í massavís...Og Spámaðurinn hefur nú rifið sig upp úr lágdeyðunni og er farinn að rífa sig upp eldsnemma á morgnana og slafra í sig súrmjólk með tálkvendum ríkisútvarpsins, þeim Gerði B.Bjarklind og Ninu Simone, og fremja svo myndlist af miklu kappi.
Sennilega mun þessi mikla myndlist breyta viðhorfa mannfólksins til mannkynssögunar, viðhorfi þess til lífins og lækna svo krabbameinssjúka af handahófi.
Nú barst Spámanninum til eyrna fyrir skömmu að einhverjir smartass-ar séu að mótmæla listamannalaununum með því að stofna "gjörningahóp" sem ætlar svo sækja um umrædd laun og svo skila öllum peningunum til skattgreiðenda (væntanlega svo hægt sé að nota þá til að styrkja íþróttamenn og aðra afreksmenn sem eru í "alvöru" vinnu). Sniðugu pólítíkusarnir bera því við að artí-liðinu sé haldið í fjötrum ríkisins og geti í raun ekki verið frjálst fyrr en það fetar slóðina sem Tolli® og Kogga hafa troðið fyrir oss: Þeas. Að lifa á því að selja myndlist sína (nota bene: Spámaðurinn hefur ekkert á móti Tolla og Koggu, Holdgerfingur Guðdómleikans elskar alla jafnt). Spámaðurinn væntir mikils frá þessum ungu pólítikusum framtíðarinnar... Auðvitað munu þessir sniðugu forstjórasynir taka næsta rökrétta skrefið í þessum gjörningi sínum: Að skapa myndlist og lifa á henni, til þess að sýna okkur hinum hversu auðvelt það er.
En nóg um pólitík, það er löngu búið að sanna að pólitík virkar ekki...

Hvað ætli gerist ef maður hlustar á "Total Eclipse of the Heart" á hverju kvöldi? Ætli maður lifi þá að eilífu? (þar sem eilífðin hefst á hverju kvöldi). Og ef að lykillinn að ódauðleikanum er "Total Eclipse of the Hearth", er lífið þá þess virði að lifa því?

2004-11-29T11:14:00.000-08:00

"Það kann eg ið átjánda,
er eg æva kenni'g
mey né manns konu,
- allt er betra"

Gott kvöld.
Spámaðurinn er aftur orðinn nýtur þjóðfélagsþegn með farsíma í vasa. Stykkið er reyndar eitthvert skítaskrapatól með biluðu batteríi og sígrenjandi eftir alkalísýru... En sími er það þó.
Farsímar eru orðnir hluti af náttúru okkar... Líkt og fuglar safna glitrandi glingri í hreiður sín til að fá athygli veikara kynsins og fuglar í regnskógum eru með marglitar loftfylltar bringur eða kamba. Og síminn er orðinn alveg jafn tilgangslaust blekkingartól líka. Jón breiðholtsdraugur, á blettóttum hlýrabolnum og brókinni, liggur á sófanum á miðnætti, tómur pizzakassinn vegur salt á bumbu hans og hann horfir á lesbíuorgíu í sjónvarpinu með öðru auga á meðan hann skrifar sms til gærunnar sem hann kynntist á glaumbar um helgina: "eg ligg hér allsber uppi rumi með kertaljos allt í kring ad hlusta a celine dion thad er svo kosi". Gæran tekur eftir væli síma síns sem titrar af fryggð þegar skilaboðin berast og lítur upp úr kókópöffs skálinni sem hvílir á borði við hlið Ísfólksins og svarar einhverju á borð við: "ooo eg vildi að eg væri hjá ther". Ef að heilinn er næmasta s/kynfærið þegar að kemur að kynlífi, þá er lygin snípkítlisfiðrildiseggið sem virkar langbest á heilann. Allir vita að símavændiskonan er að borða subway, bora í nefið og skrifa innkaupalista á meðan hún stynur og glennir sýndarveruleikapíkuna fyrir ímyndunarafli örvæntingarfulls vörubílsstjóra. þegar Britney Agúílera skekur sig sem yxna belja og syngur "I want you beip" meinar hún ekki hvern og einn hinna tugþúsunda bólugröfnu, spólgröðu táningspilta sem á hlýða. Backstreet17 eru allir samkynhneigðir. Það er ekkert sjúkrahús í Svartaskógi og læknar eru sjaldnast hávaxnir, dökkhærðir, fórnfúsir sjarmörar með glampandi tennur, amk. ekki á heilsugæslunni í hlíðunum, né kópavogshæli...Og hjúkkurnar klæðast þúsundþvotta joggingöllum og klossum en ekki mínípilsum og háhælum. Elskhugar sem taka inn eitur saman eða stinga sig með rýtingum gefa deyja með höfuðin ofan í polli af blóði, uppgangi og galli.
Eftir ragnarök ætlar Spámaðurinn að kippa þessu öllu í liðinn, allt fólk í heilbrigðisgeiranum verður spólgratt og klætt eins og skækjur og karlhórur, poppstjörnur munu serða alla aðdáendur sína og það verður rómantískt sjúkrahús í austurríska skóginum...

2004-11-27T11:01:00.000-08:00

"Gráðugur halur,
nema geðs viti,
etur sér aldurtrega."

Spámaðurinn hélt í hof hins rauðglóandi krítarkorts: Kringluna.
Kringlan er sturlandi darraðadans óeðlis, kynæðis og satanískra hvata.
Spámaðurinn veit nú hvar jólasveinarnir halda sig áður en þeir koma til byggða: Í kringlunni. Spámanninum fannst hann vera kominn áfram í tíma og rúmi, í kringlunni er eilíf þorláksmessa. Pör í matching joggingöllum spranga þar um og glotta lymskulega yfir leyndarmálinu mikla sem þau geyma(hann/hún fær rakvél/ilmvatn/heimabíó í jólagjöf). Erfingjar landsins sprikla krampakennt í prísund innkaupakerrunar, gefa frá skerandi öskur og bölva alheiminum í sykurvímu. Ugg setti að Spámanninum þegar hann sá geðveiksleg augnaráð þeirra.
Á meðan spilar einhver hljómsveit djassútgáfu af "jólasveinar ganga um gólf" og Sigga Beinteins brosir til kolgeðveikra, spriklandi óþekktaranga.
Spámaðurinn tók þátt í skoðanakönnun um sódavatn (hversu mikið hlutverk spilar kolsýrt vatn í lífi þínu?), fékk að smakka kaffi með kanilbragði, smakka súkkulaði með kaffibragði, smakka einhverja danska skinku og var svo boðinn viðbótarlífeyrissparnaður tvisvar (í heildina hefur Spámanninum afþakkað slíkt sex sinnum á tveimur vikum). Spámaðurinn afþakkaði þó piparkökuna með nafni sínu á, og blöðrudýrið líka. Spámanninum sortnaði fyrir augum og hann fékk sterka löngun til að draga Gáttaþef niður í bílageymslu og kyrkja hann, en hafði hemil á sér.
Þegar Spámaðurinn var að velta sér upp úr eymd og volæði fyrr á árinu eftir erfið sambandsslit mælti félagi hans þessi uppörvandi orð: "Bíddu bara eftir jólunum, þau eru verst". Mikið var það rétt hjá honum: Án ljósrauðra gleraugna ástarinnar eru jólin viðbjóðslegt fyrirbæri...Sérstaklega í nóvember. Það eina sem Spámaðurinn sér núna eru klysjukenndar skjáauglýsingar, sturlandi ljós, jólahúfuklætt starfsfólk með þvinguð bros, mæðrastyrksnefndarbiðraðir og vísitölujoggingallafjölskyldur með innkaupakerrur fullur af hagkaupshangiketi, jólakóki og ofbeldisfullum dvergum, sturluðum af ofneyslu sykurs.
Spámaðurinn var farinn að svitna og farið að sundla þegar að hann loksins kom út.

Jákvæða hlið ferðarinnar er að Spámaðurinn er núna kominn með símakort sem verður virkt á mánudaginn, en þá verður Spámaðurinn aftur hluti af mannlegu samfélagi.

2004-11-24T19:15:00.000-08:00

"Þar munu eftir
undursamlegar
gullnar töflur
í grasi finnast,
þær er í árdaga
áttar höfðu."

Gott kvöld.
Spámaðurinn er horfinn sporlaust.
Enginn hefur séð hann síðan á Laugardag! Hann hefur ekki hitt einn einasta vin sinn! Hvar er hann niðurkominn? Hvað veldur?
Hafa næturtröll numið hann á brott? Hefur einhver hóra Satans sett hann í fjötra? Er hann kannski að líða vítiskvalir í klóm Hannibals Lecters í afviknum bílskúr á Seltjarnarnesinu? Hefur hann kannski læst sig inni í geymslu og er hægt og rólega að svelta til dauða? Hafa kettir kannski streymt innan um gluggan hjá honum og étið hann? Situr hann kannski dauður á salerninu eins og fyrri Messíasinn (Elvis), eða kannski hafa ógnarvinsældir Rassgathole stigið honum til höfuðs og hann að geyspa golunni í baðkari í París á vængjum heróíns og brenglaðra kynlífsathafna? Er hann á kojufylleríi eins og Simbi sjómaður og glasið orðið honum kært sem góðum sálum paradís?
Eða er hann kannski búinn að týna öllum símanúmerum vina sinna (sem voru öll geymd í gsm síma sem er horfinn líka), er aldrei heima og engin leið að ná í hann?

Ætli það sé í raun ekki kominn tími á að fara að lifa eins og forfeður okkar, þegar að loftkeyti og kveðjur í gegn um "óskalög sjúklinga" voru eini samskiptamáti fólks?
Spámaðurinn hefur amk. aldrei heyrt um neinn sem fékk heilakrabbamein af því að hlusta á ríkisútvarpið.
Svo að ef einhver vill ná í Spámanninn getur hann bara keypt sér skjáauglýsingu eða dobblað Gerði B. Bjarklind til þess að lýsa eftir honum...

Svo fylgdist Spámaðurinn með fréttum af stórbrunanum sem hélt honum frá skólanum í gær. Morgunblaðið var með makró (úr fjarlægð) umfjöllun en DV með míkró (í nálægð) umfjöllun. Makró umfjöllun: "600 manns þurftu að yfirgefa heimili sín vegna reykjar frá brunanum, viðtal við slökkviliðsstjóra Reykjavíkur, myndir af hjálparsveitarmönnum með gasgrímur"...osfrv. Míkró umfjöllun: "Sigríður Sigurðsdóttir flæmd af heimili sínu á meðan slökkviliðsmenn borðuðu pizzur (mynd af sjúkrabörum með pizzakössum á, eldur í bakgrunni, heilsíðumynd af andliti Sigríðar í nærmynd), á bráðamóttökunni tók á móti henni Jón Jónsson morfínlæknir (sem er einnig nafntogaður vítisengill og handrukkari )"osfrv...
Sem betur fer töpuðust engin handrit í þessum bruna... En Spámaðurinn hefur heyrt fregnir af því að megn reykjarlykt sé þó í vinnuplássi sínu eftir brunann...En þar sem það var megn reykjarlykt af vinnuplássi Spámannsins fyrir brunann ætti það ekki að koma að sök.

2004-11-22T14:03:00.000-08:00

"Ósnotur maður
er með aldir kemur,
það er best að hann þegi."

Myrkur, frost og fjúk, enginn á ferli, Spámaðurinn kjagar eftir Grettisgötunni á leiðinni heim...
Spámaðurinn mætir föngulegri stúlku á gangstéttinni, augu þeirra mætast örstutt, hún er með falleg augu sem glitra. Ætli henni finnist Spámaðurinn fagur og virðulegur? Það örlar á guðdómlegu brosi í munnvikum hennar...Spámaðurinn roðnar...
Spámaðurinn ætlar að víkja úr vegi fyrir henni, en stígur á svellbunka, skrikar fótur og breikdansar örskotsstund þarna fyrir framan undrandi stúlkuna, líkt og skór hans séu smurðir með vaselíni, áður en hann tekst á loft, tekur svo hálfhring í loftinu með lappir þráðbeinar upp í loft. Spámaðurinn lendir svo með háum dynk, kylliflatur á bakinu með alla skanka teygða frá sér líkt og hann hafi ætlað að búa til engla í snjóinn fyrir þessa ókunnugu fegurðardís...
Undarlegt, hjáróma flaut berst frá bakpoka Spámannsins, sem breytist fljótlega í "hviss" hljóð eins og hljóðlátt lyftuprump... Sennilega heldur stúlkan að Spámaðurinn sé með kramið Smábarn í bakpokanum (brúsi af kveikjaragasi sprakk í bakpokanum).
Hún horfir á Spámanninn liggja við fætur sér og fellir svo dóm sinn: "Obbosí" segir hún.
Spámaðurinn skreiðist á fætur bölvandi, við skellinn beit Spámaðurinn í tunguna á sér, munnur hans fyllist blóði sem hann hrækir í snjóinn og heldur svo leiðar sinnar með það litla sem eftir er af kúlinu.

2004-11-20T05:28:00.000-08:00

"Er-a svo gott
sem gott kveða
öl alda sonum,
því að færra veit
er fleira drekkur
síns til geðs gumi."

Spámaðurinn hélt í veislu með skólasystrum sínum í gær...
Eftir það tók hinn klassíski darraðadans saurlífis og óeðlis í miðbænum og því liggur Spámaðurinn nú heima í þynnkuprumpi og ræfildóm, með tilheyrandi formælingum og heitstrengingum.
Það versta: Einhversstaðar, innan um glitrandi glerbrot, sígarettustubba og sofandi drykkjufólk, á gólfi einhverrar helvískrar búllu, liggur sími Spámannsins núna... Eða máski hvílir hann í vasa einhvers þjófótts úrþvættis.
Spámaðurinn er því kominn í hóp með ómálga kornabörnum, einu þjóðfélagsþegnunum sem baða sig ekki daglega í gulgrænni birtu hins örsmáa skjáar þessa asbests nútímans: GSM-símans.
Þetta þykir Spámanninum leiðinlegt þar sem samskiptatólið stefndi óðfluga í að verða verðmæt antík (sem gæti hugsanlega verið ástæðan fyrir því að einhver ákvað að slá eign sinni á hann) og um árabil þjónaði hann Spámanninum af trúlyndi og heilindum.

Einnig er þetta nokkuð mikið vesen fyrir Spámanninn, þar sem hann er gersamlega ófær um að muna símanúmer, og öll númer kunningja hans voru í símanum...Og að sjálfsögðu getur fólk ekki lengur teygt sig í símann og talað við Spámanninn hvar&hvenær sem er þegar þörfin eftir því að fá smjörþefinn af himneskri upphafningu andans kallar.

Spámaðurinn man hvað hann var hissa þegar að hann flutti aftur heim til Íslands frá Brussel Anno Domini 1998. Ísland hafði breyst...Óhugnanlegar fréttamyndir af hópslagsmálum í raftækjaverslunum birtust á sjónvarpsskjánum, Spámaðurinn skildi ekki fólk þó það talaði Íslensku, því Íslendingar kusu að tjá sig með frösum úr prógrömmum á borð við "Tvíhöfða" og "Fóstbræðrum", sem Spámaðurinn hafði að sjálfsögðu aldrei séð né heyrt. Skyndilega var bannað að reykja allstaðar, allir voru komnir með net-tengingu og enginn var maður með mönnum nema hann ætti Nokia síma og skúffu fulla af "frontum" fyrir öll tækifæri.
Spámaðurinn var ringlað úrhrak sem átti ekki gsm-síma, var ekki net-tengdur, skellti ekki uppúr með hinum á mannamótum þegar einhver varpaði fram frösum á borð við: "leigubílstjóri DAUÐANS!" og honum var hent út úr kringlunni fyrir að reykja á bekkjunum (Securitas hlustar ekkert á aumingjalegt væl á borð við "það mátti fyrir fjórum árum og öskubakkarnir eru ennþá hérna...og ég bara hélt að...").
Fyrstu mánuðina á Íslandi heyrði Spámaðurinn setningar eins og "Hefurðu ekki prufað þetta?", "hefurðu ekki séð það?" og "Þú verður að fá þér svona" út í hið óendanlega...
Því fór Spámaðurinn og keypti sér ódýrasta símann í búllunni, en hann var á stærð við dæmigerðann múrstein og var svipað þungur og múrsteinn líka... Svo sjaldgæft var fyrirbærið að fólki varð starsýnt á Spámanninn líkt og hann væri að senda telex.
Ferlíkið fékk nafnið "Mír" í höfuðið á Rússnesku geimstöðinni, en það fannst Spámanninum rosa sniðugt vegna stærðarinnar og úreldingarinnar sem síminn og geimstöðin áttu sameiginlega.
Það var "Mír2" sem hvarf í nótt...Stöðutákn Spámannsins í þjóðfélaginu.

2004-11-16T11:50:00.000-08:00

"Níu man eg heima,
níu í viði,
mjötvið mæran
fyr mold neðan."

Gott kvöld.
Spámaðurinn er sannfærður um að kettirnir í hverfinu séu útsendarar norna sem hyggjast njósna um gjörðir Spámannsins. Amk er það mjög vinsælt sport hjá ferfætlingunum að troða sér inn um glugga hjá honum við öll tækifæri, og virðast þeir hörðustu jafnan geta troðið sér inn um rifuna á glugganum sama hve smá hún er.
Í árdaga var einn af ábúendunum hérna fugl og því ekki vinsælt að fá ketti inn, því tók Spámaðurinn upp á því að sletta smá vatni á kettina þegar þeir komu inn, og eftir þrjár slíkar uppákomur var sem samfélag kattanna hefði ákveðið að hér byggi illur maður sem skvetti hinum hataða vökva í andlit þeirra, og þeir hættu að láta sjá sig.
Nú hafa þeir hafið leikinn að nýju, og tvíeflst ef eitthvað er.
Hugsanlegt er þó að uppákoma gærkvöldsins hafi ákveðið fordæmisgildi og að heimsóknum þeirra fækki. En í gærkveldi lá Spámaðurinn í makindum sínum á sófanum með golden og tebolla og blaðaði í tímariti þegar hann heyrði skyndilega mikinn skarkala úr eldhúsinu, hann heyrði vatn skella á eldhúsgólfinu og svo hljóð sem líktist barnsgráti...
Spámanninum varð hverft við og hljóp strax inn í eldhúsið og sá undir iljarnar á rennblautum gesti sínum þar sem hann rauk út um eldhúsgluggann eins og hann ætti lífið að leysa.
Verksummerkin gefa til kynna að gesturinn hafi komið inn um eldhúsglugga Spámannsins og hafnað ofan í eldhúsvaskinum sem er beint fyrir neðan gluggann. Vaskurinn var fullur af hlandvolgu vatni og diskum.

2004-11-12T14:29:00.000-08:00

"Á gengust eiðar,
orð og særi,
mál öll meginleg
er á meðal fóru."

Gott kvöld.
Útidyrahurð Spámannsins er hætt að ljúga að umheiminum: Hér býr aðeins Spámaðurinn og enginn annar og útidyrahurðin staðfestir það nú.
Spámaðurinn keypti sér forláta spjald sem ber nafn hans og kippti niður spjaldinu sem var þar fyrir, spjaldi sem tilkynnti vegfarendum að hér byggju tvær manneskjur.
Í þetta sinn er nafn Spámannsins þó grafið í piparsveinslegt svart plast í stað fjölskylduvæns og glitrandi málms.

Annars er lítið að frétta af Spámanninum. Hann er kvefaður og komið er í hann skammdegisþunglyndi, svo hann hafði ekki geð í sér til þess að halda í sumarbústað með stórum hópi fagurra fljóða (og einum ofvirkum karlkyns fulltrúa Spánarveldis) en hefur þess í stað eytt kvöldinu yfir ævafornum kvikmyndum og rjúkandi tebolla.
Deginum eyddi Spámaðurinn hinsvegar í nostalgískar sögur af eignaspjöllum og hetjudáðum með einum af heimadrengjum sínum á kaffihúsi.

Mynd: Breiðholtsprinsinn færir fram mótrök í ritdeilu

2004-11-09T11:34:00.000-08:00

"Illt er með ásum,
illt er með álfum;
hefir þú Hlórriða
hamar um fólginn?"

Gott kveld.
Spámaðurinn hlýtur að líta út fyrir að hafa þungar áhyggjur af framtíð sinni, eða vera í dauðaleit eftir viðbótarlífeyrissparnaði.
Hvort sem það er tilfellið eður ei, þá hafa menn í jakkafötum nálgast Spámanninn þrisvar á síðustu tveimur dögum og spurt hvort hann hafi áhuga á viðbótarlífeyrissparnaði.
Allir fóru þeir undan í flæmingi þegar innt var eftir hvort listamenn ættu rétt á lífeyri eftir allar innsetningarnar og gjörningana. Einn þeirra endaði samtalið samstundis með orðunum "nú já" og sneri sér síðan undan.

2004-11-05T15:06:00.000-08:00

Mynd: Neikvæð gagnrýni

2004-10-31T10:06:00.000-08:00

"Mörg er góð mær,
ef görva kannar,
hugbrigð við hali."

Gott kvöld.
Spámaðurinn hélt í hringiðuna og dauðadansinn í miðborginni á föstudagsnóttina. Hann slóst í för með skiptinemalýðnum sem sækir heim skóla hans... Eftir að hafa rápað á milli helvískra búlla þar sem mjöður flýtur um gólf og ælutaumur rennur um kinn sótti undarleg þörf að suðrænu gestum lands vors, en liðið ákvað skyndilega að þörf væri á jarðarberjaís... Því var rölt niður í einhverja sjoppu niðri við sjó og þar horfði Spámaðurinn á suðrænu gestina torga heilum lítra af kjörís í portinu á bakvið sjoppuna í brunagaddi og haglél. Hugsanlega vilja gestirnir kynnast hinum íslenska veruleika og langað til að upplifa hina rammíslenzku asíuflensu. Eða máski hefur græna tóbakið verið haft um hönd og svengd sótt að hópnum... Svarið hefur Spámaðurinn ekki á reiðum höndum. Alla vega varð Spámaðurinn feginn þegar ísátið var yfirstaðið og haldið var aftur í normalheitin inni á knæpu þar sem fólk hegðaði sér á útreiknanlegann hátt (þeas. slangraði um kófsveitt eða hristi botninn).
Spámanninum finnst sniðugt hvernig margir skemmtistaðir gefa til kynna að darraðadans ó/náttúrunnar sé á enda, en það gera þeir með því að kveikja ljósin.
Þar sem fólk hefur skemmt sér í hálfrökkri og marglitum glitrandi, blikkandi ljósum kviknar allt í einu ljós sem sýnir gestum hinn ógeðfellda veruleika sem þeir hafa verið að forðast svo lengi. Vægðarlaus flóðlýsingin afhjúpar mystísku fegurðardísina á næsta borði og á augnabliki er hulunni svipt af ljósrauðu andliti, svitapollum í handarkrikum og sígarettugulu á fingrum hennar. Glerbrot, sígarettustubbar, týndir gemsar og annað sem stráð er um gólfin koma skyndilega í ljós, raunverulegur litur veggjarins verður greinilegur, töffarinn sem húkti undir vegg og fylgdist íbygginn með mannlífinu hangir skyndilega á veggnum vegna þess að hann getur ekki annað, öfuguggar geta ekki lengur klipið í þrýstna botna í skjóli myrkurs, glitrandi augu fá skyndilega dökka bauga, bjórslettur á munstruðum pilsum koma í ljós, vandaða dú-ið verður allt í einu að svitastorknum lubba og kekkjótta slorið í botnum bjórglasanna á borðinu verður sýnilegt.
Og flestir halda heim á leið...

2004-10-26T14:17:00.000-07:00

"Enginn er verri
en Ormur á Knerri."

Spámaðurinn er moldríkur í dag! Eftir nokkuð marga daga af sulti og neyð er Spámaðurinn nú með vasa fulla fjár og skreytir líkama sinn með blingbling.
Hlemmur virðist vera fullur af heiðarlegum sálum sem hafa leyft hraðbankanum að gleypa seðlana sem spámaðurinn gleymdi, og biður Spámaðurinn vergangsliðið, táningana, tunglsjúklingana og alkóhólistana á hlemmi hérmeð afsökunar á því að hafa búist við hinu versta af þeirra hálfu.
Eftir þessar gleðifréttir fékk Spámaðurinn sér veglega máltíð, sem var himnesk upplifun, því matarræði Spámannsins var orðið ansi sjúskað (matseðill gærdagsins: þurrt hrökkbrauð í hádeginu og 1 stk. vafasamur, fundinn vorrúllufjársjóður úr frystihólfinu og grænar baunir úr dós að kveldi).
Spámaðurinn þarf aldrei aftur að skeina sér á eldhúsrúllu þökk sé einhverjum bráðskörpum (og nafnlausum) lesanda Rassgathole! Vei Vei!

Að lokum er það tímavélin:
Spámaðurinn ætlar að ferðast með ykkur aftur í tíma. Nánar til tekið, til ársins 1999 beint inn í athyglisverðar og bráðskemmtilegar samræður Bandarískra reykingamanna um tóbaksfíkn sína og kjarnorkuhelför tvöþúsundvandans: hérna

2004-10-21T11:16:00.000-07:00

"Þveginn og mettur
ríði maður þingi að,
þótt hann sé-t væddur til vel.
Skúa og bróka
skammist engi maður
né hests in heldur,
þátt hann hafi-t góðan"

Gott kvöld.
Þó höfuð og hugur Spámannsins séu í skýjunum hjá almættinu er líkami hans á jörðinni. Veski Spámannsins fékk þungt högg nýlega... En Spámaðurinn hefur sjaldan formælt örlögunum og heimsku sinni jafn kröftuglega og í gær.
Hvers vegna?
Spámaðurinn var með fjárhagsáætlun, en hann átti 3000 krónur í gær... Hann hugðist versla sér matarfjall og nokkur grömm af tóbaki og reyna að láta það svo duga sér út mánuðinn, meir að segja ætlaði hann sér að fá sér kaffibolla á kaffistofu guðanna fyrir afganginn.
Svo Spámaðurinn fór í hraðbankann á hlemmi, tók út þrjúþúsarann sinn, tók kvittunina og kortið og gekk svo niður laugaveginn. En þar sem hugur Spámannsins er meðal almáttugra vera í himnaríki GLEYMDI hann peningnum!!! Og þar sem hlemmur er staður þar sem slagsmál brjótast út yfir kramdri gosdós á glámbekk, gufaði peningurinn að sjálfsögðu upp.

Blankheit breyta heiminum í veisluborð...
Skyndilega eru vafasömu tómatarnir aftast í ísskápnum orðnir mjög girnilegir, allt í einu er tilhugsunin um pasta með niðursoðnum sveppum (eingöngu) alls ekki slæm, mjúka kexið á að vera mjúkt, te með þriðju-umferðar tepoka er allt í einu ekkert of þunnt, Faxe dósin sem er við það að ryðga í ísskápshurðinni er geymd til betra kvölds þegar Spámaðurinn vill hafa það náðugt, skraufþurru L&M sígaretturnar sem enginn vill verða allt í einu svo eftirsóttar að þeim er skammtað... Hrökkbrauð með sultu? Já takk!!!

Djöfull væri nú gaman ef að ég fengi aðra sjúpa-sleikjó kynningu inn um bréfalúguna í fyrramálið.

2004-10-18T17:42:00.000-07:00

Hver er ég? Hvað er ég? Af hverju hafa Japanir svona mikinn áhuga á því hvar ég er?